Austurland - 02.03.1995, Blaðsíða 4
4
FIMMTUDAGUR, 2. MARS 1995.
Af meintu landhelgisbroti
skipstjórans á Bjarti NK
NESKAUPSTAOUR
fyrir tæpri viku fór fram málflutn-
ingur fyrir Héraðsdómi Austur-
lands í máli ákæruvaldsins gegn
skipstjóranum á togaranum
Bjarti NK 121. Sækjandi fyrir
hönd ákæruvaldsins var Bjarni
Stefánsson sýslumaður í Nes-
kaupstað en verjandi í málinu er
Gísli Baldur Garðarsson hrl.
Málsatvik voru í stuttu máli
þau að þann 8. febrúarsíðastlið-
inn var Bjartur NK að veiðum
í Lónsdýpi í nánd við friðunar-
hólf fyrir smákarfa sem lokað er
fyrir togveiðar milli kl. 8{K) og
20IXI. Þegar 1. stýrimaður, sem
þá var á vakt, var að snúa á tog-
inu mæla skipverjar á varðskip-
inu Ægi, Bjart innan þeirrar
línu sem markar friðunarhólfið.
Ægir færði togarann til hafnar
og var skipstjórinn kærður til
sýslumannsis í Neskaupstað.
Stýrimaðurinn ber því við að
hann hatí lent í vandræðum í
snúningnum vegna straums og
þessvegna lent innfyrir um-
rædda línu án þess að fá að gert.
Gísli Baldur Garðarsson verj-
andinn í málinu byggir vörn sína
m. a. á því að þarsem skipstjór-
inn hafi ekki verið við stjórnvöl
þegar atvikið átti sér stað sé ekki
hægt að dæma hann til að sæta
refsingu. Ákæran er byggð á
svokallaðri „hlutlægri refsi-
ábyrgð“ á grundvelli landhelgis-
laga þó ekki finnist skýr laga-
heimild fyrir slíkri ábyrgð í þeim
lögum. Hæstiréttur hefur hins-
vegar til þessa túlkað mál af
þessu tagi á þann hátt að ekki
sé gert ráð fyrir að annar aðili
en skipstjóri sé sóttur til saka
fyrir svona brot. Hlutlæg refsi-
ábyrgð hefur veið talin liggja í
anda laganna. Sem dæmi má
nefna að árið 1970 var annar
norðfirskur skipstjóri dæmdur
til að sæta refsingu í máli þar
sem málsatvik voru með hlið-
stæðum hætti.
Nú ber hinsvegar svo við að
vafamál getur talist hvort refsi-
ábyrgð af því tagi sem hér um
ræðir fái staðist mannréttinda-
sáttmála Evrópu sem lögfestur
var hér á landi í maí 1994.
í öðru lagi telur verjandi vafa
leika á því hvort upptaka á afia
og veiðarfærum fái staðist 67.
grein stjórnarskrárinnar en út-
gerð skipsins þurfti að leggja
fram tryggingu fyrir andvirði
afla og veiðarfæra við þingfest-
ingu málsins þar sem ákæru-
valdið fór fram á upptöku þess-
ara eigna. Túlkun verjandans er
sú að eigandi afla og veiðarfæra
sé útgerð skipsins en ekki skip-
stjórinn og að útgerðin sé ekki
fyrir dómi og því ekki stætt á
því að fara fram á upptöku á
hennar eignum.
Nýtt leikrit eftir systurnar
Iðunni og Kristínu
lb^'<»]KiJni:TiHni Leikfélagsfólk á
Seyðisfirði hafði löngum hugsað
sér að setja upp myndarlega og
minnisstæða leiksýningu á
hundrað ára afmæli kaupstaðar-
ins. Helst þyrfti það að vera í
efnislegum tengslum við sögu og
mannlíf staðarins. Nokkru síðar
talaði svo formaður félagsins við
hina kunnu höfunda, seyðfirsku
systurnar Iðunni og Kristínu
Steinsdætur, um að þær skrif-
uðu leikverk fyrir félagið. Þær
lofuðu samstundis liðveislu
sinni og hófu fljótlega undirbún-
ingsvinnu. Nú hafa þær skrifað
leikrit, sem þær nefna Alda-
mótaelexír.
Eins og nafnið bendir til er
horfið aftur í tímann íleikritinu,
en það gerist á sumarmánuðum
laust fyrir aldamótin. Þar er því
brugðuð upp samtíðarspegli frá
bernskuárum nýja kaupstaðar-
ins. Höfundum bregst varla
bogalistin fremur en áður, enda
flestum öðrum kunnugri sögu
staðarins og litríku mannlífi
þessara tíma.
Leikstjórinn heitir Ingibjörg
Björnsdóttir, þaulvanur leik-
stjóri og hefur m. a. leikstýrt
sýningum á hinu vinsæla leikriti
þeirra systranna: Síldin kemur
- Síldin fer.
