Morgunblaðið - 13.11.2010, Blaðsíða 2

2 ÍÞRÓTTIR
MORGUNBLAÐIÐ LAUGARDAGUR 13. NÓVEMBER 2010
VIÐTAL
Víðir Sigurðsson
vs@mbl.is
„Þeir spá ellefu stiga frosti og ein-
hverri sól hérna í Levi á sunnudag-
inn. Það eru bara góð skilyrði,
brekkan ætti að vera hörð og fín við
slíkar aðstæður, og ég er líka öllu
vanur eftir að hafa keppt hérna sex
sinnum. Einu sinni keppti ég í 36
stiga frosti á þessum stað,“ sagði
Björgvin Björgvinsson skíðakappi
frá Dalvík, sem byrjar tímabilið í
heimsbikarnum í svigi á morgun í
Levi í Finnlandi. Það er eitt stærsta
skíðasvæði Finna og er í bænum Kit-
tilä í Lapplandi, nyrst í Finnlandi.
Björgvin kom til Levi í fyrrakvöld
eftir að hafa æft stíft uppi á jökli í
Noregi undanfarnar vikur. „Hitinn
er við frostmark í dag, sem er
óvenjulegt á þessum slóðum, en það
á að kólna aftur. Ég skoðaði að-
stæður áðan og þær eru góðar og
þetta lítur vel út. Þegar ég keppti
hérna í 36 stiga frosti í Evrópubikar
var ég bara „teipaður í drasl“ í and-
litinu en það verður ekkert þessu líkt
á sunnudaginn. Ellefu stiga frost eru
fínar aðstæður fyrir skíðamenn, “
sagði Björgvin sem stefnir að vanda
að því að verða á meðal þeirra 30 sem
komast áfram eftir fyrri ferðina.
Verð að leggja allt undir
„Aðalmálið er að komast áfram og
negla svo bara á seinni ferðina. Þetta
er raunhæft markmið, og eins og
alltaf verður maður að leggja allt
undir, annars er maður ekki með.
Það er þunn lína á milli þess að vera
hraður og ekki hraður í þessari
íþrótt,“ sagði Björgvin, sem er
ánægður með undirbúninginn í sum-
ar og haust.
„Ég er búinn að æfa vel og kem vel
undan sumri og hef mest verið uppi á
jökli í miðjum Noregi. Það hafa verið
leiðinlegar aðstæður út um allan
heim og við ákváðum að fara þangað.
Við vorum heppnir, í fyrra náði ég að
æfa í sjö góða daga, en núna er ég
kominn með 20 góða daga svo und-
irbúningurinn er töluvert betri. Ég
er því nokkuð sáttur, er í fínu standi
og kominn með nýjan þjálfara, enda
alltaf gott að breyta til og gaman að
vera með íslenskan þjálfara,“ sagði
Björgvin. Fjalar Úlfarsson er hans
þjálfari nú og tók við af Slóvena sem
hefur verið þjálfari Björgvins und-
anfarin fimm ár.
Æfir á Íslandi í þrjár vikur
Björgvin er á heimleið strax eftir
mótið í Finnlandi og hyggst æfa hér
á landi næstu þrjár vikurnar.
„Við verðum þar sem bestu að-
stæðurnar verða, hvort sem það
verður fyrir norðan eða í Reykjavík,
en mér skilst að það séu frábærar að-
stæður í Bláfjöllum um þessar mund-
ir. Það er mikið búið að hringja í mig
og segja mér að koma þangað. Síðan
fer ég í eitt heimsbikarmót í viðbót
fyrir jól, í Val D’Isere 12. desember,
en aðaltörnin er síðan í janúar,“
sagði Björgvin Björgvinsson, en þá
er þétt dagskrá í heimsbikarnum.
Hann hóf einmitt keppnistímabilið
á sama stað á sama tíma í fyrravetur.
