Skátatíðindi - 01.06.1988, Blaðsíða 12

SKATAHEITIÐ
Inntak skátaheitisins er það sama hjá öllum skátum hvar sem þeir starfa í heiminum.
Enginn verður skáti fyrr en hann hefur unnið skátaheitið. Með skátaheitinu gengst
skátinn undir reglur hreyfingarinnar og lofar að starfa eftir þeim.
ÉG LOFA AÐ GERA ÞAD SEMÍMÍNU VALDISTENDUR TIL ÞESS:
• AD GERA SKYLDU MÍNA VID GUD OGÆTTJÖRÐINA,
• HJÁLPA ÖÐRUM
• OGHALDA SKÁTALÖGIN
Skyldan við guð hefur valdið mörgum skátum heilabrot-
um. Skátahreyfingin er byggð á trúarlegum grundvelli, en
gerir ekki upp á milli trúarbragða. Skyldan við guð er mjög
einstaklingsbundin og fer eftir skilningi okkar á honum.
Það er misjafnt hvemig börn hugsa mn guð og margir eru
efagjarnir og leitandi. Við verðum að læra að virða trúar-
skoðanir annarra.
Skyldan við ættjörðina á að minna okkur á skyldu okkar í
þjóðfélaginu. Hún er fólgin í því að gera hvað við getum,
landinu til gagns og að umgangast náttúruna og umhverf-
ið af fyllstu virðingu. Hér bíða mörg verkefni úrlausnar,
sem eru verkefni uppvaxandi kynslóðar.
Að hjálpa öðrum er inntakið í 6. grein skátalaganna og er
einnig að finna í skátaheitinu til að undirstrika mikilvægi
hjálpsemmnar í daglega lífinu.
Að halda skátalögin. Skátalögin boða okkur lífsviðhorf
hreyfingarinnar. Það er til lítils að hafa lög sem enginn
hirðir um eða skilur. Þess vegna er aukinn skilningur á
skátalögunum besta leiðin til þess að stuðla að betra skáta-
starfi.
Skátaheitið notum við til að minna okkur á markmið hreyfingarinnar. Við vígslu
nýliða og inntöku þeirra í sveitina er rétt að þeir fari með skátaheitið. Það undirstrikar
mikilvægi þess og gefur athöfninni meira gildi. Skátaflokkar ættu að gefa skátaheitinu
góðan tíma og ræða merkingu þess og gildi.