Vera - 01.12.1998, Blaðsíða 61
Þegar betur er aö gáð hæfir nýja nafnið
hljómsveitinni vel, því að Bellatrix mun vera
skærasta stjarnan í stjörnumerki Óríons og
hafa fengið nafn sitt af stríðsgyðju í grísku
goðafræöinni, þannig að nafnið er enn forn-
ara en það sem hin klóka kona í þjóösögum
Jóns Árnasonar tók sér er hún þurfti að lát-
ast vera skessan Kolrassa krókríðandi. En
hættum að velta okkur upp úr nafninu og
hugsanlegri heimsfrægð og lítum á nýja
diskinn frá þessari góðu sveit.
g nefnist gripurinn og er greinilega gerður
fyrir eriendan markað - textarnir á ensku og
tvö lög af átta hafa áður verið gefin út á Kol-
rössudiskum, reyndar ekki í sömu útgáfu og
hér. Þetta eru lögin Sleeping beauty (Sætasta
Þyrnirósin í bænum) og Ikarus. Það fyrr-
nefnda kom fyrst út á diski með lögum gerð-
um fyrir bíómyndina Ein stór fjölskylda og
svo á Stranger tales sem sveitin gaf út fyrir
erlendan markaö undir nafninu Bellatrix árið
1995. Á þeim diski er Ikarus líka aö finna, en
lagið kom fyrst út á Kynjasögum 1994, og þá
með íslenskum texta. Og það er skemmst frá
því að segja aö þessi Ikarus á g er langbest-
ur og þar með verð ég að viðurkenna að ég
hafði rangt fyrir mér þegar ég hélt aö Kol-
rassa - afsakið - Bellatrix eyðilegði hugsan-
lega sína sérstöku áferð á tónlistinni með
tölvutækninni. Mér finnst reyndar Sætasta
Þyrnirósin gjörsamlega fullkomin í uppruna-
legu útgáfunni, en sætti mig þó vel við þessa
Sleeping beauty.
Nýju lögin fimm á g eru góðar lagasmíðar -
ekki slakur punktur í þeim efnum á þessari
plötu, en lögin eru unnin í samvinnu og skrif-
uð á hljómsveitina í heild. Eitt þeirra finnst
mér þó langbest, Once more. Ofan á gæði
laganna bætast svo virkilega góðar útsetning-
ar og eru þar kannski mest áberandi í fyrstu
skemmtilegar gítarskreytingar Önnu, bæði
stingandi og melódískar, og svo fiðlan henn-
ar Elízu sem er óneitanlega eitt af því sem
gefur Bellatrix sérstöðu meðal rokksveita
nú til dags. En hrynsveitin lætur ekki að sér
hæða - Esther bassaleikari og Kalli trommari
gefa stöðugan undirtón og drifkraft í tónlist-
ina, en lita hana líka mjúkum, dökkum litum,
sem er gott samspil með sólógítarnum og
fiðlunni. Ekki má gleyma aö Sigrún á líka þátt
í ryþmanun sem ryþmagítarleikari, hún spil-
ar líka á hljómborð en ég veit ekki hvort hún
eða Elíza á þennan skemmtilega bakradda-
söng á g. Sigrún sér a.m.k. mestan part um
þá deild hjá Bellatrix á hljómleikum. Söngur
Elízu var dálítið einsleitur hér áður fyrr, en
hún hefur nú náð ágætum tökum á röddinni
og nýtir miklu betur raddsviðið. Elíza semur
líka textana og ég verö að segja að hér eru
á ferð hennar bestu hingað til.
Niðurstaða mín er sem sagt sú að þessi nýja
Bellatrix-plata sé mjög góð, fagmannlega
unnin en líka fersk. Þeim sem telja mínútur á
hljómplötum finnst hún líklega í styttra lagi,
32 mínútur, en ég verð að segja að mér finnst
betra minna af hinu góða en meira af því
vonda...eða þannig. Góð plata er þannig að
mann langar í meira þegar hún er búin, en
stundum gerist það með langar skífur að
maður er ánægður svona rétt fram yfir miðju,
en þá fer allt að endurtaka sig. Hætta skal leik
þá hæst hann stendur...og hér með og
kannski fyrr kominn tími á mig.
< Pf't
KROSSINN
Skínandi fögur
jolagjof
Í
Tákn heilagrar
þrenningar
‘s
Núfáanlegur sem bitidisnœla.
Til styrktar blindum
Fœst um allt land
Dn'ifinguraðilii
BLINDRAFELAGIÐ
SAMTÖK BLINDRA OG SJÓNSKERTRA Á ÍSLANDI
lltmmihlii) 17, Reykjavik
S. 525-0000
B1