Fréttatíminn - 09.05.2014, Qupperneq 24

Kyssir
gamla
karla
Elsa Yeoman, forseti borgar-
stjórnar, ólst upp í verkamanna-
íbúð í Fellahverfi. Á sumrin fór
hún oft til ömmu sinnar í Banda-
ríkjunum sem var einkakokkur hjá
efnaðri mafíósaekkju og kynntist
því þessum miklu andstæðum. Elsa
segist hafa skapið og ástríðuna
fyrir matargerð frá ömmu sinni.
Elsa stendur sig stundum að því að
stara á gamla ókunnuga karla og
gefur þeim jafnvel koss á kinnina.
A
mma er einn af mínum
helstu áhrifavöldum.
Hún var aldrei að pæla
í hvað fólki fannst um
hana eða sagði um hana.
Ég hef það frá henni, held það sé í gen-
unum. Svo hef ég skapið frá henni.
Ég verð að viðurkenna það. En það er
líka bara gott að hafa skap,“ segir Elsa
Yeoman, borgarfulltrúi Besta flokksins
og frambjóðandi Bjartrar framtíðar í
komandi borgarstjórnarkosningum.
Ég er mætt fyrir framan heimili
hennar á Vesturgötunni en er að velta
fyrir mér hvort ég sé á réttum stað
þegar ég heyri hátt blístur. Ég skima
lítillega í kring um mig, gef mér að
þarna sé einhver unglingspiltur á
ferðinni, efast um að hann sé að flauta
á mig og fletti númeri Elsu upp í sím-
anum mínum. Aftur er blístrað, enn
hærra. Nú sé ég hana. Hún er í skó-
síðum svörtum kjól með útsaumuðum
blómum, kjól sem er svo fágaður að
mér finnst hann nánast eiga að vera
á safni en hún er í honum svona á
þriðjudagsmorgni. „Ég er yfirleitt
í kjólum. Mér finnst það miklu
þægilegra,“ segir hún.
Notar helst ekki rafmagns-
tæki
Elsa býr á Vesturgötunni
ásamt börnum sínum
tveimur, 21 árs dreng og
14 ára stúlku. Heimilið er
allt í gamaldags stíl, hvort
sem litið er á húsgögnin,
bækurnar eða myndirnar
á veggjunum. Þetta er
svona eins og heima hjá
ömmu. Bara einhverri
ömmu. „Ég vil helst ekki
nota rafmagnstæki. Ég
er með tölvu og ísskáp
en ég væri alveg til í að
vera ekki með tölvu og
síma, Það myndi
henta mér rosalega
vel. Dóttir mín
reyndar píndi mig
til að kaupa tæki til
að gera „smoothie“.“ Elsa skildi við
eiginmann sinn til 20 ára í ársbyrjun.
„Þetta er auðvitað rosalega breyting.
Ég var 19 ára þegar ég varð ófrísk og
ég segi stundum að ég hafi kynnst
manninum mínum í gegn um son
okkar því við byrjuðum á því að búa
hann til. En ég hef enga þörf fyrir að
tala um skilnaðinn. Ég er búin að tala
nóg um það. Það er líka annar hver
maður á Íslandi sem skilur.“
Elsa er uppalin í Fellunum í
Reykjavík en þangað fluttu foreldrar
Elsa Yeoman segir
það hafa hentað
sér betur að vera
uppi í gamla daga
þegar samskipti voru
nánari og fólk var
ekki fast í tölvunni
liðlangan daginn.
Ljósmyndir/Hari
Framhald á næstu síðu
24 viðtal Helgin 9.-11. maí 2014