Húsfreyjan - 01.10.1969, Blaðsíða 29

höndum með grófum þræði og sterku
spori, t. d. kappmelluspori. Svo þarf að
gera við opið, kannske mætti loka þeim
með snúru, draga opið saman og sauma
litla grein í þau til skrauts, eins og við
sjáum á myndinni.
Væri ekki tilvalið að gleðja hana
ömmu með því að senda henni dálítið
jóladagatal 1. desember? Við getum bú-
ið það til úr einhverju stífu efni, brydd-
að að utan og sett á það hanka. Svo
getum við fest á það smápakka, sem
hún má opna hvern dag til jólanna, líkt
og er á sumum dagatölum handa börn-
um. Þetta mundi áreiðanlega gleðja
marga ömmuna, kannski hann afa líka,
ekki sízt ef þau eru búsett langt frá
börnunum sínum, ef til vill dálítið ein-
mana, lasburða eða á sjúkrahúsi. 1 litlu
pinklana setjum við t. d. jóladúk, servi-
ettur, vasaklúta, kerti, spil, sápu eða
lítið ilmvatnsglas, svo má stinga smá
sælgætispökkum inn á milli eða sýnis-
hornum af því, sem búið er að baka (ef
smákökubaksturinn byrjar snemma).
Þannig má finna ýmislegt, sem við vit-
um að kemur sér vel og gamla fólkið
kann að meta.
Þá er það litla systirin, sem er að
taka tennur og slefar ósköpin öll. Ef
við finnum nú svolítinn bút af frotti-
efni, getum við notað hann í höku-
speldi. Það má vera aflangt eða eins
og kringla í lögun, og svo skulum við
brydda það, t. d. með rauðu skábandi,
og sauma í það litlar stjörnur, gular,
bláar og rauðar eða annað eftir því sem
andinn býður. Við bryddum það síðast
við hálsmálið og látum endana vera svo
langa að hægt sé að hnýta þá aftur
fyrir hálsinn.
Við getum látið fylgja speldinu
skrautlegan jólaóróa, sem hengja má
yfir litla rúmið, smábörn hafa svo gam-
an af öllu, sem er marglitt og hreyfist
ögn.
Og fyrst við erum setztar við sauma-
vélina, því þá ekki að sauma hvítan
kraga handa Gunnu systur eða Önnu
frænku. I hann þarf helzt eitthvert
HÚSFREYJAN
fallegt hvítt efni um 40x20 sm. Bezt er
að búa fyrst til pappírssnið, máta það
við hálsmál, sem er hæfilega stórt, sníða
síðan tvö stykki eins. Ofurlítill útsaum-
ur er auðvitað til skrauts, en ef efnið
er áferðarfallegt, er hann alveg óþarf-
ur. Og svo eru blúndukragar mjög í
tízku, sumir eru með tungu að framan,
alsettri rykktri blúndu, og þeir eru auð-
vitað fjarska fallegir.
En hvað er svo hægt að gefa honum
Sigga bróður? Hvernig væri að gefa
honum dyrabjöllu, hann vill aldrei láta
trufla sig, svo að við þurfum alltaf að
berja að dyrum hjá honum. Við sníðum
stykki t. d. úr hessíanstriga eins og
þríhyrning í laginu, og svo klippum við
nokkur rauð hjörtu út úr rauðum flóka
eða flauelsbút og límum hér og þar á
þríhyrninginn. Við getum líka skreytt
hann með litlum perlum inn á milli, ef
vill. Svo klippum við pappastykki, sem
er svolítið minna en þríhyrningurinn, og
límum svo strigann ofan á það og brún-
irnar inn af að aftan. Því næst festum
við snúru eða lykkju í að ofan, en á
neðri hornin festum við síðan tvær bjöll-
ur eða eitthvað annað, sem glamrar í.
Þetta hengir Siggi svo á herbergishurð-
25