Morgunblaðið - 01.02.2012, Blaðsíða 32

32 MENNING
MORGUNBLAÐIÐ MIÐVIKUDAGUR 1. FEBRÚAR 2012
Það var margt varðandiStríðsyfirlýsinguna semvakti athygli undirritaðsáður en stigið var inn í
bíósalinn. Á kvikmyndahátíðinni í
Cannes klöppuðu áhorfendur
stanslaust í 20 mínútur að lokinni
sýningu og var myndin valin sú
besta þar í landi á síðastliðnu ári.
Myndin var einnig framlag
Frakka til Óskarsverðlaunanna en
komst ekki í gegnum niðurskurð.
Myndinni er leikstýrt af Valérie
Donzelli en hún og maki hennar,
Jérémie Elkaïm, skrifuðu hand-
ritið saman. Stríðsyfirlýsingin er
aðeins önnur mynd í fullri lengd
sem Donzelli leikstýrir en hún og
Elkaïm eru bæði þekktir leikarar í
heimalandi sínu.
Myndin er byggð á sögu höf-
undanna sjálfra en þau skötuhjú
eignuðust barn fyrir ekki löngu.
Kvikmyndin fjallar einmitt um Ro-
méo (Elkaïm) og Juliett (Donzelli),
ungt par sem þarf að takast á við
þann harmleik að sonur þeirra
greinist með illkynja heilaæxli.
Myndin er sögð í réttri tímaröð
ef litið er framhjá upphafsatriði
hennar. Myndin kemur svolítið á
óvart hvað varðar aðferðir við
framsetningu sögunnar og fram-
andleikaáhrif ýmissa atriða gera
áhorfandann meðvitaðan um stöðu
sína sem áhorfandi í annars mjög
raunsærri mynd. Í miðri mynd er
til að mynda söngatriði þar sem
Juliett syngur angurvært lag og
móðukennt andlit Roméos birtist á
skjánum og syngur með henni. At-
riðið er eins og versta tónlistar-
myndband frá áttunda áratugnum
og hefur eflaust farið fyrir brjóst-
ið á einhverjum. Þó svo söngatriði
veki almennt ekki mikla lukku hjá
undirrituðum þá léttir þetta hall-
ærislega atriði þungan andann og
gerir manni auðveldara að með-
taka myndina. Hljóðvinnsla mynd-
arinnar er einnig áhugaverð en
hljóðbrýr eru óspart notaðar auk
þess sem sögumannsrödd fær að
njóta sín. Einnig er vert að gefa
gaum að tónlist myndarinnar.
Bæði Donzelli og Elkaïm eru
virkilega sannfærandi í hlut-
verkum sínum og fá fullt hús stiga
fyrir leik sinn.
Það sem er þó hvað best við
myndina er hvað hún end-
urspeglar raunveruleikann vel.
Þeim svarthvíta heimi sem margir
kvikmyndagerðarmenn gera sig
seka um þar sem einum of skýr
greinarmunur er á góðu og illu,
hvað sé rétt og hvað sé rangt og
að sögur geti eingöngu endað vel
eða illa er þarna rutt til hliðar. At-
burðir raunveruleikans eru flókn-
ari en svo að þeir endi annaðhvort
í fullkominni gleði eða fullkomnum
harmleik og tekst þeim skötuhjú-
um vel að fanga það.
Átakanleg skemmtun
Stríðsyfirlýsing „Bæði Donzelli og Elkaïm eru virkilega sannfærandi í
hlutverkum sínum og fá fullt hús stiga fyrir leik sinn,“ segir m.a. í dómnum.
Háskólabíó: Frönsk
kvikmyndahátíð
Stríðsyfirlýsing (La guerre est
déclarée)bbbb m
Leikstjórn: Valérie Donzelli. Handrit: Va-
lérie Donzelli og Jérémie Elkaïm. Aðal-
hlutverk: Valérie Donzelli og Jérémie
Elkaïm. 100 mín. Frakkland, 2011.
DAVÍÐ MÁR
STEFÁNSSON
KVIKMYNDIR
Vilhjálmur Andri Kjartansson
vilhjalmur@mbl.is
Nýjasta plata Vals Heiðars Sævars-
sonar, Íslenska konan, er fyrsta
sólóplata söngvarans sem áður hef-
ur gefið út sex plötur með fyrrver-
andi hljómsveit sinni Buttercup.
Plötuna, sem er af rólegra taginu,
vann Valur með píanóleikaranum
Stefáni Henrýssyni. „Þótt ég hafi
staðið einn í þessu að mestu þá
hjálpaði Stefán mér mikið við að út-
setja lögin í þennan lágstemmda gír.
Það er allt öðruvísi að standa einn í
útgáfu og þurfa að taka allar
ákvarðanir sjálfur og geta ekki
treyst á hljómsveitarmeðlimi eins
og þegar ég stóð í því að gefa út
plötur með Buttercup,“ segir Valur
spurður um fyrstu sólóplötu sína.
