Dagblaðið Vísir - DV - 24.05.2005, Blaðsíða 37
DV Lífið eftir vinnu
ÞRIÐJUDAGUR 24. MAÍ2005 37
Tveir erlendir sirkusar eru á leiðinni til landsins. Sjónvarpsstöðin og lífsstílsblaðið Sirkus fara af stað í
sumar. Ljóðabókin Sirkus er komin út og skáldsagan Sirkus kemur í haust. Sigga á skemmtistaðnum
Sirkus er ekkert voðalega hress með þetta allt saman.
„Ég held að það sé eitthvað í
menningu okkar í dag sem kallar á
þennan sirkus allan, frekar en að
öllum hafi dottið það sama í hug á
sama tíma. Vestræn menning er öll
einn allsherjarsirkus. Pólitíkin er
sirkus, gagnslaus stn'ð eru sirkus -
þetta er gott hugtak til að fanga
ástandið." Hér talar Óttar.Martin
Norðfjörð, en Nyhil-samsteypan
gaf á dögunum út ljóðabók hans
Sirkus. Ljóðin skrifaði hann að
mestu á veitingahúsinu Sirkus.
„Bókin varð til í því kaosi sem ríkir
í miðbæ Reykjavíkur á föstudags-
og laugardagskvöldum - djamm
nýju kynslóðarinnar getur oft verið
brútal og ógeðslegt. Ég leik mér
með að spá í það sem gæti gerst ef
ólæknandi plága kæmi til íslands -
eitthvað í líkingu við fuglaflensuna
- og fólk færi unnvörpum að deyja.
Ég ímyndaði mér hverrúg fólk
myndi bregðast við og mín niður-
staða var að það myndi bara halda
áfram að skemmta sér ffarn í rauð-
an dauðann."
Sirkus er mál málanna
Óttar teiknaði sjálfur myndirnar
sem leika stórt hlutverk í bókinni.
Fyrsta kápa bókarinnar sýndi vegg
Sirkuss sem snýr út á Laugaveg en
Óttar Martin Sirkus er gott hugtak til að
fanga ástandiö.
sú kápa fór fyrir brjóstið á Siggu
sem rekur veitingahúsið Sirkus.
Hún talaði um ólöglega notkun á
lógói staðarins og Óttar breytti því
kápunni fyrir kurteisissakir.
Guðrún Eva Mínervudóttir situr
nú við skriftir á skáldsögu sem
heitir Sirkus og kemur út fyrir jólin.
Útgáfustjóri Máls og menningar
Guðrún Eva Sirkusinn hennar mun„sæta
tíðindum“.
sem gefur bókina út er Páll Vals-
son: „Ég kann engar skýringar á
þessu en það er eins og sirkus sé
mál málanna í dag,“ segir hann.
„Þetta er samt gamall titill hjá
Guðrúnu og hefur fylgt þessu verki
í um tvö ár. Hann er því eldri en
þessi hringekja sem nú er komin af
stað.“ Páll vilí ekki tjá sig mikið um
Sirkus á Klapparstíg Sigga sem rekur staðinn er ekki ánægö með sjónvarps-sirkusinn.
skáldsöguna en segir að hún muni
„sæta tíðindum". Titillinn mun
vitna til allsérstæðs sirkus sem
kemur fyrir í verkinu.
Viðundur gleypa herðatré
Sirkusinn gerir vart við sig á fleiri
stöðum en í bókmenntunum. Það
var hálfgerð sirkusstemming yfir
Eurovision. Keppendur fóm í splitt,
börðu bumbur og létu öllum illum
látum með slípirokka. Það vantaði
bara eldgleypa og ljón. Tveir alvöm
sirkusar verða á landinu í sumar.
Franski sirkusinn Cirque sýnir fjór-
um sinnum í tjaldi á Hafharbakkan-
um í miðbæ Reykjavflcur 2.-6. júní.
Sýningin nefnist „The Story of
Auguste" og boðið verður upp á
sjónhverfingar og loftfimleika. Sýn-
ingin byggir á sögu bandaríska rit-
höfundar Henrys Miller „The smile
at the foot of the ladder", sem segir
frá manni sem vill ekki lengur vera
trúður.
Hinn sirkusinn, Sirkus Jim
Rose, er öllu óhefðbundnari og
hálfgerður pönksirkus. Jim mætir
með fimm „viðundur" og sýnir á
Broadway 29. júlí. Sýningin þykir
sjtikleg og hrottalega fyndin og er
stranglega bönnuð innan 18 ára.
