Fréttablaðið - 24.12.2010, Blaðsíða 46
42 24. desember 2010 FÖSTUDAGURJÓLAMATURINN
„Þátturinn á að vera ógeðslega skemmtilegur og
eins fjölbreyttur og hægt er,“ segir uppistand-
arinn Ari Eldjárn.
Ari og félagar hans í grínhópnum Mið-Íslandi,
þeir Bergur Ebbi, Jóhann Alfreð og Dóri DNA,
vinna nú ásamt Ragnari Hanssyni að nýrri gam-
anþáttaröð. Ari heldur utan um handritsgerðina
sem allir í hópnum taka þátt í ásamt Ragnari
sem mun leikstýra. Mystery Ísland framleiðir
þættina en þeir verða átta talsins og munu bera
nafn hópsins. Upptökur hefjast næsta sumar og
munu fjórmenningarnir fara með aðalhlutverk-
in. Þættirnir verða sýndir á Stöð 2 og stefnt er að
því að sýningar hefjist seint á næsta ári.
Spurður hvort pláss sé á markaðnum fyrir
nýtt grín segist Ari ekki þekkja hversu mett-
aður grínmarkaðurinn sé. „En ætli við teljum
okkur ekki trú um að við séum að gera eitthvað
sem hefur ekki verið gert áður og því sé gapandi
svarthol á markaðnum,“ segir hann í laufléttum
dúr, en bætir öllu alvarlegri við: „Ég vil ekki
hafa nein gífuryrði um þáttinn því þetta er svo
nýhafið hjá okkur en svona verkefni hefur verið
draumur hjá okkur lengi þannig metnaðurinn er
aldeilis til staðar.“
Ásamt því að vera einn vinsælasti uppistand-
ari landsins hefur Ari fengist við handritaskrif
síðustu misseri. Hann var í hópnum sem skrif-
aði þættina Hlemmavídeó og hefur þrisvar tekið
þátt í að skrifa áramótaskaupið. „Fyrir mér er
þetta fyrst og fremst handritsverkefni og áskor-
unin er að skrifa eitthvað sem er bæði spennandi
og frumlegt.“ segir hann.
Leikstjórinn Ragnar Hansson hefur talsverða
reynslu af framleiðslu gamanefnis. Hann leik-
stýrði Sigtinu sem sýnt var á Skjá einum og nú
síðast þáttaröðinni Mér er gamanmál sem sýnd
var á Stöð 2. Þættirnir fjölluðu um afdrif Frí-
manns Gunnarssonar sem er leikinn af bróður
Ragnars, Gunnari Hanssyni en ásamt honum
hefur Ragnar unnið með grínistum á borð við
Frank Hvam, Matt Berry og Jóni Gnarr.
„Við ætlum að gera frábæran gamanþátt –
vonandi tímalausan, þar sem sótt verður í eigin
húmor og þaulreyndan húmor,“ svarar Ragnar
spurður á hverju áhorfendur eigi von. „Mér líst
vel á þáttinn því þetta er í fyrsta skipti sem ég
leikstýri hópi þar sem allir eru yngri en ég. Ég
held ég sé sá eini sem er vitlausu megin við þrí-
tugt. Ég miðla mikilli reynslu til þeirra – ekki
bara um þáttagerð heldur mun ég kenna þeim
allt um býflugurnar og blómin. Ganga þeim í
föðurstað.“ atlifannar@frettabladid.is
ARI ELDJÁRN: ÞETTA ER BÚIÐ AÐ VERA DRAUMUR MJÖG LENGI
Mið-Ísland gerir sjónvarpsþætti
HÓPURINN SAMEINAÐUR Ari Eldjárn, Jóhann Alfreð, Bergur Ebbi og Dóri DNA mynda grínhópinn Mið-Ísland. Nú
hefur leikstjórinn Ragnar Hansson gengið í lið með þeim og leikstýrir væntanlegum gamanþáttum. FRÉTTABLAÐIÐ/STEFÁN
Ég miðla mikilli reynslu til þeirra
- ekki bara um þáttagerð heldur
mun ég kenna þeim allt um fuglana og
fiðrildin. Ganga þeim í föðurstað.
