Morgunblaðið - 01.02.2012, Blaðsíða 11
í Copenhagen Fashion Week.
Fatnaður frá Lúka verður sýndur á
CPH Vision sem er sérstök sýning á
völdum merkjum sem eiga að gefa
mynd af því ferskasta í tískuheim-
inum hverju sinni. Á þessa sýningu
koma margir kaupendur og fjöl-
miðlar og því mikilvægt fyrir hönn-
uði að fá að sýna þar.
„Þessi tískuvika hefur fest sig
vel í sessi og margt gerst hjá Dön-
unum síðastliðin tíu ár. Þeir kunna
alveg að koma sér á kortið og þetta
er líka góður stökkpallur fyrir önnur
skandinavísk merki til að koma sér á
framfæri,“ segir Brynhildur.
Fylgihlutir hafa einnig verið
hannaðir undir merkjum Lúka, bæði
prjónuð hálsmen og skreyttar keðj-
ur auk hárspanga og fleira.
Brynhildur segir ullina vissu-
lega hafa sótt á síðastliðin ár og fólk
sé nú farið að nota hana á annan hátt
en áður.
DAGLEGT LÍF 11
MORGUNBLAÐIÐ MIÐVIKUDAGUR 1. FEBRÚAR 2012
Umm ... beikonbragð!
Kartöflugratín með beikoni er fljótlegt og auðvelt
í matreiðslu. Þú rífur einfaldlega plastfilmuna af bakkanum,
stráir osti yfir og það tekur aðeins 20 mínútur að hita
kartöflugratínið í ofni. Auðveldara getur það ekki verið!
Kartöflugratín - alltaf ljúffengt
– íslensk gæði eftir þínum smekk!
N
ýt
t
Í dag verða svokallaðir Framadagar háskólanna á milli
klukkan 11-16 í Sólinni í Háskólanum í Reykjavík. Í
fyrra mættu um 2000 manns og í ár er reiknað með enn
fleirum. Í tilkynningu segir að í ár verði viðburðurinn
enn stærri en áður hefur verið og stefnir í glæsilegustu
Framadaga sem haldnir hafa verið hér á landi.
Á Framadögum háskólanna kynna 35 af fremstu
fyrirtækjum landsins starfsemi sína, margir örfyrir-
lestrar verða haldnir, árleg spurningakeppni á milli
kennara Háskóla Íslands og Háskólans í Reykjavík
verður á sínum stað og gestum gefst kostur á að freista
gæfunnar með því að snúa lukkuhjóli Framadaga.
Stúdentasamtökin AIESEC standa að Framadögum
og er þetta í 18. skipti sem þeir eru haldnir hér á landi.
Framadagar eru ætlaðir háskólamenntuðum, útskrif-
uðum sem og núverandi nemendum, þó að aðrir séu
auðvitað einnig velkomnir. Markmið Framadaga er að
háskólanemar geti kynnst þeim fyrirtækjum sem koma
og kannað sína möguleika varðandi sumarstörf, fram-
tíðarstörf eða hvort í boði sé að vinna verkefni fyrir
fyrirtækin. Einnig að fyrirtækin hafi möguleika á að
hitta tilvonandi framtíðarstarfsmenn.
Eftirfarandi örfyrirlestrar verða á Framadögunum:
Atvinnulífið 2012: Orri Hauksson frá Samtökum
iðnaðarins.
Á réttri hillu í lífi og starfi: Árelía Eydís
Guðmundsdóttir, dósent HÍ.
Að ná árangri í launaviðtalinu: Aðalsteinn
Leifsson, lektor HR.
Hvernig á að landa draumastarfinu: Tryggvi F.
Elínarson frá Netráðgjöf.
Að trúa á sjálfan sig: Ingrid Kuhlmann frá
Þekkingarmiðlun.
Gerð ferilskrár: Gréta Matthíasdóttir frá
Atvinnuþjónustu HR.
Strætó á vegum Framadaganna mun ganga á milli
Aðalbyggingar Háskóla Íslands og Háskólans í
Reykjavík frá kl. 10:45-16:15 og verður í boði fyrir
alla, þeim að kostnaðarlausu.
Nánar: www.aiesec.is/framadagar
Fremstu fyrirtæki landsins kynna starfsemi sína
Morgunblaðið/Golli
Gaman Í fyrra var mikið fjör á Framadögum háskólanna eins og sjá má.
Framadagar háskólanna
Fyrsti kaffihúsahittingur
Málbjargar í ár hefst í
kvöld klukkan 20:30. Mál-
björg er félag fyrir fólk
sem stamar af öllum aldri
og aðstandendur þeirra
sem stama. Ætlunin er að
hittast fyrsta miðvikudag í
mánuði í vetur í óformlegu
spjalli og er tilgangurinn
með samkomunum að
kynnast öðru fólki sem
stamar, deila reynslu og
hafa gagn og gaman hvert
af öðru.
Lífsgæði og sjálfsefling
er ekki síst fólgið í því að
kynnast fólki með svipaða
reynslu og því vill félagið með þessu skapa vettvang fyrir fólk sem stamar
til að koma saman. Allir þeir sem stama eru velkomnir, sem og aðstand-
endur og annað áhugafólk um stam.
Málbjörg, félag um stam, var stofnað árið 1991 en hl sérstaklega barna og
að gera stam sýnilegra. Málbjörg er með síðu á Facebook þar sem nálgast
má frekari upplýsingar.
Félag fólks um stam
Málbjargarfélagar hittast
Konungur
Kinǵs Speech
segir frá
Georg sjötta
sem glímdi
við stam.
Hlýtt Ull hefur verið
áberandi í fatn-
aðinum frá Lúka.