Fréttablaðið - 13.09.2011, Blaðsíða 54
13. september 2011 ÞRIÐJUDAGUR38
Eyjarslóð 5 101 Reykjavík S: 511 2200 www.seglagerdin.is
ÆGIR 849.000,- kr.
TILBOÐ
Tilboð kr. 849.000
ÆGISVAGN
(fullt verð kr. 1.279.000)
Erum að selja leiguvagna frá
því í sumar, allt 2011 vagnar
með fortjaldi og yfirbreiðslu
KÍKTU VIÐ OG GERÐU GÓÐ KAUP
TAKMARKAÐ MAGN
2 VAGNAR EFTIR
h
SILFUR TUNGLIÐ
„Algjör snilld“
Júlíus Júlíusson, Mbl. Miðasala á harid.is
HÁRIÐ
Sýningin sem gat ekki hætt
fer að ætta!
AUKASÝ
NING
AUKASÝ
NING
AUKASÝ
NING
ÖRFÁ SÆ
TI
Allra síð
ustu sýn
ingar!
MORGUNMATURINN
„Ég var búinn að fresta þessu
nógu lengi,“ segir Ágúst Bent,
rappari og leikstjóri grínþáttanna
Steindinn okkar.
Bent fékk loksins bílprófið á
föstudaginn í síðustu viku, 28 ára
gamall. Prófið fékk hann ekki
þrautalaust, en bílprófssaga hans
teygir sig yfir síðasta áratug eða
svo. „Ég hef alltaf haft temmilega
lítinn áhuga á þessu, en það var
aldrei planið að vera ekki með bíl-
próf. Þetta var bara eitt af þessu
sem frestaðist,“ segir Bent, sem
byrjaði að læra á bíl þegar hann
var 17 ára gamall. „Svo flosnaði
ég upp úr því í kjölfarið á smá
óhappi. Ég lenti í árekstri þegar
ég var að stelast til að keyra án
bílprófs.“
Þegar Bent var 24 ára gam-
all gerði hann aðra tilraun til að
taka prófið, en það gekk ekki upp.
„Ég fór í gegnum allt kerfið og
féll á verklega prófinu. Þá var ég
svo fúll að ég reyndi ekki aftur,“
segir hann. „Í sumar byrjaði ég
svo aftur og féll reyndar aftur
á verklega prófinu, en ákvað að
leyfa mér ekki að verða jafn fúll
og síðast. Ég fór því, reyndi enn
einu sinni og náði.“
Bent gengur að eigin sögn vel
að fóta sig í umferðinni og þakk-
ar því meðal annars að vera með
sjálfskiptan bíl að láni frá móður
sinni. „Það hjálpar helling,“ segir
hann. „Mér finnst mjög gaman að
keyra. Ég keyri reyndar hægt, en
ég held að ég keyri ekki svo hægt
að ég eyðileggi umferðina fyrir
öllum hinum. Ég verð betri með
hverjum deginum — það er gaman
að keyra um og hlusta á músík.“
Vinir Bents fagna bílprófinu
eflaust mest þar sem þeir geta
loksins innheimt áratug af skutli
hingað og þangað. „Þú getur ekki
ímyndað þér hvað ég skulda mörg-
um far, enda búinn að vera að
skutla mönnum í vinnuna síðustu
daga,“ segir Bent.
En eru bílakaup á döfinni?
„Ég er búinn að vera að skoða og
kaupi örugglega bíl fljótlega. Ég
veit náttúrulega ekkert um bíla,
þannig að ég þarf að finna ein-
hvern sem veit eitthvað um bíla
svo ég verði ekki höstlaður.“
atlifannar@frettabladid.is
ÁGÚST BENT: GAMAN AÐ KEYRA OG HLUSTA Á TÓNLIST
Loks kominn með bílpróf
eftir áratugs þrautagöngu
REFFILEGUR UNDIR STÝRI Leikstjórinn og rapparinn Bent er orðinn 28 ára gamall en er engu að síður nýkominn með bílpróf.
FRÉTTABLAÐIÐ/PJETUR
„Þegar ég dekra við mig fæ ég
mér Grænu þrumuna í Manni
lifandi. Annars elska ég hafra-
graut sem eldaður er með ást og
umhyggju, klikkar aldrei.“
Sigríður Klingenberg spámiðill
„Lárus hefur verið að gefa okkur góð ráð og
verið okkur innan handar við samningsgerð.
Hann hefur kennt okkur hvernig við eigum að
bera okkur að því svona samningsmál eru haf-
sjór af alls konar gildrum. En hann á hins vegar
engan hlut í fyrirtækinu,“ segir útvarpsmaður-
inn, athafnamaðurinn og fitness-kappinn Ívar
Guðmundsson.
