Búnaðarrit - 01.01.1933, Page 478
468
BÚNAÐARRIT
þau fæddust í maí, og fram um réttirnar. Það er sama
sem enginn munur á því, hve lömbin í góða landinu í
Þingeyjarsýslu hafa margfaldað nýborna þunga sinn bet-
ur en lömbin í létta landinu í Flóanum, Mýrdalnum eða
Hornafirðinum. A öllum stöðunum hafa þau um það bil
10 faldað nýborna þungann. En nýborni þunginn hefur
verið misjafn. Hann hefur verið frá 2 kg (til niðri á IV2)
og uppi á 6,5. Og hann er misjafn eftir sveitunum. Og
þegar maður athugar þetta nánar, þá kemur greinilega
í ljós, að haustþunginn stendur. yfirleitt í sambandi við
vorþungann. En vorþunginn, eða þungi Iambanna ný-
borinna fer aftur að lang mestu leyti eftir tvennu, hver
hrúíurinn hefur verið og hvernig gert hefur verið við
ærnar síðustu 6 vikurnar af meðgöngutíma ánna. I
sambandi við hið fyrra, um áhrif hrútanna, skal ég bara
nefna, að á bæ á Suðurlandi, þar sem nú eru tveir
fyrstu verðlauna hrútar, sem varla verður gert upp á
milli, fæðast árlega lömb undan öðrum, sem vega 0,5
kg meira nýborin og 5 kg meira að haustinu en undan
hinum. Þetta eina dæmi verður að nægja til að sýna
ykkur hvers virði það er, að eiga og nota góða hrúta.
Um hitt vil ég biðja ykkur, hvern einn sem á mig hlýðir
að athuga, hvernig meðferð ánna ykkar er síðustu 6
vikur meðgöngutímans. Þá taka lömbin út aðalþungann.
Og er meðferðin þá svo að þau fái hann, eða er hún
svo að þið klípið af honum, og fáið þessvegna léttari
skrokka að haustinu? Ef þið gerið það, þá skyldi
það ekki undra mig þó þið fyndið að þar væri ein
aðalástæðan til þess, að lömbin ykkar eru ekki þyngri
en raun er á. Það er áreiðanlega hvergi svo létt land,
að féð þessvegna geti ekki orðið vænt, ef ekki er
eitthvað annað sem takmarkar hver vænleikinn getur
orðið.1) Og oftast er það meðferðin sem takmarkar, og
þá einmitt meðferðin síðast á meðgöngutímanum.
') Tel þessa kenningu mjög fjarri réttu lagi.
Ritstj.