Þá hafnaði hann í 56. sæti í Levi og
fékk því ekki tækifæri í seinni ferð-
inni. Í janúar komst Björgvin hins-
vegar áfram á heimsbikarmóti í Zag-
reb í Króatíu og hafnaði þar í 24.
sætinu sem er hans besti árangur á
ferlinum til þessa.
„Ellefu stiga
frost fín skil-
yrði fyrir
skíðamenn“
Ljósmynd/Guðmundur Jakobsson
Kuldi Björgvin Björgvinsson er vanur lágu hitastigi og er tilbúinn í slaginn í
Lapplandi á morgun. Hann kemur heim til æfinga strax á mánudaginn.
 Björgvin kemur beint af norskum jökli
og keppir á fyrsta heimsbikarmótinu í
Lapplandi  Sjötta mótið hans í Levi og
hefur áður keppt þar í 36 stiga frosti
Víðir Sigurðsson
vs@mbl.is
„Ég tel að þetta séu þrír mjög áhuga-
verðir fyrirlestrar sem við bjóðum
uppá á ráðstefnunni og um kvöldið
verða fjölmargir heiðraðir í tilefni af
afmælinu,“ sagði Kristján Guðmunds-
son, þjálfari knattspyrnuliðs Vals og
varaformaður Knattspyrnuþjálf-
arafélags Íslands, við Morgunblaðið í
gær.
KÞÍ heldur uppá 40 ára afmæli sitt í
dag með vandaðri ráðstefnu í Sókn-
inni, sal KSÍ á Laugardalsvelli, og af-
mælisveislu á sama stað í kvöld. Fyr-
irlesararnir þrír eru Sigurður Ragnar
Eyjólfsson, Mikael Köllner sem er í
landsliðsnefnd yngri landsliða Þýska-
lands, og Raymond Verheijen þrek-
og líkamsþjálfari frá Hollandi.
Hvers vegna komnir í úrslit
„Sigurður rýnir í 21 árs landsliðið
okkar og hversvegna við erum komn-
ir með karlalandslið í úrslit í svona
stórri keppni. Hann skoðar þá sem
fóru snemma til útlanda, hvert þeir
fóru og hvenær, og veltir meðal ann-
ars upp spurningunni um hvort þessi
framþróun sé gervigrasinu og höll-
unum að þakka. Köllner fer yfir það
hvernig Þjóðverjar endurskipulögðu
sín yngri landslið með þeim árangri
að þeir hafa unnið
meira og minna öll
mót síðustu árin og
komu með 5-6 leik-
menn úr sínu 21
árs landsliði inn í
sterkt A-landslið
sitt á HM í sumar.
Verheyen hefur
starfað lengi með
Guus Hiddink, m.a.
með landsliðum
Suður-Kóreu og Rússlands, og með
Mark Hughes hjá Manchester City, og
hann ræðir um hvernig hann notar
fótboltann og eigin líkamsþyngd í
allri þrekþjálfun,“ sagði Kristján.
Fyrirlestur Sigurðar hefst kl. 10.15,
fyrirlestur Köllners kl. 11.15 og fyr-
irlestur Verheyens klukkan 13.15. Öll-
um er heimill aðgangur að ráðstefn-
unni en þátttökugjald er 3.500 krónur
og innifalið kaffi og léttur hádeg-
isverður. Fyrir meðlimi KÞÍ er það þó
aðeins 1.500 krónur.
Kristján sagði að starfsemi KÞÍ
væri víðtæk. „Við erum ekki eiginlegt
stéttarfélag en erum með mjög virka
starfsemi. Við veitum KSÍ aðhald í
fræðslu- og þjálfunarmálum og að-
stoðum okkar félagsmenn, sem meðal
annars leita oft til félagsins vegna
samskipta við félög,“ sagði Kristján
Guðmundsson.
