Líf og list - 01.02.1951, Blaðsíða 3

RITSTJÓRI:
Steingrímur
Sigurðsson,
Barmahlíð 49.
Sími: 81248
LÍF og LIST
TÍMARIT UM LISTIR OG MENNINGARMÁL
Kemur út í byrjun
hvers mánaðar.
Árgangurinn kost-
ar kr. 50.00.
Sími: 81248
2. árgangur
Reykjavík, febrúar 1951
2. hefti
Gestur Guðfinnson:
ÞENKINGAR
Oa fólkið lærði sitt faðirvor og kver
D D
og frelsara sínum og guði í lotningu kraup,
en heilög þrenning þvældist fyrir mér
og þvermóðskufullur sviti af enni mér draup,
ég stóð eins og auli andspæms þeim, sem trúa
og eiga við frið og rósemd hjartans að búa.
Oft varð mér lítið efni að mikilli spurn,
sem öðrum fannst gjarnan heimskan ber og tóm,
brennandi af áhugta braut ég hverja skurn,
en bar ekki skyn á kjarnans leyndardóm.
Og gæfusamt fól'k hélt fagnandi leiðar sinnar
og fékkst ekki um úrræðaleysi heimsku minnar.
Og biskupar lýðsins blessuðu hinn ‘himneska auð
og beindu sjónum að gæðum annars lífs,
en augu mín staðnæmdust einatt við daglegt brauð
í ágirnd þess, sem á lítið td skeiðar og hnífs,
og hugsun mín snerist um heimsins réttlæti og dygð
og hlutskipti mannanna í allrar veraldar byggð.
Og þegar aðrir gengu í heilagt hús
og heyrðu og trúðu og þekktu skapara sinn,
lék sér efinn að mér eins og köttur að mús
og margur grunur Iæddist í hugskot mitt inn.
Og þegar ég horfði yfir hólpinna sálna bekki,
var hugur minn úti á þekju óg viknaði ekki.
LÍF og LIST
Lítiltrúaður, tregur og efagjarn
á torginu stend ég og spyr og leita mín sjálfs.
Ég er eins og fávist, forvitið barn,
sem fullorðins spekin svarar ekki til hálfs.
En sumir þurfa aldrei að vefjast í vafa
og verður engin hugsun til falls éða tafa.
3