Dagblaðið Vísir - DV - 22.08.2007, Blaðsíða 27
„Þetta gerðist um hálf tólfleytið á sunnudags-
kvöldið,“ segir Andri Freyr Viðarsson, útvarps-
maður á Reykjavík FM 101,5, sem er búsettur í
Kaupmannahöfn. Andri sat í garðinum fyrir utan
krána Nemoland í Kristjaníu ásamt vini sínum
Jóni Atla Helgasyni, öðrum meðlimi sveitarinnar
Hairdoctor, þegar mikil ólæti brutust út.
Skothvellir og handsprengja sprakk
„Við sátum þarna í garðinum og vorum að tala
um það hversu ljúft það væri að slaka á í góðviðr-
inu og sötra einn kaldan,“ segir Andri um mín-
úturnar á undan ósköpunum. „Svo heyrðum við
allt í einu fjóra hvelli sem ég held eftir á að hyggja
að hafi verið skothvellir,“ og segir Andri að þeir
félagar hafi þá orðið nokkuð órólegir. „Við litum
þá á lókalinn sem virtist kippa sér lítið upp við
hvellina.“ Andri lýsir andartökunum á eftir sem
einhverjum þeim hræðilegustu á ævi sinni.
„Allt í einu komu svo tveir gaurar hlaupandi
inn í garðinn og öskruðu á alla að forða sér,“ seg-
ir Andri og í kjölfarið hafi kraftmikil og hávær
sprenging átt sér stað. „Allt í einu kemur þessi
megasprenging. Hún var svo öflug að það ví-
braði öll jörðin. Það suðar meira að segja enn-
þá í hægra eyranu á mér eftir þetta helvíti.“ Andri
komst seinna meir að því í fjölmiðlum að um
handsprengju hefði verið að ræða.
Veifaði byssu
Andri og Atli hlupu í kjölfarið ásamt öðrum
gestum staðarins Nemoland inn á staðinn sjálf-
an. „Við vorum þarna eins og sardínur í sardínu-
dós, staðurinn var svo troðinn.“ Andri segir að
mennirnir tveir sem komu hlaupandi inn í garð-
inn rétt á undan sprengingunni hafi þá byrjað að
rífast heiftarlega.
„Í kjölfarið kom svo einhver annar gaur inn
sem var alveg illa tsjillaður og vissi greinilega
ekkert hvað var í gangi. Hann fór að tala um að
þetta hefðu bara verið einhverjir krakkar að
sprengja kínverja og þá róaðist maður aðeins,“ en
Andri tekur þó fram að þá hafi hasarinn verið rétt
að byrja.
„Allt í einu kom svo vel skuggalegur gaur
hlaupandi inn á staðinn og hljóp mig næstum því
niður í leiðinni. Hann öskraði á alla að leggjast
niður.“ Samkvæmt dönskum fjölmiðlum var sá
maður vopnaður skammbyssu og hélt henni á
lofti. „Ég sá ekki byssuna sjálfur en ég heyrði eft-
ir á að hann hefði verið með hana. Ég heyrði líka
í fjölmiðlum að hann hefði verið að flýja undan
öðrum manni sem elti hann með haglabyssu.“
Týndir í skóginum
„Eftir að þetta gerðist hlupum við út og það er
óhætt að segja að ég hafi aldrei verið jafn hræddur
á ævinni. Þetta var virkilega hræðileg lífsreynsla,“
segir Andri en Jón Atli sagði einnig í samtali við
blaðamann að á þessum tímapunkti hefði hann
ekki verið viss hvort hann fengi byssuskot í bakið
eða ekki.
„Við komumst út í skóginn og vorum komn-
ir niður að vatninu sem er þarna á bakvið,“ en
að sögn Andra var þó nokkuð af fólki þar á ferð.
„Maður vissi ekkert hverjum maður gat treyst eða
neitt hvað var í gangi. Það var ekki fyrr en að það
kom danskt par og hjálpaði okkur að komast út að
maður fór aðeins að róast.“ Andri segir að danska
parið hafi þá haft orð á því að þetta væri í þriðja
skiptið sem skotárás ætti sér stað í Kristjaníu.