RAGNAR HANSSON
LEIKSTJÓRI
„Það má segja að Tobba sé að fjöl-
skylduvæða mig þessi jólin. Ég fer
í fleiri jólaboð í ár en í fyrra en
held þó í mínar hefðir,“ segir Karl
Sigurðsson, borgarfulltrúi Besta
flokksins og meðlimur Baggalúts,
um hvernig jólahaldi hans og Þor-
bjargar Marinósdóttur, Tobbu eins
og hún er kölluð, er háttað. Þau
byrjuðu saman á árinu en ætla að
vera hvort í sínu lagi yfir matinn
á aðfangadagskvöld og hittast svo
á eftir. „Það eru fleiri fjölskyldu-
boð hjá henni en mér yfir hátíð-
arnar og ég fer samviskusamlega
í þau öll, sem er bara gaman því
fjölskyldan hennar er svo hress og
skemmtileg,“ segir Kalli en hann
segist ekkert vera stressaður þótt
hann sé að fara að hitta sum skyld-
menni Tobbu í fyrsta sinn. „Nei,
ég er ekkert stressaður og hlakka
bara til.“
Þegar Fréttablaðið náði tali af
Kalla var hann á leiðinni í skötu-
boð eða skötumessu eins og hann
kallaði það og svo hangikjöt hjá
foreldrum Tobbu á Þorláksmessu-
kvöld. Hann segist löngu búinn að
kaupa jólagjöfina handa kærust-
unni en hann þáði smá hjálp frá
tengdamóður sinni með gjafaval-
ið. „Ég gef henni tvo pakka. Annan
keypti ég fyrir löngu en svo fékk
ég aðstoð frá tengdamóður minni
með seinni pakkann enda þekkir
hún dóttur sína út og inn. Það er
gott að eiga góða tengdamóður,“
segir Kalli að lokum og heldur af
stað í langþráða skötuveislu. - áp
Saman í öll jólaboðin
HITTAST EFTIR MATINN Tobba og Kalli hlakka til að halda upp á fyrstu jólin sín
saman en borða hvort í sínu lagi á aðfangadagskvöld. FRÉTTABLAÐIÐ/VALLI
Sannkallað áritunaræði hefur gripið
þá sem taka þátt í jólabóka- og
plötuflóðinu í ár. Allir, hvort sem
þeir eru þekktir eða ekki, hafa sest
við borð í verslunum og áritað verk
sín þó að ágangur aðdáenda ráðist
að sjálfsögðu af vinsældum lista-
mannsins. Einn sem hefur ekki átt
í erfiðleikum með að skapa langar
raðir með nærveru sinni er rappar-
inn Erpur Eyvindarson
og áritar hann jafnan
hina nýútkomnu plötu
Kópacabana. Erpur
hefur reyndar þurft að
rita á ýmislegt annað og
í vikunni mætti ungur
maður í Kringluna
með stærðarinnar
striga sem Erpur
skreytti með
listamannsnafni
sínu: BlazRoca.
Eins og Fréttablaðið greindi frá í
vikunni hyggst Sverrir Stormsker
rita ævisögu Völu Grand. Sverrir
segir þau hafa tekið ákvörðunina
í kjölfar viðtals í
Útvarpi Sögu.
Sverrir er yfir-
lýsingaglaður
maður – svo
yfirlýsingaglað-
ur er hann að
fréttin kom Völu
í opna skjöldu
þar sem málið
er enn þá á
umræðustigi
af hennar
hálfu. - afb
FRÉTTIR AF FÓLKI
„Ég tók á móti 150 gestum á
Þorláksmessu og bauð upp á
snittur. Í dag mun ég svo læsa
hurðinni, slökkva á símanum,
horfa á Agöthu Christie-myndir
og gæða mér á snittuafgöng-
um.“
Halldór Högurður handritshöfundur.
Eitt flottasta partí ársins var um
síðustu helgi á Hótel Borg þegar
drykkurinn Vitamin Water var
kynntur til leiks hér á landi. Enn
eru að berast sögur úr partíinu
og ein sú nýjasta er af tröllinu
Arnari Grant. Hann var hinn
vinalegasti við bæði konur og
menn og talaði fús um ágæti
prótínvara sem hann og
Ívar Guðmundsson eru
með á markaðnum. Þegar
aðdáendur þeirra tveggja
vildu fá að láta smella
mynd af sér með
hetjunum heimtaði
Grant hins vegar
að fá greitt fyrir
myndatökuna
en Ívar fékk
hann ofan af þeim
áformum fyrir rest.
Stefán Karl Stefánsson þykir hafa
sýnt ótrúlega hörku og dugnað í
bandarísku uppfærslunni af söng-
leiknum um Trölla og hvernig hann
stal jólunum enda ekki misst úr
sýningu sem hafa þó verið ótrúlega
margar. Í vikunni varð Stefán hins
vegar að játa sig sigraðan
þegar röddin gaf sig
og því varð að kalla
til staðgengil sem
heitir Andrew Boetcher.
Stefán hristi hins vegar
raddleysið af sér í
fyrradag og getur
því notið jólanna í
Toronto. - hdm, fgg
FRÉTTIR AF FÓLKI
Ólafur Darri Ólafsson hefur hreppt lítið
hlutverk í Hollywood-kvikmyndinni Contra-
band sem Baltasar Kormákur leikstýr-
ir. Meðal mótleikara Ólafs í myndinni eru
þau Kate Beckinsale og Mark Wahlberg
en myndin er endurgerð á hinni íslensku
Reykjavik-Rotterdam. „Ég hlakka alveg
rosalega mikið til, ég er búinn að tala við
Þjóðleikhúsið og Tinna Gunnlaugs var meira
en lítið reiðubúin til að greiða götu mína.
