Fréttatíminn - 22.06.2012, Blaðsíða 18

Byggðu þig upp og stefndu hátt!
Taktu Build-up súpur með í fjallgönguna í sumar
Build-up súpurnar eru fljótlegar, ljúffengar og næringarríkar.
Þær innihalda prótein og trefjar og eru ríkar af vítamínum og steinefnum.
E
nglendingar eru vanalega
búnir að vinna stórmót í
fótbolta í huganum áður
en þau hefjast. Fyrir vikið
eru vonbrigðin ávallt mikil
þegar lið þeirra veldur vonbrigðum og
er slegið snemma úr keppni. Eða, sú
var tíðin. Aldrei þessu vant voru litlar
væntingar bundnar við liðið fyrir EM
sem nú stendur yfir í Póllandi og Úk-
raínu. Og þá, öllum að óvörum, mættu
enskir vel stemmdir til leiks og þykja
nú til alls líklegir á mótinu. „Við skul-
um átta okkur á því að England gæti
verið að fara að vinna þetta mót,“ sagði
Arnar Gunnlaugsson í EM-stofu Ríkis-
sjónvarpsins í tengslum við leik liðsins
gegn Úkraínu.
England bar sigur úr býtum í D riðli
EM. Englendingar sigruðu Úkraínu-
menn og Svía og gerðu jafntefli við
Frakka. Besti maður liðsins hefur án
vafa verið fyrirliðinn Steven Gerrard.
Miðjumaðurinn góðkunni hefur drif-
ið sína menn áfram með kraftinum
sem margir kannast við úr leikjum
hans með Liverpool. Þar að auki hefur
Gerrard lagt upp þrjú af fimm mörkum
liðsins til þessa. Fyrsta stoðsendingin
skilaði stigi gegn Frökkum, næst hitti
sending hans á koll tröllsins Andy
Carroll í leiknum gegn Svíum og sú
þriðja tryggði að Wayne Rooney komst
á bragðið í sínum fyrsta leik í mótinu.
Lukkan með í liði
„Við ætluðum að vinna riðilinn. Enginn
hafði trú á okkur í byrjun. Við erum
að komast í gang á réttum tíma,“ sagði
Gerrard í viðtali eftir leikinn við Úkra-
ínumenn. Athygli vakti að heppnin
var með liðinu þegar Úkraínumenn
komu boltanum inn fyrir marklínu en
dómarinn dæmdi ekki mark. „Maður
kemst ekki langt í svona keppni án
smá heppni. Við skulum vona að lukk-
an verði áfram með okkur í liði,“ segir
Gerrard.
Breskir blaðamenn halda vart vatni
yfir frammistöðu fyrirliðans. „Gerr-
ard hefur verið frábær hér í sumar,“
skrifar Martin Samuel hjá Daily Mail
sem telur að Gerrard hafi of oft valdið
vonbrigðum með landsliðinu. Ástæðan
hafi kannski verið of miklar væntingar.
„Roy Hodgson á heiður skilinn fyrir
að umbreyta honum. Hann er orðinn
fyrirliði og honum er treyst til að spila
á miðri miðjunni, vítateiga á milli án
þess að gleyma varnarskyldunum. Þar
nýtur hann sín.“
Naut loks trausts
Það er vel þekkt að Steven Gerrard
hefur ekki alltaf fengið að spila sína
eftirlætis stöðu með enska landsliðinu.
Hann og Frank Lampard þóttu ekki
geta leikið saman á miðjunni, til þess
þykja þeir of sókndjarfir báðir tveir.
Gerrard hefur
oft verið látinn
spila úti á kanti
eða með afar
varnarsinnaða
miðjumenn fyrir
aftan sig. Nú þeg-
ar honum er sýnt
traust á miðri miðj-
unni blómstrar hann.
Gerrard var sem
kunnugt er skipaður
fyrirliði Englands þeg-
ar Roy Hodgson tók við
liðinu á dögunum. Undir
stjórn Capello fékk hann
aðeins að bera bandið þegar
John Terry og Rio Ferdinand
forfölluðust en nú er hann
óumdeilanlega aðalmaður-
inn. Og það hlutverk þekkir
hann vel eftir að hafa borið lið
Liverpool á herðunum síðasta
áratuginn.
Hversu langt fer enska liðið?
Stóra spurningin er hversu langt
Englendingar geta komist á EM
undir stjórn hins nýja þjálfara? Á
sunnudagskvöldið mæta þeir Ítöl-
um í átta liða úrslitum. Hvorugt
liðið hefur leikið leiftrandi knatt-
spyrnu eða skemmt áhorfendum
að ráði til þessa með tilþrifum.
Ólíklegt verður að teljast að það
breytist í þeim leik enda er mikið í
húfi. Sigurvegarinn mætir að lík-
indum Þjóðverjum í undanúrslit-
um – það er ef þeim þýsku tekst að
leggja gríska liðið.
Það hefur unnið með Englend-
ingum til þessa að enginn bjóst við
neinu af þeim. Meira að segja Hodg-
son viðurkenndi að það hefði að ein-
hverju leyti komið honum á óvart að
liðið komst upp úr riðlinum.
Velgengni liðsins veltur nokkuð
á því hvernig stjörnur þess standa
sig. Heldur Terry vörninni áfram jafn
þéttri og til þessa? Heldur Rooney
áfram að skora? Og mun hinn endur-
fæddi leikmaður sem ber númer 4
á bakinu halda áfram að blómstra?
Höskuldur Daði Magnússon
hdm@frettatiminn.is
Það hefur unnið
með Englend-
ingum til þessa að
enginn bjóst við
neinu af þeim.
Loksins kom
að Gerrard
Englendingar mæta Ítölum í síðasta leik fjórðungsúrslitanna á EM á sunnudag.
Englendingar hafa komið flestum á óvart með árangri sínum til þessa og maðurinn
á bakvið velgengnina er Steven Gerrard. Fyrirliðinn hefur lagt upp þrjú af fimm
mörkum liðsins og virðist loks ætla að sýna sitt allra besta með landsliðinu.
Fyrirliðinn slakar á í lauginni.
Steven Gerrard
hefur verið
maður leiksins í
öllum viðureignum
Englendinga á EM
til þessa að mati
þjálfarans, Roy
Hodgsons. Mynd/
Nordicphotos/Getty
Um Gerrard
Aldur: 32 ára
Hjúskaparstaða: Kvæntur tískublaðamanninum
Alex Curran og saman eiga þau þrjár dætur.
Leikir/mörk: 581/149
Landsleikir/mörk: 95/19
18 fótbolti Helgin 22.-24. júní 2012