„Við komumst svo upp í leigubíl og drifum
okkur heim,“ segir Andri um þessa hræðilegu
lífsreynslu. Fjölmiðlar í Danmörku lýsa nú eftir
þremur mönnum og telur Andri að tveir þeirra
séu mennirnir sem komu hlaupandi inn í garðinn
á Nemoland rétt fyrir sprenginguna. Þá er einnig
lýst eftir silfraðri Audi-bifreið sem sást þeysa um
hverfið eftir árásina.
asgeir@dv.is
Marley og ég
Owen Wilson og Jennifer Aniston
munu leiða saman hesta sína í
kvikmynd sem gerð verður eftir
metsölubókinni Marley & Me eftir
John Grogan. Marley er gulur
labrador-hundur sem Grogan og
eiginkona hans fengu sér en ætlunin
var að hundurinn gæfi þeim
smjörþefinn af því hvernig það væri
að vera foreldri. Hundurinn reynist
hins vegar ofvirkur og reynist þeim
erfiðari en þau gátu ímyndað sér í
fyrstu. Grogan skrifaði svo bókina
Marley & Me um reynslu þeirra hjóna
af hundinum sem gegndi stóru
hlutverki í fjölskyldulífinu. Tökur munu
hefjast á næsta ári.
Hljómsveitin Stereo Hypnosis heldur útgáfutónleika á laugardaginn:
Útgáfutónleikar í Flatey
„Þetta gerðist í raun bara fyrir slysni,“ segir Pan
Thorarensen um tilkomu þess að hljómsveit hans
Stereo Hypnosis heldur útgáfutónleika í Flatey á
Breiðafirði. Pan og faðir hans Óskar Thoraren-
sen sem skipa sveitina voru að ferðast um eyjuna
þegar ákvörðunin var tekin. „Við heilluðumst svo
af eyjunni að við ákváðum að gera hana í raun að
þema plötunnar,“ segir Pan um plötuna sem heit-
ir Parallel Island.
„Það er mikið á plötunni sem tengist eyjunni.
Svo sem allar teikningar á plötuumslaginu og ýmis
umhverfishljóð og náttúruhljóð sem við notum á
plötunni,“ segir Pan um plötuna en tónleikarnir
sjálfir verða haldnir á Hótel Flatey. „Meðal upp-
hitunaratriða eru For Tunes sem er sveit skipuð
þeim Rósu úr hljómsveitinni Sometime og Tönju
Pollock. Þá mun Jóhann Eiríksson, eða Product
8, einnig koma fram. Og síðast en ekki síst mun
Snorri Ásmundsson, fyrrverandi forsetafram-
bjóðandi og listamaður, vera með gjörning.“
Pan segir að áhugasamir þurfi að koma sér til
Stykkishólms þar sem hægt sé að kaupa miða á
tónleikana hjá Sæferðum. „Fólk tekur svo ferjuna
Baldur þaðan og er það um eins og hálfs tíma sigl-
ing. Þetta verður heilmikið ævintýri,“ segir Pan að
lokum og minnir á að platan Parallel Island komi
í verslanir í vikunni.
asgeir@dv.is
Útvarpsmaðurinn Andri Freyr Viðarsson og Jón Atli Helgason söngvari Hairdoctor
urðu vitni að því þegar handsprengja sprakk og skotum var hleypt af í Kristjaníu í
Kaupmannahöfn á sunnudaginn.
MiðvikudAGur 22. áGúsT 2007DV Bíó 27
Stereo Hypnosis Feðgarnir kunna vel við sig í Flatey.
Slasaðir
aukaleikarar
Ellefu aukaleikarar úr nýjustu Tom
Cruise-kvikmyndinni valkyrie
slösuðust illa á tökustað í Þýskalandi,
síðastliðin sunndag. Mennirnir
slösuðust þegar þeir féllu úr opnum
vörubíl við tökur í Berlín. Tökur voru
um leið stöðvaðar og hlúð var að
mönnunum. vörubíllinn var undir eins
sendur í skoðun til að kanna hvað fór
úrskeiðis. sjálfur Tom Cruise var ekki
viðstaddur þegar slysið átti sér stað
þar sem hann hafði tekið sér fríhelgi.
7 frum-
sýningar
Bíódagar Græna ljóssins standa nú
hvað hæst og hefur aðsókn á hátíðina
verið gríðarlega góð. á hátíðinni er að
finna frábærar myndir af öllum toga
frá öllum heimshornum. Aðeins er
búið að sýna rétt rúman helming af
myndunum sem hátíðin hefur upp á
að bjóða og eru í dag frumsýndar
hvorki meira né minna en sjö nýjar
myndir á hátíðinni. Auk þess verður
bætt við aukasýningum á þeim
myndum sem hafa verið vinsælastar á
fyrri hluta hátíðarinnar.