Kjarninn - 07.11.2013, Blaðsíða 71
01/01 kjarninn tíska
A
llir haustsins litir, form og fegurð fylla vitin.
Það andar köldum vetri en mildum og það ber
að klæða sig eftir veðri. Haust- og vetrartískan
fyrir dömur ber keim af þessu. Vindur og væta
í hári. Krullað, skipt til hliðar eða í miðju.
Sleikt aftur, slétt, úfið, lágt eða hátt tagl. Fléttur, fjölbreytni
og pönk. Frjálslegt hár og þykkar augabrúnir, mött húð
og stundum föl. Máð gleði gærkvöldsins undir augum og
nývöknuð náttúruleg fegurð. Roði í kinnum þeirra sem kæra
sig um. Er kvöldar vottar fyrir fjólubláum eða rauðum gljáa
í augnumgjörð, svartri áherslu eða ýktum augnlínum í anda
sjöunda áratugarins. Varirnar eru oftar en ekki
litlausar en tómatrauður kyssir einstaka varir
og þekur neglur. Almennt mildur augnsvipur,
bros og þokki birtir upp skammdegið.
Í myndbandi sem fylgir auglýsingaherferð
Rag & Bone, haust/vetur 2013, kemst hin
hversdags lega fegurð einstaklega vel til skila.
Það er franska leikkonan Léa Seydoux (La vie
d’Adele) sem prýðir það með látlausri og ein-
lægri fegurð ásamt einstökum sjarma.
Mikilvægt er að líða vel í því sem maður
klæðist. Það er því tilvalið að sækja sér inn-
blástur í það sem sést á tískusýningum, í
auglýsingaherferðum og kvikmyndum og það
sem ber fyrir augu í nánasta umhverfi hverju
sinni. Laga það svo að eigin stíl og smekk svo
vellíðun fylgi. Útrás fyrir sköpunargleði og út-
sjónarsemi skilar sér í áhugaverðum samsetn-
ingum og útliti. Fjölbreytni gerir allt svo miklu
líflegra og skemmtilegra.
Það andar köldum
vetri en mildum
tíska
Kristín Pétursdóttir
Deildu með
umheiminum
smelltu til að
skoða kynningar-
myndband Rag &
Bone