„Þrír mjög áhugaverðir fyrirlestrar“
Kristján
Guðmundsson
 Knattspyrnuþjálfarafélagið 40 ára  Fjallað um 21 árs landsliðið og uppbyggingu Þjóðverja
 Þrekþjálfari Manchester City og landsliða Suður-Kóreu og Rússlands meðal fyrirlesara
Það var fátt um varnir þegar HK og Stjarnan áttust við í N1-
deild kvenna í handknattleik í gærkvöldi í Digranesi. Alls
voru skoruð 82 mörk í leiknum sem Stjarnan vann með tíu
marka mun, 46:36, eftir að hafa verið einu marki yfir að lokn-
um fyrri hálfleik, 19:18. Stjarnan situr áfram í þriðja sæti
deildarinnar með 10 stig að loknum sex leikjum eins og Valur
sem heldur öðru sæti á hagstæðari markatölu.
Þorgerður Anna Atladóttir var markahæst í Stjörnuliðinu
í gær með 10 mörk og Hanna Guðrún Stefánsdóttir skoraði
átta mörk. Elísa Ósk Viðarsdóttir og Brynja Magnúsdóttir
skoruðu átta mörk hvor fyrir HK.
Fylkir vann Hauka, 25:20, á heimavelli Hauka í Hafn-
arfirði eftir að hafa verið fjórum mörkum yfir í hálfleik, 12:8. Fylkir er í fjórða
sæti deildarinnar með 10 stig en hefur lokið sjö leikjum. Sunna María Ein-
arsdóttir og Tinna Soffía Traustadóttir skoruðu fimm mörk hvor fyrir Fylki en
Þórunn Friðriksdóttir var atkvæðamest í liði Hauka með sjö mörk. iben@mbl.is
Markasúpa í Digranesi
Þorgerður Anna
Atladóttir
Eiður Smári Guðjohnsen verður ekki í byrjunarliði Stoke
þegar liðið tekur á móti Liverpool í ensku úrvalsdeildinni í
knattspyrnu síðdegis. Tony Pulis, knattspyrnustjóri Stoke,
staðfestir það í viðtali við enska blaðið The Sentinel.
Eiður hefur verið úti í kuldanum hjá Pulis og ekki spilað
eina einustu mínútu í þremur síðustu leikjum liðsins. Hann
sat á bekknum allan tímann í leikjunum á móti Birmingham
og Everton og var ekki í hópnum í leiknum við Sunderland
en síðast kom hann við sögu þegar hann lék síðasta hálftím-
ann í deildarbikarleiknum gegn West Ham hinn 27. októ-
ber.
Pulis segir að Eiður sé enn að vinna í því að koma sér í
form en hann kom til Stoke fyrir tveimur og hálfum mánuði frá Mónakó.
„Við fengum hann á frjálsri sölu og Mónakó greiðir tvo þriðju af launum
hans svo þetta er fínn samningur. Það er gott að hafa nöfn á bekknum en þeir
verða að skila afköstum þegar þeir koma inn á,“ segir Pulis.
Eiður verður að skila afköstum
Eiður Smári
Guðjohnsen
Þýskaland
Dortmund – Hamburger SV ....................2:0
Staða efstu liða:
Dortmund 12 10 1 1 29:7 31
Mainz 11 8 0 3 19:11 24
Leverkusen 11 6 3 2 22:16 21
Frankfurt 11 6 1 4 20:11 19
Hoffenheim 11 5 3 3 22:15 18
Nürnberg 11 5 3 3 17:15 18
Hamburger SV 12 5 3 4 17:17 18
Freiburg 11 6 0 5 17:18 18
C-DEILD:
Unterhaching – Dynamo Dresden .........0:1
 Garðar B. Gunnlaugsson var ekki í liði
Unterhaching.
England
B-deild:
Preston – Hull ...........................................0:2
Noregur
Umspil um úrvalsdeildarsæti:
Fredrikstad – Löv-Ham...........................2:0
 Gunnar Heiðar Þorvaldsson skoraði
fyrra mark Fredrikstad en var skipt af
leikvelli á 62. mínútu.
 Fredrikstad mætir Hönefoss eða Ran-
heim í tveimur úrslitaleikjum um sæti í úr-
valsdeildinni 2011.
