Prentarinn - 01.05.1952, Blaðsíða 2
en það verður sett á nú í ár. Talið er, að töluvert
verð fáist fyrir gamla járnið. — Nauðsynlegt er að
láta fara fram viðgerð á svölum hússins, og var
ætlunin að gera það í haust, en var ekki hægt vegna
frosta. Reisa verður verkpalla, og þótti ekki fært
að gera það að sumrinu vegna skrúðgarðsins. —
Þá má ekki draga lengur að mála húsið að utan.
— Mun þetta allt kosta töluverðar fjárhæðir, en
ekki dugir að horfa í það, þar sem frestun þýðir
að eins eyðileggingu og enn þá dýrari framkvæmd.
Leigutekjur hafa verið svipaðar og áður, nema
að því leyti sem húsaleiguvísitala hefir haft áhrif
til hækkunar, en það hefir verið töluvert. Þetta
er þó að eins skollaleikur með tölur, þar eð við-
haldskostnaður hefir hækkað gífurlega. Innheimta
húsaleigu hefir gengið greiðlega eins og undan-
farin ár, nema hjá tveimur leigjendum, sem óvenju-
legur dráttur hefir orðið á greiðslu hjá, Fulltrúa-
ráði verkalýðsfélaganna og Iðnnemasambandi Is-
lands. Hefir nefndin gert ítrekaðar tilraunir til að
kippa þessu í lag, en báðir þessir Ieigjendur eiga
við erfiðleika að stríða og hafa enn ekki getað greitt
að fullu.
Miðdalsmálin.
Þegar síðasta skýrsla var gefin, var eftir að mála
þak og glugga nýja hússins að utan. Einnig voru
eftirhreytur í þvottahúsi, að ganga þar frá skilvegg
fyrir miðstöðvarklefa, steypa vatnshalla í gólf og
múra í kringum glugga þar og í geymsluherbergi.
Voru þetta lokaverk við bygginguna.
Þegar skýrslan var gefin, hafði verið greitt vegna
byggingarinnar, miðað við 1. maí s. 1., kr. 247 861,66.
Voru þá nokkrir reikningar ógreiddir, og var mest
af því upphæðir fyrir efni og vinnu við bygginguna,
sem ábúandi hafði annazt og greitt og lagt fram á
annan hátt. Nefndin hafði kallað eftir þessum reikn-
ingum hjá M. B., en það dróst fram í maílok, að
hann gæti komizt suður. Nefndarmenn ásamt gjald-
kera félagsins fóru yfir reikninga og fylgiskjöl, er
M. B. hafði meðferðis. Tókst greiðlega samkomu-
lag um þær athugasemdir, er gerðar voru. Þegar
M. B. fór austur, fékk hann lánuð fylgiskjöl yfir
greiddan byggingarkostnað til athugunar. Er lokið
var að yfirfara reikningana, sneru aðiljar sér að því
að ræða um viðbótarsamning við leigusamning
jarðarinnar vegna nýbyggingar bæjarhússins. Þegar
farið var að ræða um viðbótarsamninginn, kom í
ljós, að ábúandi taldi sér ofviða að annast þriðja
hluta byggingarkostnaðarins, eins og samið hafði
verið um. Nefndarmenn gátu eðlilega ekki né vildu
hvika frá því og héldu fast við það atriði og að
leiga eftir jörðina ykist svo vegna nýbyggingar
bæjarhússins, að með því fengist greiddur cinn
þriðji kostnaðar vegna byggingarinnar. Þá settum
við fram ósk um að útbúa þakhæð hússins til sumar-
dvalar fyrir prentara fyrst um sinn eða þangað til
skáli yrði reistur. Abúandi taldi vandkvæði á þvi og
bar m. a. við, að örðugt myndi að hafa í sambýli
vinnandi fólk um hásláttinn og hóp sumardvalar-
gesta. Var rætt um þetta og athugað m. a., hvort her-
bergin þrjú í suðurhlið kjallarans myndu ekki eins
hentug, ef ráðizt yrði í þetta. Þá var rætt um skulda-
bréf, er H. I. P. gæfi út til tryggingar þeirri upp-
hæð, sem ábúandi lánaði, umfram byggingarsjóðs-
lán Búnaðarbanka Islands, til hve langs tíma það
skyldi vera og vaxtaupphæð. Einnig var rætt um
skiptingu gjalda milli aðilja af húsinu, hvað gera
skyldi við gamla bæinn, hvernig ráðstafa skyldi
efnisafgangi frá byggingunni o. fl. Ekki var í þetta
skipti gengið frá drögum að viðbótarsamningi, enda
töluvert skiptar skoðanir um einstök atriði. Var
ákveðið, að aðiljar skyldu hittast í Reykjavík eftir
hálfan mánuð.
Að liðnum hálfum mánuði hittust aðiljar aftur.
Hafði fasteignanefndin haldið tvo fundi um málið
á þessum tíma og myndað sér ákveðnar skoðanir.
Þegar nú var farið að ræða málin og aðiljar höíðu
sett fram sjónarmið sín, kom í ljós, að ekki hafði
dregið saman í samkomulagsátt. Voru málin rædd
og þæfð af okkur öllum, nefndarmönnum og ábú-
anda, hálfan dag, en síðan ákveðið, að nafnarnir
tveir, formaður H. I. P., Magnús H. Jónsson, og
ábúandi, Magnús Böðvarsson, skyldu halda umræð-
unum áfram. Stóð þeirra fundur síðan það, sem
eftir var dags, og fram á kvöld. Arangur þessa
erfiðis alls voru drög að viðbótarsamningi, er lög-
fræðingur félagsins, Baldvin Jónsson, gerði og síðan
var undirritaður í Miðdal 19. dag júlímánaðar 1951.
I viðbótarsamningnum er þetta ákveð'ð: 1.) Að
leiga eftir jörðina aukist svo vegna nýbyggingar
bæjarhússins, að með því fáist greiddur einn þriðji
kostnaðar við bygginguna. 2.) Leigutaki skuldbatt
sig í upphafi til að annast einn þriðja kostnaðar við
byggingu bæjarhússins á þann hátt, að jarðeigandi
heimilar ábúanda að veðsetja Búnaðarbanka Islands
jörðina Miðdal fyrir láni að upphæð 45 þúsund kr.
Lánið skal talinn hluti af framlögðum kostnaði
ábúanda. Abúandi stendur skil á afborgunum og
vöxtum af láni þessu, sem er til 42 ára, og er þetta
hækkun á afgjaldi eftir jörðina. 3.) Mismuninn á
Iáni því, er áður getur, og einum þriðja kostnaðar-
2 PRENTARINN