Samtíðin - 01.06.1969, Blaðsíða 11
SAMTÍÐIN
7
korn á því, áður en þú þværð hana af.
8. Döggvaðu hörundið öðru hverju með
þunnri tómatsneið eða gulrótarsafa og
nuddaðu það því næst með lanólínkremi,
þegar það er orðið þurrt.
9. Leggðu vikulega á andlitið þykka
fegrunargrímu úr 1 msk. af hunangi og 1
msk. af þeyttum rjóma, blönduðu saman.
Þurrkaðu hana síðan af eftir hæfilegan
tíma.
10. Berðu ávallt ögn af feitu kremi
undir' hökuna, þegar þú hefur lokið við
að snyrta andlitið.
11. Gættu þess að neyta daglega hollr-
ar fæðu, því að án hennar eru fyrrnefnd-
ar snyrtiaðgerðir tilgangslitlar.
12. Borðaðu alltaf hægt og rólega og
mundu að tyggja matinn vel. Gættu þess
að borða þig aldrei of sadda.
" Kvenþjóðin og hanzkarnir
NO á dögum eru allar vel klæddar kon-
ur með hanzka, en fyrir 800 árum var
konum bannaður sá munaður. Fyrir 1100
máttu engir aðrir en prestar vera með
hanzka. Við guðsþjónustur voru þeir með
hvíta hanzka, er táknuðu hreinleika.
Loks var konungbornu fólki einnig leyft
að vera með hanzka í kirkjum, og um
miðja 17. öld. var svo komið, að ekki þótti
hæfa, að neinn maður sæti hanzkalaus í
kirkju. Um*svipað leyti voru hanzkar tald-
ir mikilsverðari en hringir. Ungur mað-
ur bauð stúlkunni, sem hjarta hans girnt-
ist, hanzka að gjöf. Ef hún svaraði hon-
um með því að gefa honum annan hanzk-
ann sinn, hafði hún um leið játazt honum
fyrir sitt leyti. Samþykkis föður stúlk-
unnar leitaði biðillinn með því að bjóða
honum hinn hanzka sinn að gjöf. Átti
það að merkja, að hann gæti með annarri
hendinni vel veitt dóttur hans sízt lakara
atlæti en hún hefði átt aðvenjast.
(Ur London Journal frá 1885).
Varaliturinn fer illa
HELGA skrifar: Mér gengur alltaf
fjarska illa að mála á mér varirnar. Lit-
urinn hreistrar á þeim og vill auk þess
fara út í smáhrukkurnar við munninn.
Hvernig á ég að ráða bót á þessu? Held-
urðu, að það sé varalitnum að kenna?
SVAR: Ef til vill er þetta því að kenna,
að varirnar á þér eru of þurrar. Reyndu
að bera krem á þær á kvöldin eða nudda
þær með kókosfeiti. Þrýstu alltaf þurrum
púðurkvasta að vörunum, áður en þú berð
varalitinn á þæi', og eftir um það bil 10
mínútur skaltu þrýsta pappírsþurrku að
vörunum til að hreinsa af þeim lit, sem
tollir ekki á þeim. Ef þér finnst varirnar
þurrar, geturðu annaðhvort borið á þær
hvítan varalit eða kókosfeiti.
Hvað segirðu um aldursmuninn?
K. skrifar: Eg er tvítug og er orðin
mjög ástfangin í manni, sem er 6 mánuð-
um yngri en ég. Hann er líka ástfanginn
í mér. Nú segja vinkonur mínar, að ekk-
ert vit sé í, að ég fari að giftast manni,
sem sé yngri en ég; það fari oftast illa.
Hvað á ég að gera?
SVAR: Því er fyrst til að svara, að 6
mánuðir eru alls enginn aldursmunur á
hjónum. Svo get ég frætt þig á því, að
ég þekki hjón, þar sem konan er nokkr-
um árum eldri en maður hennar, og hjóna-
band þeirra er eins farsælt og hugsazt get-
ur. Eg held, að þú eigir ekki að taka alit
of mikið mark á því, sem þessar vinkonur
þínar eru að segja í þessum efnum, ef þær
eru ekki skynsamari en þetta.
Naglaböndin fara illa
ÁSTA skrifar: Geturðu ekki ráðlagt
mér eitthvað til að laga naglaböndin á
mér. Þau vaxa svo óskaplega í hverri viku.
Á ég að láta þau vaxa eftir vild, eða get-