Morgunblaðið - 13.11.2010, Blaðsíða 3
ÍÞRÓTTIR 3
MORGUNBLAÐIÐ LAUGARDAGUR 13. NÓVEMBER 2010
Guðni Ingv-arsson var
markahæstur hjá
Selfossi með 11
mörk þegar liðið
tryggði sér sæti í
8-liða úrslitum
Eimskipsbik-
arkeppninnar í
handknattleik
karla í gærkvöldi með 18 marka sigri
á Hömrunum frá Akureyri, 44:26.
Hörður Bjarnason og Ragnar Jó-
hannsson skoruðu átta mörk hvor
fyrir Selfossliðið sem var í eldlínunni
tvö kvöld í röð því í fyrrakvöld
spiluðu þeir við Akureyri í N1-
deildinni.
Elfar Halldórsson var marka-hæstur Hamranna gegn Sel-
fossi með níu mörk og Valdimar
Þengilsson skoraði átta mörk.
Pepe Reina markvörður Liver-pool vísar þeim fréttum á bug,
sem birst hafa í enskum blöðum síð-
ustu dagana, að hann hafi komið að
máli við knattspyrnustjórann Roy
Hodgson og óskað eftir að fá að yf-
irgefa félagið.
Silvio Heinvet-ter, mark-
vörður þýska
handknattleiks-
liðsins Füchse
Berlin sem Dagur
Sigurðsson þjálf-
ar, hefur ákveðið
að skrifa undir
nýjan þriggja ára
samning við félagið á næstunni. Þar
með er lokið vangaveltum um fram-
tíð þýska landsliðsmarkvarðarins
sem mörg félög renndu hýru auga
til.
Bikarmeistarar FH í knattspyrnuhafa fengið tvo unga og efnilega
leikmenn í sínar raðir í þessari viku.
Það eru Emil Pálsson, 17 ára gamall
fyrirliði BÍ/Bolungarvíkur sem vann
sér sæti í 1. deildinni í haust, en hann
var þar í stóru hlutverki, og Ingimar
Elí Hlynsson, 18 ára sem kemur úr 2.
deildar liði KS/Leifturs. Þeir hafa
báðir spilað með unglingalandsliði
Íslands á þessu ári.
Íslandsmeistarar Breiðabliks hafalíka náð í ungan leikmann í sinn
hóp. Hilmar Freyr Bjartþórsson, 18
ára gamall Fáskrúðsfirðingur, er
kominn í þeirra raðir en hann spilaði
með Fjarðabyggð í 1. deildinni í
sumar.
Fólk folk@mbl.is
Í LAUGINNI
Sindri Sverrisson
sindris@mbl.is
Sunddrottning landsins, Ragnheiður
Ragnarsdóttir, lét nýjar reglur um
sundfatnað og erfiðan undirbúning
fyrir komandi stórmót ekki stöðva sig í
því að setja glæsilegt Íslandsmet í 100
metra skriðsundi í gær, á öðrum degi
Íslandsmeistaramótsins í 25 metra
laug. Hún synti á 54,65 sekúndum og
bætti fyrra metið sitt um 11/100 úr
sekúndu. KR-ingurinn sigursæli var
þó ekki sú eina sem setti met í gær því
Kristinn Þórarinsson úr Fjölni setti
sex drengjamet, og hefur þar með sett
sjö alls í Laugardalslauginni á fyrstu
tveimur keppnisdögunum.
„Þetta kom mér rosalega á óvart.
Ég er að fara á EM eftir viku og svo á
HM eftir mánuð, og æfingarnar miða
að því að ég nái fram mínu besta á
HM. Ég er þess vegna búin að vera í
þungum æfingum og ekki byrjuð að
létta þær ennþá, og þetta mót átti bara
að vera mjög erfið æfing fyrir mig. Ég
setti líka gamla metið í síðum galla,
sem er núna bannaður, þannig að
þetta er mikil bæting miðað við það,“
sagði Ragnheiður glöð í bragði á sund-
laugarbakkanum í gær.
