Fréttablaðið - 28.03.2011, Blaðsíða 46

28. mars 2011 MÁNUDAGUR30
LÖGIN VIÐ VINNUNA
„Ég hlusta mest á Gullbylgjuna
því ég vil hafa lögin sem ég
hlusta á létt og rómantísk.
Ef það koma skemmtileg lög
hækkum við svo mikið í græj-
unum að við erum þegar búin
að sprengja einn hátalara.“
Gríma Kristinsdóttir, hárgreiðslukona
og þátttakandi í þáttunum Hamingjan
sanna.
„Ég bjóst aldrei við að frumsýna leikrit eftir hálfs
árs búsetu í landinu,“ segir Ívar Örn Sverrisson
leikari, sem nýverið frumsýndi leikritið What a
Glorious Day með norska leikhópnum Grusom-
hetens teater. Ívar Örn fluttist til Noregs síðasta
sumar ásamt fjölskyldu sinni en ástæðan fyrir dvöl
þeirra í landinu er skólaganga eiginkonunnar. „Við
renndum frekar blint í sjóinn og ég var ekki með
neitt fast i hendi þegar við fluttum hingað. Byrjaði
á að vinna á kaffihúsi til að ná tökum á tungumál-
inu og ég tek ennþá nokkrar vaktir í mánuði þar,“
segir Ívar Örn, en það var fyrir tilviljun að hann
komst í kynni við leikhópinn Grusomhetens teater.
„Ég var að leika sem statisti í Óperunni og þar var
strákur svo almennilegur að láta mig vita að leik-
hópurinn væri að leita að leikara. Með minn dans-
bakgrunn smellpassaði ég í hlutverkið enda verkið
mjög líkam legt,“ segir Ívar Örn og bætir við að
leikstjórinn, Lars Øyno, hafi einnig verið hrifinn af
bjagaðri norskunni hans, en lítill texti er í verkinu
og meiri áhersla lögð á líkamlega tjáningu. Verkið
hefur fengið ágætis dóma í Noregi og vonast Ívar
Örn til að geta starfað áfram með leikhópnum.
„Okkur líkar mjög vel hérna og viljum vera í
nokkur ár til viðbótar. Við vissum ekki mikið um
landið áður en við fluttum og fannst ekki vera beint
jákvæð mynd af því á Íslandi. Hingað til hafa Norð-
menn því komið okkur skemmtilega á óvart.“ - áp
Kominn í norskan leikhóp
NÝTUR NOREGS Ívar Örn Sverrisson leikari er fluttur með fjöl-
skylduna til Osló og strax farinn að sýna á norsku leiksviði.
„Þetta er þvílíkur heiður og ofsa-
lega gaman að heyra,“ segir söng-
konan Jóhanna Guðrún.
Lag hennar, Nótt, hefur verið
valið til þátttöku í OGAE Second
Chance keppninni í Svíþjóð í lok
maí. Þar taka þátt nítján lög sem
komust ekki í lokakeppni Euro-
vision í Þýskalandi og Eurovison-
aðdáendum þykja verðug til að fá
annað tækifæri. Því er um nokk-
urs konar B-Eurovision-keppni að
ræða. Hera Björk vann einmitt
þessa keppni árið 2009 með lagið
Someday sem hún flutti fyrir
hönd Danmerkur.
Þeir aðdáendur sem tóku þátt í
valinu tilheyra þeim 150 þjóðum
sem geta ekki tekið þátt í Euro-
vision-keppninni sökum land-
fræðilegrar stöðu auk sjö til átta
landa sem taka þátt í keppninni
en eiga ekki OGAE-aðdáenda-
klúbb og er Ísland þar á meðal.
Yfir 90% þeirra sem tóku þátt í
kosningunni völdu lag Jóhönnu
sem framlag sitt í keppnina. Það
kemur ekki á óvart miðað við
óánægju margra erlendra Euro-
vision-aðdáenda yfir því að Nótt
skyldi ekki komast í úrslit Euro-
vision. „Það er ótrúlegt hvað fólk
er trygglynt þarna úti. Maður er
rosalega þakklátur fyrir að fólk
skuli ennþá muna eftir manni
því í þessum bransa er maður
gleymdur á fimm mínútum,“ segir
Jóhanna.
