Teningur - 01.10.1991, Qupperneq 37

HÞF: Þú hefur citthvað vitað af mynd-
list?
KGH: Já, móðir mín hún hafði föndr-
að svolítið við þetta þegar hún var
ung. Eg vissi ekkert meira um mynd-
list en hver annar unglingur og það
var enginn listáhugi á mínu heimili
eða umhverfi mínu, það var ckkert
sem ýtti þannig á.
MÁT í GALLERÍ SÚM
EP: Hvenær ferð þú í Myndlista- og
handíðaskólann?
KGH: Ég þraukaði eitt ár í mennta-
skóla og gafst þá upp. Þá fór ég í
Myndlistaskólann í Reykjavík og var
þar einn vetur og síðan fór ég í Mynd-
lista- og handíðaskólann.
EP: Breyttist viðhorf þitt til mynd-
listar við það?
KGH: Jú, það má eiginlcga segja að
þetta komi svolítið í stökkum. Þegar
ég var fjórtán ára var ég að mála eftir
ljósmyndum og póstkortum eins og
dæmigerður amatörmálari. Svo komst
ég fimmtán, sextán ára í van Gogh og
var mjög spenntur fyrir honum og
sjálfsagt fleirum þó ég muni ekki
nöfnin í svipinn. Þegar ég var í Mynd-
listaskólanum í Reykjavík fór ég að
fara á sýningar. Ég skoðaði allar sýn-
ingar í Reykjavík, alveg sama hvað
það var. Jafnvel föndursýningar á elli-
heimilum, allt sem var auglýst sem
myndlistarsýning. Þetta stundaði ég í
þrjú ár. Ég byrjaði snemma að fara á
Súm-sýningar. Þar opnaðist alveg nýr
hcimur, kannski sá heimur sem ég lifi
í nú. Svo fer ég að skoða bækur og
kynnist popplistinni, mjög ómarkvisst
og ógagnrýnið fyrst. Maður hreifst
náttúrulega af öllu.
HÞF: Hvað var það hjá Súmmurunum
sem þú hreifst af? Var það að hlut-
irnir voru ögrandi eöa eitthvað slíkt?
Svona formrænt?
KRISTINN G. HARÐARSON
KGH: Ég held að það hafi ekki verið
formrænt. Ég lield að það hafi verið
einhver ögrun, stemning. Það er
kannski dálítið svipað því þegar ég
var að vinna uppi við Þórisvatn, ég
held ég hafi verið sextán ára, það var
sumar, ég lá uppi í rúmi þreyttur eftir
vinnudaginn og Dagur Sigurðarsson
var að lesa upp í útvarpinu. Ég reis
upp og glaðvaknaði. Það var einmitt
þessi stemning, það var eitthvað allt
annað, eitthvað nýtt, einhver annar
heimur. Kannski það að verið var að
vinna út frá samtímanum um mynd-
efni, texta og efnistök. Abstrakt-
myndlistin og aðrir sambærilegir
hlutir voru farnir að fá á sig einhvers
konar fjarlægðarbláma.
FLÚXUSDEILD í MÓTUN
EP: Svo kynnistu þessum heimi betur
í Deild í mótun, síðar Nýlistadeild,
hjá Magnúsi Pálssyni í Myndlista-
skólanum?
KGH: Þá fer þetta svona að verða
inarkvissari lærdómur. Maður var að
kynnast nýjum hugmyndum, stefnum
og listamönnum.
HÞF: Þú hefur stundum nefnt að
Magnús sé einhvers konar lærifaðir
þinn, er það þá hugmyndafræðilega?
KGH: Já, Magnús var sá kennari sem
hafði hvað mest áhrif á mig. Hann ól
okkur hreinlega upp í listrænum
skilningi. Magnús hafði mjög afslapp-
aða aðferð við kennsluna, hann sagði
okkur aldrei að gera svona eða hins-
egin. Það var frekar eitthvert hugar-
far sem sveif yfir vötnunum. Hann
læddi athugasemdunum að, lífs og
myndlistarviðhorf streymdu frá hon-
um, oft gegnum umræður um daginn
og vcginn. Hann hafði mikil áhrif á
mig sem maður og listamaður, einnig
þeir hlutir sem hann kynnti hvað
mest, l'lúxus og hugmyndlist tengda
flúxus.
HÞF: Þú hefur einnig nefnt þá
George Brecht og Robert Filliou sem
áhrifavalda, ekki rétt? Er þá hægt að
kalla þig flúxara eða liver er helsti
munurinn á þinni afstöðu og flúxus-
stefnunnar?
KGH: Ég hugsa að það sem ég geri
tengist frekar klassískri myndlist. Það
má segja að afstaðan sé myndrænni.
HÞF: Þú hefur þitt klassíska sjónar-
horn og svo er eitthvað sameiginlegt
líka, hvað er það eiginlega?
KGH: Það að vinna með afgangsefni
og raða saman einhverju sem er fund-
ið, einhvcrju dóti, umbúðum. Svo
eru brandarar, notkun tungumáls og
listin gegnum leikinn eða leikur sem
uppspretta listar.
TILVITNANIR
OG ATHUGASEMDIR
HÞF: Getur verið að það korni frarn
einhver afstaða eins og á síðasta ára-
tug, að þctta tengist flúxusstefnunni á
þann hátt að þú skoðar flúxusstílinn,
skoðar þetta eins og nýmálararnir
sem líta aftur fyrir sig og nota stíl-
brigðin frekar sem tilvitnanir en að
vera að endurtaka hlutinn?
KGH: Ég vil ekki kalla þetta tilvitn-
un. Það er munur á tilvitnun, sem er
meira eins og dæmi sem þú sýnir, og
að nýta þér hugmyndir ákveðinnar
stefnu á þinn eigin hátt. Ég nota ekki
bara flúxusáhrif, heldur áhrif frá
popplist, minimalisma og hugmynda-
list ásamt fleiru. Minimalisminn
kemur oft fram í byggingu sumra verk-
anna sem oft eru hlaðin smáhlutuin,
teikningum eða texta.
EP: Þegar þú raðar saman ólíkum
hlutum eins og ljósmyndum, málverki
og sctningum, notar aðfengið efni,
vakir þá fyrir þér einhvers konar frá-
sögn cða er þetta einhvers konar
formalismi, sjónræn uppröðun,
kannski hvort tveggja?
35