Lárus Welding, fyrrverandi bankastjóri
Glitnis, hefur aðstoðað Ívar og samstarfsfélaga
hans, Arnar Grant, við að halda utanum samn-
inga en lífsstílsvörur þeirra félaga hafa notið
mikilla vinsælda að undanförnu. Ívar segir að
Arnar hafi fyrst komist í kynni við bankamann-
inn þegar hann var í einkaþjálfun hjá honum.
„Og við höfum getað leitað til hans og líka
Hemma bróður [Hermanns Guðmundssonar,
framkvæmdastjóra N1].“ Ekkert lát hefur verið
á vinsældum drykkjarins Hámarks en í fyrra
seldust 1,2 milljónir ferna. „Það er svona tutt-
ugu prósenta aukning í ár,“ segir Ívar en þeir
seldu jafnframt 200 þúsund orkustangir árið
2010. „Við erum líka að byrja með vítamínlínu
sem er fjölvítamín-tafla, ein fyrir karla
og ein fyrir konur.“ Þá hafa þeir verið að
prófa sig áfram með matarpakka á vef-
síðunni pakkinn.is enda segir Ívar það
algengustu spurninguna sem hann
fái frá fólki, hvað það eigi að borða.
„Þetta er tiltölulega nýbyrjað og það
eru fjörutíu til fimmtíu manns hjá
okkur í mat núna. Við gerum okkur
vonir um að þetta verði í kringum
hundrað manns.“ - fgg
Lárus Welding aðstoðar kraftakarla
Tobba Marinósdóttir vinnur nú hörðum höndum að sjónvarps-
þætti sínum, sem fer í loftið á Skjá einum 21. september og er
nefndur í höfuðið á henni. Tobba hefur fengið liðsauka í þáttinn,
en blaða- og leikkonan Lilja Katrín Gunnarsdóttir verður
með innslög í þættinum sem einhvers konar mótvægi
við umfjöllunarefni Tobbu. Þær virðast ansi samstíga
vinkonur, en ásamt því að hafa starfað saman á
Séð og heyrt á árum áður lék Lilja aðalhlutverkið í
þáttunum Makalaus sem voru byggðir á samnefndri
bók Tobbu.
FRÉTTIR AF FÓLKI
„Gaukurinn var hálfgerð félags-
miðstöð tónlistarmanna. Þangað
komu allir sem voru að spila, hitt-
ust og ræddu um bransann,“ segir
gítarleikarinn og athafnamaður-
inn Franz Gunnarsson.
Gaukur á Stöng verður opn-
aður á ný á föstudaginn þar sem
tónleikastaðurinn Sódóma hefur
verið frá árinu 2009. Gaukur á
Stöng var einn vinsælasti tónleika-
staður borgarinnar á árum áður
og Franz segist vilja endurvekja
stemninguna sem var á Gaukn-
um þegar popparar, djassarar og
rokkarar hittust þar og ræddu
málin. „Við vildum setja tónlistar-
manninn í fyrsta sæti. Það er gert
erlendis og við viljum fylgja þeirri
stefnu,“ segir Franz og játar að ef
tónlistarmennirnir sem komi fram
séu ánægðir smitist það auðveld-
lega til gesta staðarins. Hann segir
aðstöðu fyrir tónlistar mennina
hafa verið bætta til muna. „Við
erum búnir að betrumbæta aðstöð-
una baksviðs, þannig að það er
meira rými fyrir tónlistarmann-
inn til að hita sig upp fyrir gigg.
Svo höfum við fest kaup á græj-
um; trommusettum og mögnurum,
þannig að tónlistarmaðurinn þarf
ekki að róta og getur nýtt græjurn-
ar í húsinu.“
Franz segir opnunardagskrána
um helgina eiga að sýna breidd í
tónlistarvali staðarins. „Við ætlum
að vera með Jagúar á föstudaginn,
Ensími og Ourlives á laugardaginn
og Eyjólf Kristjánsson á sunnu-
daginn,“ segir hann. „Við ætlum
að fylgja gömlu gildunum sem
Gaukur inn hafði og vera með allar
tónlistarstefnur í húsinu.“ - afb
Gaukur á Stöng opnaður á ný
ALLT AÐ GERAST Framkvæmdir við
enduropnun Gauks á Stöng standa nú
sem hæst. FRÉTTABLAÐIÐ/ANTON
FLOTT ÞRÍEYKI Lárus Welding hefur alltaf sinnt líkamsrækt af
mikilli natni en bankastjórinn fyrrverandi hefur verið þeim
Arnari Grant og Ívari Guðmundssyni innan handar í samnings-
málum félaganna.