Það er ekki amalegt þegar maður hefur
svona mikið af velviljuðu fólki í kringum
sig,“ segir hann.
Ólafur mun leika vélstjóra í myndinni og
fær nokkrar línur. Baltasar sjálfur vísar því
hins vegar á bug að Ólafur hafi fengið hlut-
verkið í gegnum einhvern klíkuskap. „Hann
fór bara með þetta í gegnum umboðsmann-
inn sinn í London og mætti síðan í prufur og
þeir úti í Bandaríkjunum voru það hrifnir
af honum að þeir létu hann hafa hlutverkið,“
segir Baltasar. Ólafur Darri er hins vegar
ekki alveg jafn viss og telur nokkuð víst að ef
Balti hefði ekki setið í leikstjórastólnum hefði
hlutverkið fallið einhverjum öðrum í skaut.
Ólafur segir það alltaf hafa verið draum
hjá sér að prófa Hollywood, og sjá hvernig
svona stór framleiðsla fari fram. „Það verður
ekkert verra að fá að upplifa þetta með Balt-
asar. Ég var einmitt að rifja þetta upp um
daginn að við erum búnir að gera saman fjög-
ur leikrit og þetta verður fimmta bíómynd-
in okkar,“ segir Ólafur sem fer út um miðjan
janúar. - fgg
Ólafur Darri með Balta í Hollywood
ALLTAF VERIÐ DRAUMUR Ólafur Darri leikur lítið
hlutverk í Hollywood-kvikmyndinni Contraband sem
Baltasar Kormákur leikstýrir. FRÉTTABLAÐIÐ/VALLI
Fim 30.12. Kl. 19:00
Fös 7.1. Kl. 19:00
Lau 15.1. Kl. 19:00
Sun 16.1. Kl. 19:00
Lau 22.1. Kl. 19:00
Sun 23.1. Kl. 19:00
Lau 15.1. Kl. 20:00
Sun 16.1. Kl. 20:00
Fim 20.1. Kl. 20:00
Lau 22.1. Kl. 20:00
Þri 28.12. Kl. 16:00
Mið 29.12. Kl. 16:00
Fim 30.12. Kl. 16:00
Sun 2.1. Kl. 13:00
Sun 2.1. Kl. 15:00
Lau 8.1. Kl. 13:00
Lau 8.1. Kl. 15:00
Sun 9.1. Kl. 13:00
Sun 9.1. Kl. 15:00
U
Fíasól (Kúlan)
Íslandsklukkan (Stóra sviðið)
Gerpla (Stóra sviðið)
Leitin að jólunum
Þri 28.12. Kl. 14:00
Þri 28.12. Kl. 16:00
Mið 29.12. Kl. 14:00
Mið 29.12. Kl. 16:00U
U
Ö
Ö
Fim 30.12. Kl. 20:00 Frums.
Mið 5.1. Kl. 20:00
Fim 6.1. Kl. 20:00
Fös 7.1. Kl. 20:00
Lau 8.1. Kl. 20:00
Kandíland (Kassinn)
Ö Fim 6.1. Kl. 20:00
Mið 12.1. Kl. 20:00
Fim 20.1. Kl. 20:00
Sun 30.1. Kl. 20:00
Lér konungur (Stóra sviðið)
Sun 26.12. Kl. 20:00 Frums.
Þri 28.12. Kl. 20:00 2. sýn
Mið 29.12. Kl. 20:00 3. sýn
Lau 8.1. Kl. 20:00 4. sýn
Sun 9.1. Kl. 20:00 5. sýn
Fim 13.1. Kl. 20:00 6. sýn
Fös 14.1. Kl. 20:00 7. sýn
Fös 21.1. Kl. 20:00 8. sýn
U
Ö
Ö
Ö
Ö
Ö
Ö
Ö
Ö
Ö
Fim 3.2. Kl. 18:00
Sun 6.2. Kl. 14:00
Sun 6.2. Kl. 17:00
Sun 13.2. Kl. 14:00
Sun 13.2. Kl. 17:00
Sun 20.2. Kl. 14:00
Sun 20.2. Kl. 17:00
Sun 27.2. Kl. 14:00
Sun 27.2. Kl. 17:00
Ballið á Bessastöðum (Stóra sviðið)
U
Ö
Ö
Hænuungarnir (Kassinn)
U
U
U
Ö
U
Ö
Ö
Ö Ö
U
Ö
Ö
GEFÐU GÓÐAR STUNDIR
Gjafakort Þjóðleikhússins á hátíðartilboði!
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI SKEMMTUN
Meiri Vísir.