Morgunblaðið - 20.06.2009, Blaðsíða 44
44 MenningFÓLK
MORGUNBLAÐIÐ LAUGARDAGUR 20. JÚNÍ 2009
90’s-bylgjan hefur riðið röftum
undanfarin misseri og svo lengi að
skemmtana-spekingar eru farnir að
snúa sér að þeim áratug sem nú er
að líða. Þeir sem hafa hins vegar
ekki fengið nóg af 10. áratugnum
geta fagnað þriggja ára afmæli
90’s-kvöldanna með þeim Curver
og Kiki-Ow kvöld á NASA.
Þriggja ára afmæli
90’s-kvöldanna á NASA
Fólk
ÞEIR eru nú allflestir komnir langt á fertugsald-
urinn sem héldu um hverja einustu helgi niður í
kjallara Rósenbergs í Austurstræti og dönsuðu
fram á næsta dag við taktfasta raftónlistina sem
þar dunaði fyrir um 15 árum. Sumir eru jafnvel
komnir fram á fimmtugsaldurinn en það breytir
ekki því að allmargir þeirra verða saman komnir
á Jacobsen í kvöld að minnast þessa glæstu dans-
tónlistartíma. Það er að sjálfsögðu drengirnir í
Party Zone sem standa að kvöldinu en með þeim
verða á tveimur hæðum Jacobsens-plötusnúð-
arnir Margeir, Maggi Lego, Árni E. og Grétar G.
Á efri hæð Jacobsen verða gamlir plötusnúðar
Tunglsins sem þeyta skífum í bland við Party
Zone-slagara en á neðri hæðinni verður stemn-
ing hins goðsagnakennda Rósenbergkjallara
rifjuð upp. Kvöldið kallast Party Zone’95 og vís-
ar til þess merka danstónlistarárs á Íslandi þeg-
ar danstónlistarsenan náði ákveðnu hámarki,
ekki síst á tónlistarhátíðinni Uxa sem var haldin
á Kirkjubæjarklaustri um verslunarmannahelg-
ina það ár. Um haustið kom síðan út samnefndur
diskur útvarpsþáttarins Party Zone og sat hann í
þrjár vikur á toppi íslenska breiðskífulistans sem
verður að teljast einsdæmi fyrir safndisk sem
inniheldur einvörðungu danstónlist. Það segir
margt um hvað dansbylgjan var sterk á þessum
tíma. Útvarpsþátturinn Party Zone var (og er
enn í dag) einskonar miðstöð þessarar vakningar
og stemningar sem var í gangi á þessum tíma og
ákveðnum hápunkti var náð þetta örlagaríka ár
sem næst tæpast aftur.
Danstónlistarfíklar minnast Rósenberg-áranna
DJ Margeir Rifjar eflaust upp gamla takta frá
Rósenberg-árunum í kvöld á Jacobsen.
Föstudagskvöldið 26. júní verður
blásið af krafti í bárujárnsklædda
lúðra á Sódómu Reykjavík. Helj-
arinnar þungarokkskvöld, þar sem
ýmsir angar formsins verða hylltir,
verður þá snúið í gang. Tvær sveitir
munu leika fyrir hausaskaki, Deep
Jimi and the Zep Creams og (Metal)-
Morðingjarnir, fjórir þungarokks-
fróðir þeyta skífum og keppt verður
í „metal-quiz“-i m.a. Þeir sem mæta í
klæðnaði sem hæfir hátíð sem þess-
ari geta átt von á glaðningi og sam-
kvæmt heimildum blaðsins lofa að-
standendur glæstum vinningum í
nefndri spurningakeppni – en þó
fyrst og fremst ógleymanlegri
þungarokksgleði fram á rauða nótt.
Þungarokksveisla
á Sódómu
Eftir Ingveldi Geirsdóttur
ingveldur@mbl.is
DVÖL Andreu Idu Jónsdóttur í
Verslunarskóla Íslands varð til þess
að í dag er hún útskrifaður leikari
frá The Lee Strasberg Theatre &
Film Institute í New York.