Meðal þess sem Jim og viðundrin
ætla að gera er að gleypa herðatré,
lyfta rafgeymi úr bíl með geirvört-
unum og gleypa borða og taka
hann svo út um lítinn skurð á mag-
anum.
Auglýsingaherferð Sirkuss
Sirkus auglýsir nú með heil-
síðuauglýsingum slagorðið „Þarf
þetta að vera eins og þetta er?“
Hægt væri að álykta að skemmti-
staðurinn Sirkus væri kominn í
bullandi auglýsingaherferð, en það
mun ekki vera, heldur er verið að
kynda undir sjónvarpsstöð og lífs-
stílstímariti á vegum 365 ljósvaka-
miðla með Árna Þór Vigfússon í
fararbroddi. Þennan Sirkus er
verið að móta um þessar mundir
en hann á að byrja í sumar. Eins og
kunnugt er hefur Vala Matt bókað
sig í Sirkusinn, en annars ríkir mik-
il leynd yfir fyrirbærinu.
Sigga á Sirkus ekki ánægð
Sigríður Guðlaugsdóttir - Sigga
á Sirkus - hefur rekið skemmti-
staðinn Sirkus síðan árið 2000, en
þar áður rak hún barinn Nl-bar í
sama húsi á Klapparstígnum. Hún
er ekki ánægð með nafriið sem
sjónvarpsstöðin og tímaritið nota.
„Mér finnst þetta nú bara hallæris-
legt hjá þeirn," segir hún. „Þeir
segja að þetta eigi að vera eitthvað
frumlegt og hugmyndarfkt, en mér
finnst það nú ekki lýsa miklu hug-
myndaflugi að þurfa að stela nafn-
inu frá okkur. Nú er ekki lengur
hægt að panta leigubíl og segja
honum að koma á Sirkus - hvaða
Sirkus? verður maður spurður
núna.“
Sigga er nýkomin frá útlöndum
og það fyrsta sem hún sá í blöðun-
um var fyrirsögnin „Vala Matt
komin í Sirkus". - „Ég vissi nú bara
ekki hvað var í gangi,“ segir Sigga
og hlær. „Vala kom einu sinni
hérna á barinn og fannst allt æðis-
lega skemmtilegt og vildi taka upp
hérna en við stoppuðum það nú
bara af, fannst það ekki passa,
enda erum við með kúnna sem
vilja ekki endilega vera f sviðsljós-
inu.“
Sigga segir í gríni að kannski
ætti hún að opna bar sem heitir
Bónus - „og vera með drykkina
krónu ódýrari". Hún segist ekki
nenna að fara í mál gegn fjölmiðla-
stórveldinu en stingur upp á því að
þeir kalli þetta bara Circus með c-i
í staðinn. „Væri það ekki upplagt?
Er ekki svo mikil útrás alltaf í gangi
hjá þessum mönnum?"
Það er ljóst að sirkusinn verður
allsráðandi í sumar.
glh&dv.is
U2 hafnar 1,6 milljörðum fýrir auglýsingu
Hljómsveitin U2 hafnaði nýlega
jafnvirði 1,6 milljarða króna fyrirað
nota lag þeirra Where The Streets
Have No Name i auglýsingu. Bono,
söngvari U2, sagði:„Við gerðum
þetta næstum því. Ég veit, eftir að
hafa unnið í Afriku, hversu mikið
þessi peningur myndi geta gert.
Þannig að við hugsuðum„við gefum
peningana" en ef maður segist hafa
gefið peninginn hljómar maður eins
og fífl þannig við ákváðum að
segja engum frá þvi og taka
gagnrýninni. En eftónleikar
ganga ekki vel, þá er eitt lag
sem við getum spilað og það
verður eins og Guð hafi gengið
inn i herbergið. Þannig að sú
hugmynd að fólk hugsi„ó,
þetta er lagið úr auglýsing-
unni" gátum við ekki sætt okk-
urvið."
D-12 lær tölvuleik rödd sína
Hljómsveit Eminems, D-12, hefur bæst í hóp
með Method Man, Xzibit og Snoop Dogg um
að Ijá raddir sínar persónum í tölvuleiknum
„Crime Life: Gang Wars". Leikurinn snýst um
mann að nafni Tre og hans leiðir í glæpalífi
stórborgarinnar. Leikurinn hefur verið harð-
lega gagnrýndur fyrir að dásama glæpaiíf en
segja framleiðendur leiksins Konami að hann
geri einmitt hið þveröfuga. D-12 mun einnig
sjá um tónlist í leiknum. Leikurinn er væntan-
legur í haust.