Hún keppir einnig í 50 metra skrið-
sundi á morgun og má búast við góðri
frammistöðu þar, en tíminn sem
Ragnheiður náði í gær skilar henni í
sjötta sæti yfir bestu tíma ársins í
Evrópu.
„Ég veit að þessar fimm sem eru
með betri tíma eins og er eru ekki allar
að fara á EM, því þær einblína á HM.
Það gæti því verið skemmtilegt að
komast í úrslitin á EM og geta reynt
að næla sér í einhver verðlaun. Mér
datt ekki í hug að ég væri svona of-
arlega núna,“ sagði Ragnheiður.
Afrek Ragnheiðar stóð upp úr í
Laugardalslauginni í gær en fyrr-
nefndur Kristinn, sem er 14 ára gam-
all, reyndist einnig senuþjófur. Hann
hefur ekki stungið sér til sunds á yfir-
standandi móti án þess að setja
drengjamet. Líður mönnum ekki bara
vel með slík afrek?
„Þetta er bara æðisleg tilfinning og
þannig er það alltaf. Maður er svo sem
búinn að setja þónokkuð mörg met en
þetta er alltaf jafn gaman,“ sagði
Kristinn sem á enn eftir að keppa í
nokkrum greinum. Árangur kappans
er afrakstur þrotlausra æfinga og ljóst
að framtíðin er björt hjá Fjölnismann-
inum.
„Ég er átta sinnum í viku í lauginni
á æfingum, á morgun- og kvöldæf-
ingum, og svo tökum við líka þrekæf-
ingar með þessu. Það fer því mikill
tími í þetta,“ sagði Kristinn.
Fleira sundfólk átti góðu gengi að
fagna í gær og féllu tvö aldurs-
flokkamet til viðbótar. Þau komu
reyndar í sömu greininni, 50 metra
baksundi kvenna, en hjá tveimur
keppendum. Bryndís Rún Hansen úr
Óðni setti stúlknamet í undanrásunum
með tímanum 29,41 sekúnda, en Ingi-
björg Kristín Jónsdóttir úr SH bætti
það í úrslitasundinu og kom fyrst í
mark á 29,23 sekúndum.
Hrafnhildur og Anton sigursæl
Hrafnhildur Lúthersdóttir úr SH
vann til tvennra gullverðlauna, í 100
metra fjórsundi og 200 metra bringu-
sundi, og Anton Sveinn McKee úr Ægi
vann sigur í 200 metra flugsundi
nokkrum mínútum eftir að hann fékk
silfurverðlaun í 100 metra skriðsundi.
Í fyrrakvöld vann hann sigur í sinni
aðalgrein, 1.500 metra skriðsundi.
„Þetta var mjög erfitt og ég bjóst
alls ekki við að vinna flugsundið. Ég er
svolítið hissa á bætingum í 100 metra
skriðsundinu og flugsundinu. En ég lít
bara á þetta mót sem undirbúning fyr-
ir Norðurlandameistaramót unglinga í
næsta mánuði. Þar ætla ég að toppa í
1.500 metra skriðsundinu,“ sagði Ant-
on Sveinn.
„Þetta mót átti bara að
vera mjög erfið æfing“
Morgunblaðið/Eggert
Danmerkurfari Salome Jónsdóttir syndir hér til sigurs í 200 metra flugsundi í Laugardalslauginni í gær en tíminn henn-
ar þar tryggði henni þátttökurétt á Norðurlandameistaramóti ungmenna í Danmörku sem fram fer í næsta mánuði.
Ragnheiður setti óvænt Íslandsmet Kristinn einnig senuþjófur með sjö met
Tvö gull Anton Sveinn McKee, sundmaður úr Ægi, hefur þegar náð í 2 gull og 1
silfur á Íslandsmeistaramótinu sem fram fer um helgina í Laugardalnum.
