Sunnudagsblaðið - 04.10.1925, Blaðsíða 2

10
Sunnudagsblaðið.
Fall Senekeribs.
Byron Lávarður.
Ofan æðandi
AssJ'rar geystust,
Sem vargar bölvísir
Að bóli kvía;
Skein á fylkingar
Fagurbúnar,
Gulli glæstar,
Skrýddar guðvefjum.
Stóðu geislar
Af geirum bláum,
Sem þá mærar
Um miðnætti
Stjörnur í öldu
Endurskína
A græði djúpum
Galílea.
Sem þá á svásu
Sumri skrýðist
Fjölsettur laufi
Fagurlimi,
Fríðir, fjölmennir,
Með fánum glæstum,
Sáust dólgmegir
Um dagsetur.
Sem lauf litverp,
Liggja á mörkum,
Hrakin haustvindum,
Hélu slegin,
Svo lágu liðar
Lífs andvana.
Og dauðir
í dagsbrún litu.
Pví að drápægur
Dauðans engill
Vængi váskeytta
A vindum þandi,
Og lífköldum blés
Á lofða augu
Feigðar gusti
Er hann fram hjá þaut.
Og sofendur
Sjónum stirðnandi,
Hálfbrostnum augum
í húm störðu.
Við dauða draum
Dapurlegan
Brá við hjarta —
Sú var bifun hinst.
Marr makkaprúður
Lá á moldarþröm,
Gengið var fjör,
Ginu honura nasir,
Né þær móðugum
Másandi freyddu,
Sem þá vals
Yfir völlu sendist.
Hafði fnæsandi
í fjörbrotum
A fold græna
Froðu spúið
Brimi hvítari,
Brimi kaldari,
Fví er löðrar
Um lægis dranga.
Lá þar riddari,
Hafði lit brugðið,
Úfrynn í andláti
Og afrekslaus.
Var dáins brún
Döggu slegin,
En ryðborinn
Róða serkur.
Hljótt var í tjöldum
At herja liðna
Ágrundulágugunnfánar,.
Né þeir geyst óðu,
Bjartar kesjur,
Né til böls reiddar.
Hvellir lúðrar
Voru hvergi þreyttir.
Hátt klökkva ekkjur
í Assýrs landi,
Brotin eru skurðgoð
í Baals hofi.
Hjaðna lét hinn hæsti
Heiðið veldi,
Vopnbitið þeygi.
Sem á vori mjöll.
Stgr. Th. þýddi.
Mosul-málið.
Maður að nafni Henry de Korab
skrifar allskemtilega grein um Mosul-
málið í Parísarblaðið »Le Matin«.
Amerískt tímarit birtir kafla úr grein
hans og er hann á þessa leið:
»Ég hefi nýlega lesið bók þá um
Mosul, sem þar til skipuð nefnd Al-
þjóðabandalagsráðsins samdi. Nefndin
átti að rannsaka þetta mál og koma
fram með tillögur um, hvað gera ætti.
Væri réttast, að Tyrkland fengi yfirráðin,
eða nýja enskarabiska konungsríkið Irak,
sem Emir Feisal stjórnar, en Bretar
hafa lögregluvarðgæslu á hendi i? Það
eru sennilega um 800,000 íbúa í Mosul-
héruðunum og þjóðflokkarnir eru minst
tuttugu. Eitt héraðið byggja Tyrkir á
sumrum og Kúrðar á vetrum. En ef
einhver spyr, hvers vegna er svo mikið
rifist um þetta ófrjóa auðnarland, þá er
svarið altaf: Olía.
Þar er svo mikil olía í jörð, að ráði
EDgland þar lögum og lofum þá hefði
þeir þann nægtabrunn handa flota sín-
um, sem seint, kanske aldrei, mundi
þurausinn verða.
