Fréttatíminn - 04.10.2013, Blaðsíða 25
„Hraðinn á færibandinu er orð-
inn svo mikill að læknakandíd-
atar upplifa að þeir eru ekki að fá
neina kennslu eða þjálfun,“ segir
Karl. Hann bendir á að spítalinn
hafi þríþætt hlutverk. Í fyrsta
lagi að sinna sjúkum og í öðru
lagi sé hann kennslustofnun. Í
þriðja lagi ein öflugasta vísinda-
stofnun landsins. „Það er enginn
tími til að kenna læknanemum
ef allir eru hér á hlaupum og
álagið er eins og það er. Það sem
er mest aðkallandi hverju sinni
er alltaf sett í forgang og það
er alltaf að sinna veika fólkinu.
Kennslan kemur þar á eftir og
vísindaþátturinn. En um leið og
við gerum þetta erum við búin
að gengisfella spítalann. Þá er
hann ekki lengur háskólasjúkra-
hús heldur bara, með fullri virð-
ingu, eins og hvert annað lands-
hlutasjúkrahús, þar sem minni
áhersla er lögð á framþróun og
vísindi. Það grefur undan Land-
spítalanum,“ segir hann.
Orðsporið skiptir máli
Ómar Sigurvin Gunnarsson, for-
maður Félags almennra lækna,
tekur undir þetta. „Þetta er
það sem hefur verið að gerast
undanfarin ár, en ástandið er
sínu verst á lyflækningasviði.
Þar var hart gengið fram við að
fækka stöðum í kjölfar hrunsins
og það hafði þau neikvæðu áhrif
að æ færri sóttust eftir að fara í
sérnám í lyflækningum því fólk
upplifði að það væri ekki að fá
sérmenntun heldur væri í raun
að slökkva elda allan daginn.
Það væri bara vinnukraftur en
ekki að fá frekari framhalds-
menntun,“ segir Ómar. Hann
segir álagið gífurlegt á öllu
starfsfólki spítalans en kandíd-
atar finni einna mest fyrir því.
„Þeim er hent út í djúpu laugina
án leiðbeininga því allir eru svo
uppteknir. Við höfum gagn-
rýnt spítalann fyrir að læknar
fái enga aðlögun líkt og annað
starfsfólk spítalans þegar þeir
byrja í starfi. Það hefur áhrif
á starfsöryggi og bein áhrif á
starfsgetu einstaklings, ef fólk
þarf sjálft að mennta sig í öllu
sem getur komið upp. Það segir
sig sjálft að fólk upplifir ekki
öryggi og traust í starfi,“ segir
hann
Ómar segir að laga þurfi
ótalmarga þætti á spítalanum.
„Ákveðin vinna er farin í gang
eftir að botninum var náð í sum-
ar. Ég held að það hljóti að vera
ljóst að það þurfi að búa svo um
hnútana að fólk hafi áhuga á að
vinna á öllum deildum spítalans,”
segir hann og bætir við að orð-
sporið af deildunum hafi áhrif á
val lækna á sérfræðigrein. „Að-
stæður á lyflækningasviði eru
óboðlegar og fara því læknar sem
vilja sérmennta sig í lyflækning-
um annað hvort út í sérnám eða
velja aðra sérgrein,“ segir Ómar.
Þess má geta að nýlegar
aðgerðir til að bæta ástandið á
lyflækningasviði hafa skilað því
að fjórir læknar sóttu nýverið um
stöðu almennra lækna á sviðinu.
Hefur lengi sigið á ógæfu-
hliðina
Þorbjörn Jónsson, formaður
Læknafélag Íslands, hefur miklar
áhyggjur af ástandinu á Land-
spítalanum og heilbrigðiskerf-
inu öllu. „Það var stigið ágætt
byrjunarskref nú í haust þegar
brugðist var við neyðarástandinu
á lyflækningasviði en það þarf
meira til. Það hefur sigið á ógæfu-
hliðina í langan tíma og það leið-
réttist ekki umsvifalaust,“ segir
Þorbjörn.