KNATTSPYRNA
N1-deild kvenna
Úrvalsdeildin, 7. umferð:
HK – Stjarnan .......................................36:46
Haukar – Fylkir ....................................20:25
Staðan:
Fram 6 6 0 0 220:114 12
Valur 6 5 0 1 218:121 10
Stjarnan 6 5 0 1 210:171 10
Fylkir 7 5 0 2 201:170 10
ÍBV 6 2 2 2 138:134 6
FH 6 2 1 3 133:132 5
HK 7 2 1 4 181:214 5
Haukar 6 2 0 4 129:171 4
Grótta 6 0 0 6 136:208 0
ÍR 6 0 0 6 91:222 0
1. deild karla
ÍR – FH U..............................................31:28
Fjölnir – Selfoss U ................................23:27
Grótta – Stjarnan ..................................33:30
Staðan:
Grótta 7 5 1 1 195:172 11
ÍR 7 5 1 1 217:185 11
ÍBV 6 4 2 0 160:145 10
Stjarnan 7 4 0 3 201:168 8
FH U 7 4 0 3 196:194 8
Víkingur R. 6 2 0 4 172:174 4
Selfoss U 7 1 0 6 172:212 2
Fjölnir 7 0 0 7 146:209 0
Eimskipsbikarinn
Bikarkeppni karla, 16-liða úrslit:
Hamrarnir – Selfoss..............................26:44
HANDBOLTI
Íslandsmótið í 25 m laug
100 m fjórsund kvenna:
Hrafnhildur Lúthersdóttir, SH ........1.02,22
Bryndís Rún Hansen, Óðni ...............1.05,32
Jóhanna Gerða Gústafsdóttir, Ægi ..1.05,77
100 m fjórsund karla:
Kolbeinn Hrafnkelsson, SH .................59,84
Kristinn Þórarinsson, Fjölni .............1.00,50
Birgir Viktor Hannesson, ÍA ............1.01,89
100 m skriðsund kvenna:
Ragnheiður Ragnarsdóttir, KR...........54,65
Ingibjörg Kristín Jónsdóttir, SH.........56,48
Snjólaug Tinna Hansdóttir, SH...........58,02
100 m skriðsund karla:
Orri Freyr Guðmundsson, SH .............51,88
Anton Sveinn McKee, Ægi...................52,26
Ágúst Júlíusson, ÍA...............................52,73
200 m flugsund kvenna:
Salome Jónsdóttir, ÍA........................2.18,89
Soffía Klemenzdóttir, ÍRB ................2.21,61
Jóna Helena Bjarnadóttir, ÍRB........2.22,27
200 m flugsund karla:
Anton Sveinn McKee, Ægi................2.08,92
Jón Þór Hallgrímsson, ÍA .................2.10,18
Konráð Hrafnkelsson, SH.................2.14,51
200 m bringusund kvenna:
Hrafnhildur Lúthersdóttir, SH ........2.27,69
Ólöf Edda Eðvarðsdóttir, ÍRB..........2.40,41
María Ása Ásþórsdóttir, ÍRB ...........2.52,96
200 m bringusund karla:
Jakob Jóhann Sveinsson, Ægi ..........2.12,31
Hrafn Traustason, SH .......................2.16,69
Sveinbjörn Pálmi Karlsson, Ægi ......2.39,39
50 m baksund kvenna:
Ingibjörg Kristín Jónsdóttir, SH.........29,23
Eygló Ósk Gústafsdóttir, Ægi .............29,42
Bryndís Rún Hansen, Óðni ..................29,59
50 m baksund karla:
Kolbeinn Hrafnkelsson, SH .................27,50
Orri Freyr Guðmundsson, SH .............27,62
Kristinn Þórarinsson, Fjölni ................27,86
200 m skriðsund karla, boðsund:
A-sveit SH...........................................1.36,72
B-sveit SH...........................................1.37,99
A-sveit ÍA ............................................1.38,40
200 m skriðsund kvenna, boðsund:
A-sveit Ægis .......................................1.47,13
A-sveit SH...........................................1.47,57
A-sveit KR...........................................1.50,25
SUND