Fréttablaðið - 08.12.2010, Side 29

jólagjöfi n hans ● fréttablaðið ●MIÐVIKUDAGUR 8. DESEMBER 2010 5
● UPPÁHALDSMYNDIN Á DVD Lítið mál er
að finna gjafir fyrir kvikmyndaáhugamenn. Þó þarf að
vinna nokkra heimildarvinnu fyrir gjafakaupin til að
athuga hvað viðkomandi á nú þegar í
safni sínu. Bæði má
leita í nýútgefnar
myndir en einnig er
skemmtilegt að finna
gamlar og klassískar
myndir sem vantar
í safnið. Gaman er
líka að finna íslenskar
myndir.
● GLAÐN-
INGUR Bókin
Saga jólanna eftir
Árna Björnsson þjóð-
háttafræðing hefur
að geyma margvíslegan fróð-
leik. Jólagjafir eru meðal annars
til umfjöllunar og kemur fram
að ekki hafi orðið vart við ein-
staklingsbundnar jólagjafir á Ís-
landi fyrr en á 19. öld. Reiknað
var með að hver heimilismaður
fengi nýja skó og flík á jólunum
en frekar var litið á það sem
aukaþóknun eða desember-
uppbót en jólagjöf. Eftir að þétt-
býlismyndun varð í Reykjavík
reyndu nokkrir skósmiðir að
höfða til jólaskónna í auglýs-
ingum.
● PÚKASKAPUR Ef þinn
maður er einn þeirra sem finnst
leiðinlegt að fá mjúka pakka rétt
eins og blessuð börnin gæt-
irðu brugðið á það ráð að stríða
honum örlítið fyrir þessi jól.
Ákveðir þú að gleðja hann með
harðri gjöf skaltu vefja henni
inn í gamalt handklæði eða
peysu eða setja ofan í íþrótta-
tösku og pakka svo öllu saman
í jólapappír. Fylgstu svo með
óborganlegum svipbrigðunum
fyrst þegar þú afhendir honum
„mjúku“ gjöfina á aðfangadag
og síðan þegar sannleikurinn
kemur í ljós.
● PERSÓNULEG ÁLETRUN Hægt er að leita til
gullsmiða um að letra á ýmsa málmhluti, allt frá úrum til
zippo-kveikjara. Hjá Meba í Kringlunni kost-
ar áletrun 1.200 krónur að 10 stöfum
en hver stafur eftir það kostar 120
krónur.
Einnig má finna einhver
fyrirtæki sem merkja stutterma-
boli, handklæði, derhúfur og
bolla með stöfum og jafnvel
persónulegum myndum. Þar
má nefna Merkt í Faxafeni og
Bros á Norðlingabraut.
● SPILAFJÖR Flestir karl-
menn eru keppnismenn og
því er kjörið að gefa þeim spil
sem þeir geta spreytt sig á með
vinum sínum og/eða fjölskyld-
unni. Árlega koma ný borðspil
á markað og nú í ár hafa að
minnsta kosti bæst þrjú við þau
sem fyrir eru, Popp punktur,
Fimbulfamb og Þú veist. Þar
með er ekki sagt að spil sem
áður eru komin út séu á nokk-
urn hátt fallin úr gildi. Það eina
sem þarf að gera áður en þeim
er pakkað inn nú er að kanna
hvort viðtakandinn eigi þau
fyrir.