Hún hefur undanfarið kynnt
sér leikritið með höfundunum
og hafa þær fínpússað það til
sýningar.
Leikmyndina mun listamað-
urinn Inga Jónsdóttir gera.
Tónlistarflutningur allur
verður undir stjórn Einars
Braga skólastjóra og leikur þar
þriggja manna hljómsveit, sem
þykir góð.
Frumsýning er fyrirhuguð 17.
apríl, annan páskadag. JJ
OPNAÐU
FYRIR
TILVERUNA
í LIT
Tilboð á AKRYLLAKKI
og METAKRYLLAKKI verður í mars
MIKILL AFSLÁTTUR
Eigum einnig ELECTROLUX heimilistæki á lager
ROWENTA ryksugur - GOTT VERÐ
Kaupfélagið Fram
- Byggingavörudeild -
Bjartur NK 121.
Gísli Baldur sagðist vongóður ónógur fyrir ákæru. Búist er við
um að skipstjórinn verði sýkn- að dómur falli í málinu innan
aðurþarsem lagagrundvöllursé þriggja vikna. SP
Kosningaskrifstofa
G-listans
Kosningaskrifstofa G-listans í
Austurlandskjördæmi hefur nú
verði opin í tæpan mánuð. Hún
er staðsett að Tjarnarbraut 21 á
Egilsstöðum í björtu og sæmi-
lega rúmgóðu húsnæði. Skrif-
stofan hefur hingað til verið
opin 3 tíma á dag á virkum
dögum, frá 15 - 18, og 5 tíma
um helgar, frá 13 - 18. Vænta
má að opnunartími verði lengd-
ur þegar nær dregur kosningum.
Á skrifstofunni er alltaf heitt á
könnunni og þar er hægt að líta
við og lesa nýjustu blöðin, bæði
okkar málgögn og annarra.
Kosningastjóri og eini starfs-
maður skrifstofunnar er Þor-
steinn Bergsson. Síminn er
12571 og faxnúmer 12573. Allir
eru velkomnir og tilvalið að líta
inn. Kosningastjóri
Stiklur á útmánuðum
Það er ekki langt síðan að um-
ræður áttu sér stað í þinginu
okkar um Stasi og hugsanleg
tengsl alþýðubandalagsmanna
við þessa austur-þýsku njósna-
hreyfingu. Ég varð svolítið
undrandi þegar ég heyrði glefs-
ur úr þessum umræðum og velti
því fyrir mér hvort málefnafá-
tækt sjálfstæðismanna væri
virkilega svo mikil að nú þyrfti
að draga fram gömlu rússagrýl-
una svona rétt fyrir kosningar,
ef vera mætti að einstaka auð-
trúa sál myndi glepjast. Og það
rifjaðist upp fyrir mér þegar
ágæt vinkona mín úr MR sagði
við mig forðum daga: „Mér var
alltaf sagt að þið kommarnir
væru ljótu karlarnir sem færu til
andskotans þegar þið skilduð
við“.
En ennþá frekar varð ég
undrandi þegar ég hlustaði á
eldhúsdagsumræðurnar í út-
varpinu í síðustu viku. Eigin-
lega er það orðið æði langt síðan
ég hef hlýtt á hverja einustu
ræðu í eldhúsdagsumræðum og
kannski hefði ég ekki hlustað
allt kvöldið ef ég hefði ekki ver-
ið að mála herbergi dóttur
minnar. Ég var eiginlega búinn
að gleyma hversu skemmtilegt
og áhugavert það er að hlusta á
okkar ágætu alþingismenn. En
undrandi varð ég, það verð ég
að segja, þegar ég hlustaði á
Halldór okkar Ásgrímsson og
uppgötvaði að hann er haldinn
sama vírusi og Björn Bjarna-
son, hinum svokallaða Stasívír-
usi.
Annars var gaman að hlusta
á ræður þingmannanna og ég get
ekki neitað því að ég var hrifinn
af sannfæringarkraftinum í
henni Jóhönnu. Það eru ekki
allir sem hafa kjark til þess að
ausa sér, eins rækilega og hún
gerði, yfir eigin stjórn og síðan
að halda því fram að ráðið til
að sameina vinstrimenn í land-
inu væri að stofna enn einn
flokkinn. En sannfæringarkraft-
inn vantaði ekki og hjartað í
henni Jóhönnu slær til vinstri
það held ég sé alveg öruggt þó
hún í þetta skiptið hafi ekki átt-
að sig á því að leiðin til að
mynda breiðfylkingu til vinstri
er að sameina kraftana líkt og
margir óháðir vinstri menn gera
nú þegar þeir ganga til liðs við
okkur alþýðubandalagsmenn.
Með ósk um gott vinstra vor.
Póroddur Helgason,
Reyðarfirði