Fréttatíminn - 09.05.2014, Qupperneq 42

42 bílar Helgin 9.-11. maí 2014
ReynsluakstuR – FoRd Fiesta st
F ord Fiesta ST var valinn bíll ársins af Top Gear árið 2013 og sömuleiðis völdu sérfræð-
ingar Auto Express Ford Fiesta
besta smábílinn árið 2013 og skal
engan undra því bíllinn er mörgum
kostum búinn fyrir utan að vera
einstaklega fallegur. Vélin er 182
hestöfl og það tekur aðeins 6,9 sek-
úndur að fara í hundraðið sem kom
oft að góðum notum í reynsluakstr-
inum þegar skipta þurfti um akrein
á þyngstu stofnbrautum höfuðborg-
arsvæðisins. Það skal þó tekið fram
að reynsluaksturinn fór fram á lög-
legum hraða.
Þegar bíllinn var myndaður fyrir
umfjöllunina ókum við ljósmyndar-
inn Ægisíðuna í leit að góðum stað
og þegar við vorum að snúa við ók
jeppi rólega framhjá. „Við tökum
fram úr þessum!“ sagði ljósmyndar-
inn. Ökumaðurinn jeppans reyndist
vera Vigdís Finnbogadóttir, fyrrum
forseti Íslands, og fylltist ökumað-
urinn þá svo mikilli lotningu og öll
áform um framúrakstur fuku út í
veður og vind. Ekki er alltaf hægt
að treysta á að hvatvísir ökumenn
rekist á fólk eins og Vigdísi sem
með nærveru sinni einni fá þá af
því að gefa í. My Key er staðalbún-
aður í Ford Fiesta en með honum
er hægt að stilla ákveðið hámark á
hraða bílsins, til dæmis að ekki sé
hægt að aka honum hraðar en á 90
kílómetra hraða því þá gefur hann
frá sér viðvörunarhljóð. Hljóðkerfið
er einnig hægt að stilla og koma í
veg fyrir að hægt sé að taka örygg-
isbeltastillinguna af.
Ford Fiesta ST er búinn ein-
staklega fallegri innréttingu og
Recaro sportsætum og er hægt að
stilla hæðina á ökumannssætinu.
Ekki er hægt að ræsa bílinn nema
þrýsta kúplingunni niður sem er
kostur fyrir ökumenn sem van-
ir eru að keyra skjálfskiptan bíl.
Hljómtækin eru frá Sony og mjög
góður hljómburður í bílnum. Eins
og alvöru sportbíl sæmir er að sjálf-
sögðu vindskeið að aftan. Í bílnum
er Ford EcoBoost vél en hún er sú
sparneytnasta sem Ford hefur fram-
leitt og hlaut titilinn vél ársins tvö ár
af Engine Technology Internation-
al Magazine. Bíllinn er einstaklega
eyðslugrannur en meðaleyðsla á
langkeyrslu er 4,8 lítrar á hundraðið
en 5,9 í blönduðum akstri.
Í heildina er Ford Fiesta ST lipur
og þægilegur bíll sem auðvelt er
að bakka í stæði. Hann er nokkuð
þröngur að innan en með rúmgóðri
farangursgeymslu. Merkilegt nokk
tókst að festa þrjár sessur fyrir börn
í aftursætin og var gríðarlega góð
stemning hjá barnahópnum á rúnt-
inum á rauða fína sportbílnum. Sjö
ára sonurinn tók bílinn út og gaf
honum bestu einkunn og hvatti
móður sína til að fremja lögbrot.
„Þetta er geggjaður bíll. Þú gætir
kannski stolið honum?“
Eyðir litlu
Góð hljómflutningstæki
Lipur
Falleg hönnun
Þröngur að innan
Helstu upplýsingar
Ford Fiesta ST
Beinskiptur, 3 dyra
Vél 1,6l
Hestöfl 182
Meðaleyðsla í blönduðum akstri
5,9 l/100 km
Co2 138g/km
Lengd 3969 mm
Breidd 1722 mm
Hæð 1495 mm
Farangursrými 290 lítrar
Verð frá 4.090.000 kr.
Snöggur og
smár sportbíll
Ford Fiesta ST er fallegur,
eyðslugrannur og hraðskreið-
ur smábíll sem slegið hefur
í gegn. Í honum er búnaður
sem takmarkar hámarkshraða
og hljóðstyrk hljómtækja sem
kjörið er að nota séu hvatvísir
eða óreyndir ökumenn við
stýrið.
Ford Fiesta ST er lipur og þægilegur sportbíll. Hann er þriggja dyra smábíll en rúmar þó þrjár barnasessur í aftursætinu.
Ljósmynd/Hari
Dagný Hulda
Erlendsdóttir
dagnyhulda@frettatiminn.is