Litli Bergþór - 01.12.2011, Blaðsíða 31
opinberri
heimsókn. Þetta
þótti mikill
viðburður.
Ævintýrið
byrjaði á malar-
vegunum okkar
holóttu með því
að í að minnsta
kosti viku fyrir
heimsóknina var
heflað á hverjum
degi, aldrei,
hvorki fyrr né
síðar, hafa
malarvegir verið
svo sléttir í
Tungum. Svo,
daginn fyrir, kom
flutningabíll úr
Reykjavík með
blóm og blóma-
skreytingafólk til
að skreyta salinn.
Þetta voru nell-
ikur, örugglega innfluttar, með svo sterkum ilm, að
næstu viku eða svo var vart hægt að draga andann
innanhúss. Mig minnir að maturinn hafi komið allur
tilbúinn fyrirfram, frá Hótel Borg, og honum fylgdi
heill her manna, matreiðslumanna og
framreiðslumanna í skrautklæðum. Svo kom
hersingin, ég meina drottningin og forsetinn og
fylgdarlið og snæddi þennan stífa hádegisverð. Við
heimamenn þorðum ekki að láta á okkur kræla,
vorum ekki í réttum setteringum. Þá komu þau sér
vel bíógötin uppi. Þar lágum við einhver á gæjum, og
drottningin beint fyrir miðju, mér sýndist henni hálf
leiðast, hún borðaði næstum ekki neitt, skældi skóna
sína undir borðinu og keðjureykti á milli rétta.
Ekki hefði hún Ásborg okkar verið hrifin af þessari
framkvæmd. Þá var ekki búið að finna upp beint frá
býli eða hollt úr heimabyggð.
Ef þessi drottning, eða einhver annar álíka höfðingi
kæmi til okkar í dag, yrði þetta öðruvísi. Þá kæmi
Sveinn á Espiflöt með blómin hér yfir planið og
skreytti sjálfur, það yrði íslenskt brennivín í gúrku-
staupi frá Gufuhlíð í fordrykk, með því rúgbrauð úr
hvernum með Tungufljótslaxi ofaná. Síðan myndi
Jón kokkur elda: Tómatsúpu frá Friðheimum í for-
rétt, grafið lamb frá Arnarholti í millirétt og nautakjöt
frá Króki í aðalrétt. Síðan yrði eftirrétturinn
rabbabarapæ. Kvenfélagskonur myndu ganga um
beina, klæddar að eigin vali.
Drottningarheimsóknin séð úr bíógötunum.
Hótel Gullfoss
Velkomin á Hótel Gullfoss
Gisting - veitingar
16 tveggja manna herbergi
með baði og sjónvarpi ásamt
70 manna veitingasal með
fallegu útsýni.
Mjög gott aðgengi fyrir fatlaða.
Tveir heitir nuddpottar.
Hótel Gullfoss
v/ Brattholt, 801 Selfoss
S. 486-8979, fax 486-8691
Netfang: info@hotelgullfoss.is
www.hotelgullfoss.is
—
Guðrún Hárlaugsdóttir
31 Litli-Bergþór