Raymond Domenech, fyrrverandi landsliðsþjálfari Frakk-
lands í knattspyrnu, hefur farið fram á skaðabætur upp á 2,9
milljónir evra, sem samsvarar tæplega hálfum milljarði ís-
lenskra króna, frá franska knattspyrnusambandinu.
Domenech var sem kunnugt er sagt upp störfum eftir
heimsmeistaramótið í sumar þar sem franska landsliðið lék
ekki aðeins mjög illa í leikjum sínum heldur lét einnig illa ut-
an vallar. Domenech var rekinn í september vegna „alvar-
legra mistaka“ í starfi, en slíkt þýðir í Frakklandi að menn fái
ekki neinar bætur vegna brottrekstrarins.
„Við förum fram á 2,9 milljónir evra í tveimur greiðslum.
Fyrst 400.000 evrur vegna brottrekstrarins og svo seinni
greiðsluna vegna lengri tíma áhrifa en hún nemur þriggja ára launum,“ sagði
lögmaður Domenech, Jean-Yves Connesson.
„Það er ekki hægt að leysa svona flókna krísu með því að kenna einum manni
um. Það hefði mátt fara betri leið,“ bætti hann við. sindris@mbl.is
Domenech vill skaðabætur
Raymond
Domenech
Gunnar Heiðar Þorvaldsson skoraði fyrra mark Fredrik-
stad í gærkvöld þegar liðið lagði Löv-Ham, 2:0, í undan-
úrslitum umspils um sæti í norsku úrvalsdeildinni í knatt-
spyrnu.
Þar með er Fredrikstad komið í úrslit og mætir þar
annaðhvort Kristjáni Erni Sigurðssyni og félögum í Höne-
foss eða liði Ranheim í tveimur leikjum um sæti í úrvals-
deildinni.
Hönefoss varð þriðja neðst í úrvalsdeildinni í ár en Fre-
drikstad, Ranheim og Löv-Ham urðu í þriðja til fimmta sæti
1. deildar.
Gunnar Heiðar skoraði fyrra markið á 38. mínútu eftir
fyrirgjöf frá hægri. Honum var síðan skipt af velli á 62. mínútu, rétt eftir að
Fredrikstad komst í 2:0.
Gunnar er í láni hjá Fredrikstad frá Esbjerg í Danmörku.
vs@mbl.is
Gunnar Heiðar á skotskónum
Gunnar Heiðar
Þorvaldsson
HANDKNATTLEIKUR
Úrvalsdeild karla, N1-deildin:
Vodafonehöllin: Valur – FH ............. L15.45
Úrvalsdeild kvenna, N1-deildin:
Framhús: Fram – ÍBV........................... L13
Seltjarnarnes: Grótta – ÍR ............... L13.30
Vodafonehöllin: Valur – FH ............. L13.45
1. deild karla:
Vestmannaeyjar: ÍBV – Víkingur......... L13
Eimskipsbikar karla, 16-liða úrslit:
Vestmannaeyjar: ÍBV – Haukar 2 ........ L16
Austurberg: ÍR 2 – Fram ....................... S16
KÖRFUKNATTLEIKUR
Úrvalsdeild karla, IE-deildin:
Sauðárkrókur: Tindastóll – Hamar.. S19.15
Seljaskóli: ÍR – Snæfell ..................... S19.15
Toyotahöllin: Keflavík – Haukar ...... S19.15
BADMINTON
Alþjóðlega mótið Iceland International
heldur áfram í dag í TBR-húsunum. Átta
liða úrslit hefjast klukkan 10 og undanúr-
slit klukkan 16.30. Úrslitaleikir fara fram
þar á morgun frá kl. 10 til 14.
SUND
Íslandsmótið í 25 m laug heldur áfram í
Laugardalslauginni í dag og á morgun.
KARATE
Íslandsmeistaramótið í kumite fer fram á
Ásvöllum í Hafnarfirði í dag. Það hefst
klukkan 12 og úrslit eru áætluð um kl.
14.30.
UM HELGINA!