Morgunn - 01.12.1984, Síða 51

GRUNDVALI.ARKENNINGAR . . .
125
með stolti, sem aðskilinn frá heildinni og hugsa mikið
um sjálfan sig en lítið um aðra. Jafnvel þó þú hafir snúið
þér frá veraldlegum hlutum, þá reynir hann að hyggja að
sjálfinu og fá þig til að hugsa um eigin framfarir en ekki
Um starf meistarans og um að hjálpa öðrum. Þegar þú
hugleiðir reynir hann að fá þig til að hugsa um þá mörgu
hluti sem hann girnist í staðinn fyrir það eina sem þú vilt.
Þú ert ekki þessi hugur en hann er þinn til að nota, þannig
að hér er aðgreining einnig nauðsynleg. Þú verður sífellt
að vera á varðbergi, annars mun þér mistakast“.
Skýringarmynd III. kann að koma að gagni við lestur
þessa kafla. Hún sýnir á táknrænan hátt hin mismunandi
orkusvið, að meðtöldu hinu efnisþéttasta sem maðurinn
birtir sig í. Minnast skal að þessi svið eru samtvinnað
ástand efnis og þar af leiðandi ætti ekki að taka mynd-
ina bókstaflega. Hin mismunandi svið eru sýnd aðskilin
með hið þéttasta neðst til þess að auðvelda mönnum að
kanna þau, en þau eru öll náskyld og samofin.
Síðari hluti í næsta hefti.
*
4