Litli Bergþór - 01.12.2011, Blaðsíða 6

I3yggingarsaga
Ara-fcungu
Erindi flu-tt af Garðari Hannessyni á
afmaslisfa^naði Aratungu 2 2. olctóber 201 1
Góðir samkomugestir!
Eins og við öll vitum var það 9. júlí 1961 að eitt
glæsilegasta félagsheimilið á Suðurlandi var vígt og
afhent Biskupstungnamönnum til afnota og gefið
nafnið Aratunga! Og nú 50 árum síðar er það enn
glæsilegur vitnisburður um hvað höndin má ein og
ein ef allir leggja saman.
Það voru bjartsýnir menn sem réðust í byggingu
þessa húss, þrátt fyrir ströng innflutningshöft þess
tíma, fjárfestingaleyfi þurfti að sækja um fyrir hvern
byggingaráfanga til Innflutningsráðs og lá það ekki á
lausu, Félagsheimilissjóður var fjárvana, enda 33
önnur félagsheimili í byggingu á sama tíma í landinu.
Ég heimsótti Helga Kr. Einarsson á Hjarðarlandi á
haustdögum árið 2001 að leita mér fróðleiks. Helgi
var einn af upphafsmönnum þess að farið var af stað
með undirbúning að byggingu félagsheimilis. Hann
sagði að árið 1954 hafi fyrsta eigendanefndin verið
kosin, hana skipuðu: Skúli Gunnlaugsson, oddviti
Bræðratungu, Karl Jónsson, bóndi Gýgjarhólskoti,
Sigurður Greipsson, Haukadal, Kristrún Sæmunds-
dóttir, Brautarhóli, Einar Geir Þorsteinsson,
Vatnsleysu, Björn Erlendsson, Skálholti og Helgi Kr.
Einarsson.
I apríl 1955 var skipuð þriggja manna fram-
kvæmdanefnd sem í áttu sæti þeir: Einar Þorsteins-
son, Vatnsleysu, Loftur Kristjánsson, Felli og
Þórarinn Þorfinnsson, Spóastöðum, sem var gjaldkeri
nefndarinnar. Að tillögu Þorsteins Einarssonar,
íþróttafulltrúa var leitað til teiknistofu Gísla
Halldórssonar um teikningu að húsinu og verkið
lofar meistarann. Hann teiknaði þetta fallega hús sem
er 500 fermetrar að flatarmáli og 3556 rúmmetrar.
Tækni- og verkfræðilega ráðgjöf annaðist Traust hf. í
Reykjavík. Eitt af fyrstu verkefnum
framkvæmdanefndarinnar var að bregðast við
þröngum fjárhag. A haustdögum 1956 var boðað til
almenns sveitarfundar, þar var samþykkt merk tillaga
sem hljóðaði þannig:
„Hver verkfær karlmaður í sveitinni, 17 til 60 ára,
skal leggja fram 10 dagsverk í félagsheimilis-
bygginguna eða tilsvarandi upphæð í peningum.
Ogiftar konur á sama aldri 5 dagsverk.”
Er þarna ekki þegar komið hið rómaða íbúalýðræði,
sem svo mjög er í umræðunni í dag? Þeir sögðu mér
það báðir, Helgi á Hjarðarlandi og Þórarinn á
Spóastöðum, að þetta hafi skilað sér alveg ótrúlega
vel.
Reisugilli í Aratungu sumarið 1959.
Litli-Bergþór 6