„Ég þykist skynja það á því sem
nýr forstjóri segir, að hann átti
sig á því að það sé nauðsynlegt að
beita sér í því að bæta starfsand-
ann og að hann muni gera það,“
segir Þorbjörn
Hann hefur áhyggjur af því að
læknar og hjúkrunarfræðingar
séu að minnka við sig starfshlut-
fall. „Það er einungis vegna þess
að fólk er farið að starfa í auknum
mæli erlendis. Það má ekki halda
áfram. Ég batt vonir við að nýtt
fjárlagafrumvarp væri byrjunin
á því að snúa þessari þróun við
– en það virðist ekki vera. Ég
veit ekki hvað hægt er að gera
til að bæta ástandið ef það er
rétt sem forstjórinn segir, að við
séum að horfa á 2,5-3 prósenta
niðurskurð. Þá erum við í mikilli
klemmu,” segir Þorbjörn.
Hann segist hafa átt von á inn-
spýtingu í heilbrigðiskerfið líkt
og aðrir læknar. „Yfirlýsingar
stjórnarflokkanna í aðdraganda
kosninga og jafnvel nú í sumar
gáfu tilefni til þess að vonast eftir
viðsnúningi og að heilbrigðismál-
in fengju aukið vægi í ríkisrekstr-
inum á kostnað einhvers annars.
Þeirri forgangsröðun stýrir eng-
inn nema stjórnmálamennirnir
sjálfir, en hún er nauðsynleg ef
við ætlum að halda uppi svipuðu
heilbrigðiskerfi og er í Skandi-
navíu,“ segir Þorbjörn.
„Stofnun eins og Landspítalinn
er drifin áfram af fjármagni. Þótt
á henni vinni gott fólk verður það
að hafa úr að moða full meðöl
– og það felst fyrst og fremst í
meira fjármagni,” segir Þorbjörn.
Kristján Þór júlíusson heilbrigðisráðherra
Heilbrigðiskerfi í vanda
Kristján Þór Júlíusson
heilbrigðisráðherra
segir vanda Landspítalans
gríðarlegan að vöxtum og
mikið verkefni sé þar að
vinna. „Vandinn er ekki
einskorðaður við Landspít-
alann, nýlega sögðu fjórir
læknar upp á sjúkrahús-
inu í Vestmannaeyjum og
læknar voru að segja upp á
Ísafirði. Aðrar heilbrigðis-
stofnanir en Landspítalinn
eiga einnig í verulegum vanda,“ segir
hann.
„Ég vil leggja áherslu á að stór hluti
af þeirri þjónustu sem verið er að
inna af hendi á Landspítalanum sem
annars staðar í heilbrigðiskerfinu,
er í góðu lagi. Við eigum afbragðs
heilbrigðisstarfsfólk sem er hæft í
þeim verkefnum sem heilbrigðisþjón-
ustan kallar á og hefur sinnt þessum
störfum undir miklu álagi eins og
allir aðrir í íslensku þjóðfélagi. Við
megum ekki gleyma því góða sem við
eigum. Við sjáum það í viðhorfskönn-
unum sjúklinga á Landspítalanum að
það er gríðarlega mikil ánægja með
þá þjónustu sem þar er veitt,“ bendir
Kristján á. Mórallinn og starfsandinn
sé hins vegar ekki eins góður og best
væri kosið. „Það er eitthvað sem við
þurfum að vinna að breytingum á,“
segir hann. „Óánægjan snýst ekki að-
eins um laun heldur nær hún einnig til
vinnuskipulags, tækjakosts, starfsað-
stöðu og fleiri þátta,“ segir hann.
Fyrsti fasi spítalans í undir-
búningi
Hann segir umræðuna um fjárlaga-
frumvarpið á villigötum. „Það er ekki
óbreytt ástand ef mörg-
hundruð milljónum er var-
ið í að létta undir með lyf-
lækningasviði með opnun
hjúkrunarheimilis að Vífil-
stöðum. Við verjum jafn-
framt 1,5 milljörðum til að
byggja undir launagrunn
heilbrigðisstarfsfólks og
hefjum undirbúning fyrsta
áfanga nýs spítala með því
að veita fjárveitingar til
fullnaðarhönnunar sjúkra-
hótels á lóð spítalans,“ segir hann.