„Ég fór úr Árbæjarskóla, þar
sem ég fékk fyrst nasasjón af því
að leika hjá Eddu Hauksdóttur
leikkonu sem var umsjónarkennari
minn, yfir í Verslunarskólann. Á
öðru árinu þar tók ég þátt í upp-
setningu á Wake me up og þá var
ekki aftur snúið,“ segir Andrea sem
er tuttugu og fimm ára.
Eftir Verslunarskólann var hún
staðráðin í að snúa sér að leiklist og
sótti fjögurra vikna námskeið í
sjónvarps- og kvikmyndaleik í Los
Angeles hjá New York Film Aca-
demy. „Námið fór að stórum hluta
fram í myndverum Universal Stud-
ios og ég kolféll þá fyrir kvik-
myndaleik. Þegar ég kom heim
fann ég að ég vildi læra meira en
ég heillaðist mjög af Method-
aðferðinni sem ég kynntist í LA,“
segir Andrea og bætir við að sú að-
ferð snúist m.a. um að leikarinn
nýti eigin minningar og tilfinningar
til að setja sig í spor persónunnar
sem hann er að túlka.
Á sömu slóðum og James Dean
og Marilyn Monroe
Andrea hóf leiklistarnám í Lee
Strasberg Institute haustið 2006.
Skólinn er mjög vinsæll í Banda-
ríkjunum og námið tekur tvö ár.
„Það er ekki bekkjarkerfi, heldur
velur maður sér áfanga í bland við
skyldufög. Kennarar skólans eru
mjög færir, ég lærði t.d. hjá Paul
Calderon sem lék m.a. í Pulp Fict-
ion, Robert Castle og Jeffrey
Horne. Ein sem kenndi mér er
mentor leikarans sem fer með hlut-
verk Alex í Grey’s Anatomy. Það er
fullt af flottu fólki sem hefur lært
þarna,“ segir Andrea og fer þar
með orð að sönnu. Ekki minni
stjörnur en Marilyn Monroe, James
Dean, Al Pacino, Robert DeNiro,
Angelina Jolie, Matt Damon og
Scarlett Johansson lærðu í þessum
skóla. „Ég var aldrei vör við neinn
stjörnufans, reyndar var ég í tímum
með syni Robins Williams sem var
mjög venjulegur.“
Spurð hvort námið hafi verið
strangt dregur Andrea seiminn.
„Það þurfti aga, það gekk ekki að
skrópa og það fylgdu miklar æfing-
ar fyrir utan skólatíma svo maður
var í skólanum alla vikuna en ég
var þarna til að læra svo þetta var
frábært.“
Andrea útskrifaðist í júní 2008 og
veit ekki betur en að hún sé eini Ís-
lendingurinn sem hefur klárað nám
frá þessum skóla.
„Skólinn gaf mér svo tvær annir í
viðbót og tók ég fyrri önnina strax
seinasta sumar og kom svo heim til
Íslands í haust til að vinna í þrjá
mánuði og ætlaði svo út í janúar og
taka síðari önnina en svo kom
kreppa,“ segir Andrea og dæsir.
„Guð minn góður, það er svo dýrt
að búa þarna úti.“ Hún hefur því
verið hér á landi síðan í haust og
unnið sér inn pening. „Ég stefndi
að því að fara út nú í haust og klára
þessa gjafaönn í Los Angeles en
staðan er ekki björt.“
Andrea hefur ekki leikið mikið
fyrir utan skólann en vonar að
tækifærin fari að bjóðast. Eftir
þetta nám segir hún að sjónvarps-
og kvikmyndaleikur heilli hana
mest.
„Ég er líka meira fyrir gaman-
leik og kennararnir sögðu frá upp-
hafi að ég væri karakterleikkona,“
segir Andrea sem á sér þann
draum að flytja aftur til Bandaríkj-
anna og reyna fyrir sér í leiklistinni
þar. „Draumahlutverkið yrði síðan í
mynd eftir Tarantino,“ segir hún að
lokum og hlær.
Andrea Ida Jónsdóttir sótti sama
leiklistarskóla og Angelina Jolie
Morgunblaðið/Eggert
Ekki
vör við
stjörnufans