Ármann - 01.02.1961, Page 17

KJARTAN BERGMANN:
Toeir miklir glímukappar
Þorgrimur Jónsson, Laugarnesi
Þorgrímur Jónsson er fæddur í Skipholti í
Hrunamannahreppi, og þar ólst hann upp og
dvaldist fram yfir tvítugsaldur, og á þeim
árum lærði hann söðlasmíði. Árið 1897 flutt-
ist Þorgrímur til Reykjavíkur. Síðar bjó hann
í nokkur ár á Lágafelli í Mosfellssveit og
einnig í Þverárkoti á Kjalarnesi. Um skeið
átti Þorgrímur heima úti í Viðey. Stundaði
hann þar einkum járnsmíði á árunum 1909-
1914. Þaðan fór hann að Laugarnesi og bjó
þar ætíð síðan.
Þorgrímur í Laugarncsi, en svo mun hann
oftast hafa verið nefndur, var ágætur glímu-
maður. Ég sá hann í nokkur skipti á síðustu
æviárum hans, og minnist ég þess, að ég
veitti því strax sérstaka athygli, hvað mér
fannst hann snarlegur og stæltur. Það mun
hafa verið í verzluninni Áfram í Reykjavík,
hjá Benedikt Waage, sem fundum okkar bar
fyrst saman. Man ég, að ég spurði Bcnedikt,
hvaða maður þetta hefði verið, sem við
hann hefði verið að ræða. Sagði Benedikt
mér þá, að þetta væri hann Þorgrímur í
Laugarnesi, og bætti við: ,,og hann gat nú
glímt“. Síðar hefur Benedikt sagt mér, að
hann telji Þorgrím hafa verið einn af allra
beztu glímumönnum, sem hann muni eftir.
Sæmundur Gíslason, lögregluþjónn, sem er
þekktur fyrir krafta og var einnig góður
glímumaður, hefur skýrt mér svo frá, að Þor-
grímur hafi verið mikill kraftamaður, og um
snarleik hans og karlmennsku eru til ýmsar
sagnir. Lögreglan í Reykjavík leitaði oftlega
aðstoðar hans, þegar hún átti í höggi við
uppivöðslusama óróaseggi, og reyndust hand-
tök hans ætíð góð og örugg.
Vorið 1897 vann Þorgrímur ásamt Pétri
Þorgrimur
Jónsson
Jónssyni blikksmið að því að endurvekja
Glímufélagið Ármann, sem þá hafði legið í
dái um tíma. Hófust þá æfingar af fullum
krafti að nýju. Glímuæfingar voru boðaðar á
grasbletti, sem Sverrir Runólfsson, formaður
Glímufélagsins, hafði gert á sínum tíma, þar
sem seinna varð gamli íþróttavöllurinn á
Melunum.
Á þjóðhátíðinni 2. ágúst 1897 glímdu með-
al annarra þeir Þorgrímur og Einar Þorgils-
son síðar kaupmaður í Hafnarfirði. Var Ein-
ar viðurkenndur kraftamaður og lagði alla
nema Þorgrím. Að glímulokum hafði einn
áhorfandinn orð á því við Einar, að fast
hefði hann tekið á Þorgrími. Því svaraði Ein-
ar þannig: „Fannst þú hve fast Þorgrímur
tók á mér?“ Þetta svar Einars, þess sterka
manns og mikla glímumanns, sannar bezt
hve sterkur Þorgrímur hefur verið. Hitt var
flestum kunnara, hvað lipurð hans og við-
bragðsflýtir var mikill.
Árið 1898 stóð Ármann aftur fyrir kapp-
glímu 2. ágúst í sambandi við þjóðhátíðina.
Þar bar Þorgrímur einnig sigur af hólmi og
hlaut fyrstu verðlaun í glímunni.
Þorgrímur i Laugarnesi var meðalmaður
á hæð, grannvaxinn, snarlegur, kvikur í hreyf-
ingum og stæltur sem stálfjöður. Hann var
einkar fjölhæfur maður og vel gefinn og
sérstakur afkastamaður. Þegar talið barst að
glímu og glímusögum, hitnaði honum í hamsi
og hafði hann mikið yndi af að ræða um í-
Armann
15