Sú var ástæðan, að það lá við styrj-
öld milli Breta og Tyrkja fyrir liðlega
ári síðan. Ekki minkaði glóðin í kolun-
um, þegar Feisal konungur, að ráði
Curzons lávarðs, seldi rétt sinn á þýð-
ingarmiklum olíulindum. Bretar keyptu
og þeir áttu að taka við umráðunum
þann 14. sept. 1925. (Sbr. æsinguna út
af þessu máli einmitt nú.) Henry de
Korab vitnar síðan í skýrslu nefndar-
innar:
»Frá þvi sögur fara af hefir Mosul
verið eign Iraks«, stendur í tilkynningu
frá Curzon.
En nefndin svarar:
»Við höfum athugað öll skjöl, upp-
drætti o. s. frv. Mosul hefir aldrei verið
eign Iraks«.
»það er ekki einn Tyrki í borginni
MosuI«, stendur i annari brezkri til-
kynningu.
Nefndin svarar:
wÞeir eru 16,672«.
Og svo mætti lengi áfram halda. Það
er ekki efamál, að báðir aðiljar hafa
úti allar klær til þess að fá yfirráðin
yfir landinu nú. Og sennilega væri
það íbúunum og landinu fyrir beztu, að
það væri lagt undir Irak. Að vísu, segja
nefndarmenn, hafa flestir ibúanna samúð
með Tyrkjum, en — margir þeirra sjá
það fyrir, að hag þeirra sjálfra og
framtíð landsins væri betur borgið undir
»brezkri« stjórn — í Irak. Á meðan
Bretar hafa lögreglugæzlu á hendi í
landinu vilja þeir gjarnan vera Irak-ar,
en fari þeir, munu þeir gerast »tyrk-
neskir« mjög án tafar. íbúarnir sjálfir
sjá sem sagt sitt ráð vænst, að haga
sér eftir því sem vindurinn blæs. Komið
hefir til orða, að Brelar hafi löggæslu
á hendi í landinu fyrir Alþjóðabanda-
lagið, um 25 ára skeið. En ekkert bendir
á, að Tyrkir muni una slíku. Tyrkir og
Bretar hafa fyr elt grátt silfur. Margir
óttast að Mosul-málið muni fæða af sér
styrjöld, er verði upphaf nýrrar heims-
styrjaldar, enn ægilegri en heimsstyrj-
öldin mikla var. Vonandi rætast þær
hrakspár ekki, en það er síður en svo,
að nú sé friðvænlegt í heiminum.
(Mosul er bær við Tigris í Mesopota-
miu. Héruðin umhverfis kölluð Mosul-
héruðin. íbúar borgarinnar eru 60.000
(7« kristnir). Baðmullarvöruiðnaður. —
»MusseIin« er dregið af Mosul. Bretar
hafa haft þarna löggæslu á hendi siðan
3. nóv. 1918.)
Ambátt sheiksins
heitir kvikmynd, sem nú verður sýnd f
Nýja Bíó. Kvikmyndin er ein hinna
mörgu ágætu kvikmynda, sem hér verða
sýndar í haust. Sagan gerist í Norður-
Afríku, æfintýralandinu, og er aðalefni
hennar ástaræfintýri fagurrar dansmeyj-
ar af Arabakyni og fransks yfirforingja.
Kvikmyndin er að mörgu áhrifamikil
og hugðnæm. Norma Talmadge Ieikur
annað aðalhlutverkið af venjulegri snild.
Er hún einhver vinsælasta kvikmynda-
leikkona, sem nú er uppi. Á móti henni
i þessari kvikmynd leikur Joseph Schild-
kraut. Hann mun nú mega telja heims-
frægan leikara. Þeir, sem sáu kvikm.
»Einstæðingana« (De to Foreldreslöse),
muna sjálfsagt hve vel hann Iék í henni.
Hann virðist vera ágætlega til þess fall-
inn, að leika það hlutverk, sem hann
hefir á hendi í »Ambátt sheiksins«. —
Ýms önnur hlutverk í þessari mynd eru
vel leikin, t. d. leikur E. Carew Ramlika
mjög vel.