„Sumar deildir á Landspítalanum
eru að blómstra – þetta er ekki allt
niður á við. Ég legg hins vegar áherslu
á að við eigum líka að horfa til hins
góða. Vissulega má segja að verkefnið
er ærið. Þetta er hins vegar staða sem
hefur verið að byggjast upp á mörgum
árum. Starfsfólk Landspítalans og
annars staðar í heilbrigðiskerfinu er
langþreytt yfir því að við sjáum ekki
enn fyllilega til lands út úr þeirri
kreppu sem skall hér á. Hið sama
gildir einnig um aðrar starfsstéttir,“
segir Kristján.
Tækjakaupaáætlun til 2017
Heilbrigðisráðherra tilkynnti á dögun-
um um gerð svokallaðar tækjakaupa-
áætlunar til ársins 2017 sem næði yfir
tækjakaup fyrir Landspítalann og
sjúkrahúsið á Akureyri. „Ég vonast til
að hún liggi fyrir áður en lokaumræða
fjárlaga fer fram og að hún verði fest í
þinginu,“ segir Kristján en getur ekki
sagt fyrir um hversu miklum fjár-
munum hann vonast til að hægt verði
að verja til tækjakaupa til viðbótar
þeim fjármunum sem þegar er gert
ráð fyrir.
Kristján Þór Júlíusson
Framhald á næstu opnu
VÍB styður
Víking Heiðar Ólafsson
til góðra verka.
Ávöxtun í fortíð er ekki ávísun á ávöxtun í framtíð.
Hafa ber í huga að eign í fjárfestingarsjóði getur bæði hækkað og lækkað, allt eftir þróun á markaðsverði hennar.
Íslandssjóðir hf. er rekstrarfélag sjóðsins. Útboðslýsingu og nánari upplýsingar er hægt að nálgast á heimasíðu Íslandssjóða,
www.islandssjodir.is. Fjárfestar eru hvattir til að kynna sér útboðslýsingu sjóðsins og þá sérstaklega umfjöllun um áhættuþætti.
VÍB er eignastýringarþjónusta Íslandsbanka | Kirkjusandi | 155 Reykjavík | Sími 440 4900 | vib@vib.is | www.vib.is | Finndu okkur á Facebook
FRAMÚRSKARANDI ÞJÓNUSTA, FRÆÐSLA OG FJÁRFESTINGARAÐFERÐIR SKILA ÁRANGRI
Fáðu nánari upplýsingar á www.vib.is eða pantaðu viðtal við ráðgjafa í síma 440 4900.
FAGMENNSKA
SKILAR ÁRANGRI
Í nýlegu vali breska fjármálaritsins World Finance þótti VÍB - eignastýringarþjónusta Íslandsbanka
standa fremst íslenskra eignastýringaraðila. Við valið er horft til margra þátta og þá helst árangurs
síðasta árs, fjárfestingaraðferða, þjónustu og fræðslu.
Besta eignastýringin
Frábær ávöxtun
40,2%
1 ár
25,6%
2 ár
24,7%
-19,2%
4 ár 5 ár
24,7%
3 ár
Hlutabréfasjóðurinn hefur skilað frábærri ávöxtun síðastliðin ár og er góð leið
til þess að taka þátt í uppbyggingu íslenska hlutabréfamarkaðarins.
* Skv. www.sjodir.is
Ávöxtunartölur miðast við nafnávöxtun og er ávöxtun umfram 12 mánuði umreiknuð í ávöxtun á
ársgrundvelli. Sjóðurinn er fjárfestingarsjóður skv. lögum nr. 128/2011 um verðbréfasjóði, fjárfestingarsjóði og fagfjárfestasjóði.
Öflugt fræðslustarf
Fylgstu með fræðslustarfi okkar á www.vib.is
Frá byrjun árs 2011 hefur VÍB staðið fyrir
hafa sótt eða fylgst með á vef okkar
SEM YFIR
20.000
manns
150
fræðslufundum
Niðurstaða netkönnunar Capacent Gallup í maí 2013 var sú að Íslendingar myndu
leita fyrst til VÍB - eignastýringarþjónustu Íslandsbanka þyrftu þeir á eignastýringar-
þjónustu að halda. 30,9% þeirra sem tóku afstöðu nefndu okkur sem fyrsta val.
Við erum fyrsta val
31%
VÍB/Íslandsbanki
26%
22%
fréttaskýring 25 Helgin 4.-6. október 2013