Hún er á leiðinni til Svíþjóðar á
miðvikudaginn þar sem hún syng-
ur með Friðriki Ómari á íslensk-
um tónleikum í Stokkhólmi. „Frið-
rik er yndislegur og ég er heppin
að fá að syngja með honum. Þetta
verður æðislega gaman.“ - fb
Jóhanna fær annað tækifæri
FÆR ANNAÐ TÆKIFÆRI Jóhanna Guðrún
hefur verið valin til þátttöku í OGAE
Second Chance keppninni í Svíþjóð í lok
maí. FRÉTTABLAÐIÐ/STEFÁN
Svo virðist sem lagið Thank You
með Jóni Þór Sigurðssyni
og félögum í Diktu sé í þann
mund að slá í gegn í Þýska-
landi, rétt eins og það gerði hér
á landi. Lagið fór beint í níunda
sætið á vinsældalista þýska
háskólaútvarpsins sína fyrstu viku
á lista og er þar skammt undan
heimfrægum hljómsveitum á
borð við Foo Fighters, The Strokes
og Radiohead.
Vinsældir Thank You
koma sér vel því
Dikta er á leiðinni
í sína fyrstu stóru
tónleikaferð um
Þýskaland sem hefst
í Köln 16. maí.
Þar verður
platan
Get It
Togheter kynnt, sem kom út á
vegum fyrirtækjanna Smarten-
Up og Rough Trade í Evrópu
11. mars. Dikta hyggur einnig á
tónleikahald í Austurríki, Sviss
og Danmörku á næstunni. Það
er því spurning hvort söngvarinn
Haukur Heiðar ætti ekki að
vippa textanum á Thank You
yfir á þýsku eins og gert er með
langflest annað afþreyingarefni í
þýskumælandi löndum. „Danke“
hljómar bara
ansi vel. - fb
FRÉTTIR AF FÓLKI
Umboðsskrifstofan Next hefur
bætt tveimur íslenskum fyrirsæt-
um á skrá hjá sér. Umboðsskrif-
stofan er ein sú umsvifamesta í
heiminum og er með skrifstofur
í London, New York, Mílanó og
París auk annarra borga og hafa
fyrirsætur á borð við Millu Jovo-
vich, Abbey Lee, Miröndu Kerr og
Önju Rubik verið á mála hjá skrif-
stofunni.
Fyrirsæturnar Elmar Johnson
og Kolfinna Kristófersdóttir, sem
eru bæði á skrá hjá Eskimo, voru
valin úr stórum hópi fyrirsæta af
einum fremsta útsendara Next-
skrifstofunnar. Andrea Brabin,
eigandi Eskimo, segir Next vera
mjög vandláta þegar kemur að
því að taka inn nýjar fyrir sætur
á skrá og því séu þetta stór-
skemmtilegar fréttir.
Elmar skrifaði undir samning
hjá Eskimo í ágúst á síðasta ári.
Hann er þó ekki alls óreyndur í
fyrirsætubransanum því hann
hefur tekið að sér ýmis fyrirsætu-
verkefni frá tíu ára aldri. Elmar
flýgur til New York í lok maí eftir
að skóla lýkur en hann er á fjórða
ári í læknisfræði við Háskóla
Íslands. Hann segir samninginn
hafa komið sér mikið á óvart en
er spenntur fyrir því að takast
á við ný og spennandi verkefni.
„Ég neita því ekki að þetta er
spennandi tækifæri og það verð-
ur gaman að fara út og sjá hvað
er í boði og hvernig hlutirnir þró-
ast,“ segir Elmar, sem mun dvelja
í borginni sumarlangt ásamt kær-
ustu sinni.
Inntur eftir því hvernig gangi
að samræma námið og fyrirsætu-
starfið segir Elmar það hafa
gengið nokkuð vel hingað til en að
námið hafi ávallt forgang. „Maður
þarf aðeins að hliðra til hér og þar
en hingað til hefur þetta gengið
nokkuð vel,“ segir hann að lokum.
sara@frettabladid.is
ELMAR JOHNSON: SPENNANDI TÆKIFÆRI Í MÍLANÓ
Læknisfræðin í forgangi
Á LEIÐ ÚT Elmar Johnson og Kolfinna Kristófersdóttir eru komin á samning hjá Next-umboðsskrifstofunni, sem er ein sú umsvifa-
mesta í heimi. Þau halda út til New York í vor.