Birtingur - 01.06.1966, Blaðsíða 8

ann £rá sér vegna margvíslegra annarra star£a
í baráttu gegn hernaðarstefnu og afsali lands-
réttinda. Má spyrja hvort svonefndir ádeilu-
höfundar Kristins hafi lagt meira í sölurnar.
Eitt er víst, það sker ekki úr um gildi bók-
menntaverka, hvort hægt er að bendla þau við
ádeilu eða ekki. Það eru ekki aðrir en fals-
spámenn sem reyna að telja fólki trú um slíkt.
Og við athugun á þeim skáldverkum sem
Kristinn hampar mest í grein sinni, kemur í
ljós að þetta eru gölluð miðlungsverk sem
mundu hvergi þykja umtalsverð nema þar sem
fátækt prósans er jafnmikil og á íslandi.
Að öðru leyti hirði ég ekki að fjalla um lang-
loku Kristins. Grein hans virðist helzt skrifuð
til að smjaðra fyrir nokkrum íslenkum rithöf-
undum (sem flestir eru nálægt þv{ að vera
byrjendur) og lokka þá með fagurgala til að
þiggja samskonar formúlur um skáldskap og
gefnar voru í Rússlandi á dögum Stalíns Og
eru enn gefnar þar að einhverju leyti. Pað var
verið að dæma tvo rithöfunda þar í fangelsi
fyrir skáldverk einmitt sömu dagana og Krist-
inn var að reyna að segja íslenzkum höfundum
fyrir verkum. Það líður vonandi langur tími
áður en jafn ómerkileg grein verður skrifuð
um bókmenntir á íslandi.
6
BIRTINGUR