Prentarinn - 01.03.2004, Blaðsíða 6
Nýtt orlofshús í Mifldal í sumar
Félagsfundur FBM haldinn miðvikudaginn 17. mars s.l. samþykkti
samhljóða að kaupa nýtt orlofshús í Miðdal. Nefnd sem trúnaðarráð
skipaði á haustmánuðum árið 2002 Iagði fram tillögu um að ganga til
samninga við Húsasmíði Laugarvatns um kaup á 74 m2 húsi sem reist
verður á lóð A - götu nr. 6 í neðra hverfi. Húsið er staðsett nálægt
tjaldsvæðinu og hefur útsýni yfir það og leiksvæðið sem byggt hefur
verið upp á siðastliðnum árum. Skipulag svæðisins hefur áður verið
kynnt í Prentaranum 1. tbl. 2003 sem sýnir áætlaða uppbyggingu
félagsins á næstu árum.
Húsið er búið öllum þægindum se'm og góðri aðstöðu í hvívetna.
M.a. verður heitur pottur við húsið, góð verönd með skyggni þannig að
gott sé að njóta útivistar þrátt fyrir stöku rigningu. Einnig er reiknað
með að aðstaða til útigrillunar sé með besta móti. Það er von og trú
nefndarinnar að þessi fjárfesting verði bæði til ánægju og yndisauka
fyrir félagsmenn og jafnframt komi hún til móts við auknar kröfur um
hús til útleigu að vetrarlagi, en ljóst er af reynslu síðustu ára varðandi
leigu á húsi nr.l í Miðdal að félagsmenn vilja í auknum mæli hafa
stóra og notalega aðstöðu ásamt heitum potti til að njóta vetrardvalar.
prentarinn
Vepðlaunasamkeppni
um lopsíðu
Ekki er ráð nema í tíma sé tekið. Ritnefnd PRENTARANS
hefur ákveðið að efna til samkeppni meðal félagsmanna um
hönnun á forsíðu blaðsins í september n.k. Síður sem valdar
verða til birtingar á forsíðu blaðsins fá verðlaun að upphæð kr.
25.000.
Hugmyndum skal skilað inn í tölvutæku formi ásamt
litaútkeyrslu í A4 300 dpi. Engin skilyrði eru fyrir útliti önnur
en að merki PRENTARANS komi fram. Merki
PRENTARANS, er hægt að nálgast á heimasíðu www.fbm.is
Gögnin skal setja í umslag merkt dulnefni og annað umslag
fylgja með, og í því nafn hönnuðar. Gögnum skal skilað á
skrifstofu FBM, Hverfisgötu 21, 101 Reykjavík, merkt
FORSÍÐA PRENTARANS, eigi síðar en föstudaginn 17.
september 2004.
Allir félagsmenn FBM og FGT deildar eru fullgildir þátttak-
endur og hvattir til að taka þátt.
Til sölu í Miðdal
er fallegt heilsárshús á frábærum stað við T-götu 10 í miðhverfi.
Húsið er byggt 1992 og tekið í notkun 1994, Það stendur neðan við
neðstu götuna í hverfinu og er því á afar góðum stað. Húsið er
u.þ.b. 47 fm. auk svefnlofts.
Húsið er með rafmagni og stórum hitakúti. Aðkoman að húsinu er
sérlega falleg, timburgöngubraut frá bílastæði og upp á pallinn sem
er umhverfis húsið allt. Á pallinum er geymsluskúr. Gengið er inn í
forstofu með fatahengi, 3 svefnherbergi eru í húsinu auk stofu,
eldhúss með furuinnréttingu og límtrésborðplötum, svefnlofts og
baðherbergis með sturtu. Tvö herbergjanna eru með hjónarúmum
en það þriðja er með kojum.
Húsinu fylgir allt innbú, sérsmíðaðar álrimlagardínur eru fyrir öllum
gluggum. Panill er á öllum veggjum en endanlegt gólfefni og ýmis
smáfrágangur er eftir sem og girðing í kringum pallinn.
Upplýsingar gefa Svavar s. 895 2811 og Ingvi s. 895 1133.
6 ■ PRENTARINN