Vera - 01.04.1993, Page 7
Þœr fregnir berast nú frá flestum ríkjum hins vestrœna heims aö
baráttan fyrir jafnrétti kynjanna hafi staðnað og jafnvel snúistí höndum
kvenna. Sumir ganga svo langt að segja að anáspyrnuöfl heyji óyfirlýst
stríð gegn konum. Gildir þetta um ísland? Hafa íslenskar konur orðið fyrir
spjótum þeirra sem vilja kveða kvenréttindi í kútinn og hlekkja konur enn
á ný við eldhúsvaskinn?
Hver eru markmið jafnréttisbaráttunnar? Við viljum frelsi kvenna til að
velja og við viljum vera metnar að verðleikum, fyrir það sem við erum.
Við viljum breyta samfélaginu - úr samfélagi þar sem karlar drottna í
samfélag þar sem völdum, lífsgœðum, umbun og ábyrgð er jafnt skipt
milli kvenna og karla. Jafnframt viljum við tryggja að aðbúnaður barna
okkar sé sem bestur í gjörbreyttri þjóðfélagskipan.
En höfum við náð þessum markmiðum? Ef ekki, hvers vegna ekki?
Eru hindranirnar of margar og háar? Er viljinn ekki nógu sterkur? Eða er
einhver ósýnileg undiralda í þjóðfélaginu sem berst gegn því að konur
hljóti fullt jafnrétti á við karla?
Ása Richardsdóttir
7