Neytendablaðið - 01.06.1998, Blaðsíða 2

<b
Erfðabreytt
matvæli
Erfðabreytt matvæli
eru mjög til um-
ræðu, enda ör þró-
un á þessu sviði.
Það er þó lág-
markskrafa að
neytandinn eigi val.
Gleraugu með
tvískiptu gleri
Það er ekki einfalt
að kaupa sér slík
gleraugu. Neyt-
endablaðið hefur
kannað málið og
rætt við sérfræð-
inga.
Digital-
sjónvörp
Digital-sjónvörþin
koma á markað í
haust. En er
ástæða til að kaupa
strax? Neytenda-
blaðið hefur skoðað
málið.
Gufu-
straujárn
Neytendablaðið hefur gert
markaðskönnun á
gufustraujárnum og Ijóst er að
úr nægu er að moða, en verð-
ið er breytilegt. Neytenda-
blaðið hefur einnig gert
gæðakönnun í samvinnu við
International testing á sumum
af þeim tegundum sem hér
fást.
11-13
Þing Neytendasamtakanna 1998
í blaðinu er sagt frá ávörþum gesta á þinginu og kynntar nokkrar þær
ályktanir sem samþykktar voru á þinginu.
3-5
Rekstur húsfélaga
Rekstur húsfélaga er ekki alltaf einfaldur. í þessari grein er fjallað um
reksturinn og hvernig best er að hátta honum, meðal annars til að gera
hann sem ódýrastan.
20-22
Góð andlitskrem
Neytendablaðið hefur gert gæða-
könnun á fimm tegundum dag- og
næturkrema. Niðurstaðan er að öll
eru þetta góð krem. Verðmunur er
aftur á móti verulegur.
16-17
Neytendasamtökin
eru brjóstvörnin
Nokkuð hefur blásið um Neytendasamtökin að
undanförnu. Því væntu þess margir að þing
Neytendasamtakanna sem haldið var nýlega
mundi einkennast af innbyrðis deilum milli þing-
fulltrúa og forystufólks samtakanna. Sú varð ekki
raunin, allt þingstarf einkenndist af mikilli ein-
drægni. Jafnframt tók við á þinginu ný stjórn þar
sem tryggð er áframhaldandi þátttaka einstak-
linga sem öðlast hafa mikla reynslu á sviði neyt-
endamála og inn koma nýir kraftar með ferskar
hugmyndir, en um rúmlega þriðjungur stjórnar-
manna sitjur þar í fyrsta sinn.
Því ber að fagna að svo mikil samstaða skyldi
ríkja, enda eru verkefnin næg, eins og fram kem-
ur í blaðinu í umfjöllun um þingið. Nefna má
bætta neytendalöggjöf og að tryggt sé að neyt-
endur eigi greiðan aðgang að úrlausnum í deilum
sínum við seljendur, hvort heldur um er að ræða
einkafyrirtæki eða opinber. Einnig er mikið starf
framundan til að hafa áhrif á þróun markaðarins
og tryggja neytendum eðlilegan aðgang að hlut-
lausum upplýsingum.
Þetta eru aðeins örfá dæmi um verkefni sem
bíða Neytendasamtakanna á komandi árum. Það
er afar mikilvægt að vel takist til, enda verður að
hafa í huga að neytendastarf hér á landi er fyrst
og fremst á vegum Neytendasamtakanna. Hér
eru ekki mannmargar neytendastofnanir eins og í
nágrannalöndum okkar, heldur ekki embætti um-
boðsmanns neytenda eins og annarstaðar á
Norðurlöndum og enn síður opinber kvörtunar- og
upplýsingaþjónusta eins og víðast í Vestur-Evr-
ópu. Það er því Ijóst að Neytendasamtökin verða
hér eftir sem hingað til helsta brjóstvörn íslenskra
neytenda.
Á næstu síðu er sagt frá ávarpi Þórðar Frið-
jónssonar ráðuneytisstjóra í viðskiptaráðuneytinu
á þinginu. Þar kemur fram vilji hjá viðskiptaráðu-
neytinu að gera þjónustusamning við Neytenda-
samtökin. Þessu fagna Neytendasamtökin, enda
hafa þau lengi talið eðlilegt að skilgreint sé hvaða
þættir í starfi Neytendasamtakanna séu samfé-
lagsleg þjónusta sem eðlilegt sé að hið opinbera
greiði. Þar er mikilvægast að hið opinbera tryggi
að neytendur eigi greiðan aðgang að hlutlausri
upplýsinga- og kvörtunarþjónustu og aðgang að
úrskurðarnefndum náist ekki niðurstaða milli neyt-
anda og seljanda. Hið opinbera hefur hér skyld-
um að gegna og minna má á að í nágrannalönd-
um okkar er litið á þetta sem samfélagslega þjón-
ustu. Neytendasamtökin hafa veitt almenningi
þessa þjónustu og lýsa sig reiðubúin til að halda
því áfram, enda hafa samtökin öðlast mikla
reynslu á þessu sviði. Það er hins vegar ekki
sanngjarnt að þessi samfélagslega þjónusta sé
að mestum hluta greidd með félagsgjöldum fé-
lagsmanna í Neytendasamtökunum.
Jóhannes Gunnarsson
Tímarit Neytendasamtakanna, Skúlagötu 26, 101 Reykjavík, s. 562 5000. Netfang:
neytenda@itn.is og heimasíða á Internetinu: http://www.itn.is/neytenda Ritstjóri og ábyrgðar-
maður: Jóhannes Gunnarsson. Myndir: Einar Ólason. Prófarkalesari: Hildur Finnsdóttir. Um-
brot: Blaðasmiðjan. Prentun: (safoldarprentsmiðja hf. Pökkun: Bjarkarás. Upplag: 19.000. Blað-
ið er sent öllum félagsmönnum í Neytendasamtökunum. Ársáskrift kostar 2.400 krónur og gerist
viðkomandi þá um leið félagsmaður í Neytendasamtökunum. Heimilt er að nota efni úr Neytenda-
blaðinu í öðrum fjölmiölum, sé heimildar getið. Upplýsingar úr Neytendablaðinu er óheimilt að
nota í auglýsingum og við sölu, nema skriflegt leyfi ritstjóra liggi fyrir. Neytendablaðið er prentað á
umhverfisvænan pappír.
2
NEYTENDABLAÐIÐ - júní 1998