Platan hefur verið í tvö ár í smíð-
um en hugmyndina fékk Valur eftir
að hafa sungið lagið Íslenska konan
í jarðarför ömmu sinnar. „Í raun og
veru var þetta þannig að ég hef ver-
ið lengi á leiðinni að gera sólóplötu
og hef átt smá lager af lögum. Það
var hins vegar eftir að ég söng lagið
Íslenska konan í jarðarför ömmu að
mér datt í hug að gefa út þessa
þemaplötu og tileinka hana íslensku
konunni, alþýðuhetjunni.“
Syngur á meðan aðrir
fara í golf
„Söngurinn hefur mér ávallt verið
kær og á meðan aðrir fara í golf eða
aðra tómstundaiðju þá eyði ég mín-
um tíma við tónlistina sem er mitt
hobbí.“ Valur segir tónlistina ein-
ungis vera sér til skemmtunar í dag
en hann treysti ekki lengur á hana
sem tekjulind. „Ég hætti að treysta
á tónlistina sem tekju-
lind eftir að ég hætti á
sveitaballarúntinum
með Buttercup. Þá var
ég líka búinn að fá nóg
af bröltinu sem fylgir
íslenska túrnum.
Hann getur verið
mjög þreytandi til lengdar. Nýja
platan mín er því einungis hugsuð
sem áhugamál og mér var mest í
mun að hún myndi standa undir sér
sem hún hefur gert og þá er það
fyrir öllu.“
Sólóplatan og tónleikar
Valur stundaði nám í söngskól-
annum CVI í Danmörku áður en
hann gaf út plötuna og segir að þar
hafi hann fengið hugmyndina að því
að útfæra plötuna á þennan rólega
og lágstemmda hátt. „Ég var að
spila mikið á píanó og
syngja með í náminu og
síðan söng ég nokkur lög
þarna úti sem mér fannst
að gæti verið gaman að
útfæra á íslensku og hafa
á plötunni. Síðan settist
ég líka niður og samdi
nokkur lög. Þetta urðu allt í allt 16
lög og ég valdi svo þessi 11 sem eru
á disknum.“
Valur stefnir á að halda útgáfu-
tónleika 4. apríl í Rósenberg ásamt
völdum hópi tónlistarmanna. „Ég
stefni nú ekki á tónleika víða og er
ekkert að stressa mig yfir þessum
útgáfutónleikum enda úrval tónlist-
armanna með mér þar. Þeir sem
verða með mér eru þeir Stefán Hen-
rýsson píanóleikari, Jens Hansson
saxafónleikari og Davíð Þór Hlina-
son gítarleikari.“
Íslenska kona Vals Heiðars
 Fyrrverandi Buttercup-meðlimurinn Valur Heiðar gefur út sína fyrstu sóló-
plötu  Fékk hugmynd að plötunni eftir að hafa sungið í jarðarför ömmu sinnar
Valur „Söngurinn hefur mér ávallt verið kær og á meðan aðrir fara í golf eða aðra tómstundaiðju þá eyði ég mínum tíma við tónlistina sem er mitt hobbí.“
Á fimmtudagskvöld er öllum þeim,
sem tóku sig í gegn eftir jólin og
ákváðu að „detoxa“, boðið að koma
á Kaffibarinn og „retoxa“. Hið ár-
lega retox-partí hefst kl. 21 og er
sagt vera fyrir alla sem detoxuðu í
janúar, í litlum eða miklum mæli,
og auðvitað fyrir Alla líka.
Plötusnúðarnir Karíus og Baktus
munu þeyta skífum og sjá um að
halda uppi fjörinu á meðan fólkið
bætir upp fyrir yfirgengilega heil-
brigðan lífsstíl í nýliðnum janúar-
mánuði.
Morgunblaðið/Kristinn
Kaffibarinn Retox-partí á fimmtudag.
Öllum boðið í ár-
legt retox-partí á
Kaffibarnum
Samningur um þriðju þáttaröðina
af gamanþættinum Hæ Gosi! var
undirritaður um borð í túnfisk-
bátnum Húna II um helgina á milli
SkjásEins og Zetafilm sem fram-
leiðir þættina.
Húni II var í höfninni á Akureyri
en það þótti viðeigandi að undirrita
samninginn í höfuðstað Norður-
lands þar sem bærinn leikur stórt
hlutverk í þáttunum.
Leikkonan og uppistandarinn
Anna Svava Knútsdóttir bættist ný-
verið í hóp handritshöfunda og ku
handritið að þriðju þáttaröðinni
vera vel á veg komið.
Samið Um borð í túnfiskbátnum Húna II.
Samið um Hæ
Gosa! í túnfisk-
bátnum Húna II
Góðri skemmtun er heitið á Café
Amor á Akureyri á föstudaginn
þegar hljómsveitin Úlfur Úlfur,
sem nýverið gaf út plötuna Föstu-
dagurinn langi, og Emmsjé Gauti
troða þar upp.
Á fésbókarsíðu viðburðarins seg-
ir að Úlfur Úlfur sé glænýtt band
sem hafi á furðuskömmum tíma
eignast mikinn fjölda aðdáenda.
„Með fallegu undirspili og úthugs-
uðum textapælingum munu Úlf-
arnir fá þig til að dansa þangað til
laugardagsmorgunn kemur í heim-
sókn.“ Greinilega viðburður sem
enginn fyrir norðan má missa af.
Morgunblaðið/Ernir
Úlfur Úlfur og Emmsjé
Gauti á Café Amor