Morgunblaðið - 09.02.2012, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2012
öðrum konum með PIP-púða að þær
vilji allar fá nýja púða inn í sömu að-
gerð og hinir eru teknir út.
Eins og kemur fram hér að ofan býst
konan við að fara á einkastofu til að láta
fjarlægja púðana og fá nýja í staðinn
þar sem það verður líklega ekki í boði á
Landspítalanum. Hún segir að það
muni kosta sig á bilinu 500.000 til
650.000 kr.
Það var í lok síðasta árs sem kom í
ljós að PIP-púðarnir, sem voru fram-
leiddir í Frakklandi, innihéldu ólöglegt
iðnaðarsílikon og tíðni leka í þeim væri
hærri en í sílikonpúðum annarra gerða.
Konan segir að sér sé búið að líða öm-
urlega síðan það kom í ljós. „Ekki bætti
það úr skák þegar það kom í ljós fyrir
viku að annar púðinn var sprunginn og
sílikonið komið í vefi. Svo þarf ég að
bíða núna eftir að komast í aðgerð en
ég vil fá þetta fjarlægt sem fyrst.“
PIP-púðar erta meira en aðrir
Lýtalæknir sem Morgunblaðið
ræddi við segir að aðgerðin að fjar-
lægja sprungna sílikonpúða sé yfirleitt
flóknari en að fjarlægja ósprungna
púða. „Það myndast alltaf örvefur í
kringum aðskotahluti í líkamanum og
ef púðinn er sprunginn og það eru bólg-
ur eða annað er reynt að taka þann
hluta líka.“ Hann segir yfirleitt hægt að
setja nýja púða inn um leið og þeir eldri
eru teknir út en það sé metið í hvert
skipti. „Ef það er bólga og mikil örvefj-
armyndun getur maður ákveðið að
setja ekki nýja púða inn í það skiptið
heldur velji að láta það bíða. Það er
metið í hvert skipti.“
Anna Björg Aradóttir, sviðsstjóri
eftirlits og gæða hjá Landlæknisemb-
ættinu, sagði í samtali við mbl.is í gær
að konurnar gætu ekki fengið nýja
púða um leið og PIP-púðarnir yrðu
fjarlægðir. Ekki væri talið óhætt að
setja strax nýja púða þar sem þeir leku
gætu hafa ert vefi í líkama kvennanna.
„Læknisfræðilegt mat bendir til þess
að þessir leku púðar erti meira en aðrir
og því er alls ekki ráðlegt að setja nýja
púða strax. Konurnar verða að bíða á
milli aðgerða, ef þær kjósa að fá nýja
púða.“
Ekki óhætt að fá nýja púða strax
Reuters
Sprunginn Ónýtur PIP-brjóstapúði sem hefur verið fjarlægður úr konu. Búast má við að fjöldi sprunginna PIP-
púða verði fjarlægður úr konum hér á landi á Landspítalanum á næstu mánuðum.
 Kona með sprunginn PIP-brjóstapúða vill fá nýja púða setta inn í sömu aðgerð og hinir verða fjar-
lægðir  Ekki talið óhætt að setja strax nýja púða þar sem þeir leku gætu hafa ert vefi í líkamanum
BAKSVIÐ
Ingveldur Geirsdóttir
ingveldur@mbl.is
„Ég ætla að reyna að fá þetta gert í
sömu aðgerðinni og fer því líklega á
einkastofu. Ég er ekki tilbúin til að
fara í tvær aðgerðir,“ segir kona sem
er með brjóstasílikonpúða af gerðinni
Poly Implant Prothese (PIP). Íslensk
stjórnvöld ákváðu í vikunni að bjóða
öllum þeim konum sem hafa fengið
ígrædda PIP-brjóstapúða hér á landi
að nema þá á brott konunum að kostn-
aðarlausu. Brottnámsaðgerðirnar
verða gerðar á Landspítalanum á
næstu sex mánuðum og konurnar hafa
ekki kost á að láta setja nýja púða inn í
sömu aðgerð. „Ég er mjög ósátt við að
fá ekki að greiða fyrir að nýir púðar
verði settir inn í sömu aðgerð, það þýð-
ir tvöfalda svæfingu og tvöfalt vinnu-
tap ef maður velur ekki að fara á
einkastofu,“ segir konan.
Hún fór í ómskoðun á Leitarstöð
krabbameinsfélagsins í síðustu viku.
Kom þá í ljós að púðinn í öðru brjósti
hennar er sprunginn og sílikonið farið
að leka út í nærliggjandi vefi. „Ég fór í
brjóstastækkun 2007 og þessi
sprungni púði virðist vera farinn að
leka fyrir löngu. Ég fór að finna fyrir
einkennum og breytingum á brjóstum
fyrir tveimur og hálfu ári. Sílikonið er
komið í vefi í kring og þarf því að skafa
og laga til þegar púðinn verður fjar-
lægður.“
Öllum konum með PIP-púða er boð-
ið upp á ómskoðun hjá Leitarstöð
krabbameinsfélagsins. Búið er að óm-
skoða 41 konu af þeim 400 sem eru
með PIP-púða og eru 34 með leka
púða. Samsvarar fjöldinn því að rúm-
lega 80% kvennanna séu með leka
púða en gert hafði verið ráð fyrir að
hlutfallið yrði 1-7%.
Hefur liðið ömurlega
Konan á tíma hjá lýtalækni á Land-
spítalanum í dag og ætlar þá að ræða
stöðu mála við hann. Það kemur ekk-
ert annað til greina hjá henni en að fá
nýja púða og hún segist hafa heyrt á
Reykjavíkurborg ber að greiða Frjálslynda flokknum 6,7
milljónir, auk vaxta, vegna vangoldins fjárframlags til
flokksins á meðan hann átti fulltrúa í borgarstjórn. Hluti
lögboðins framlags borgarinnar hafði verið greiddur
beint inn á reikning Borgarmálafélags F-listans í
Reykjavík sem Ólafur F. Magnússon, þáverandi borgar-
stjóri, hafði umráð yfir.
Reykjavíkurborg greiðir lögbundið fjárframlag sam-
kvæmt lögum um fjármál stjórnmálasamtaka og fram-
bjóðenda. Ólafur F. Magnússon sótti um framlagið í maí
2006. Í umsókninni kemur fram að framboðslistinn sé
borinn fram af Frjálslynda flokknum.
Borgin greiddi flokknum 2,8 milljónir í febrúar 2007.
Ágreiningur kom síðan upp milli Frjálslynda flokksins
og Ólafs sem leiddi til þess að hann sagði skilið við flokk-
inn. Í júní 2008 greiddi borgin tæplega 3,4 milljónir inn á
bankareikning Borgarmálafélags F-listans sem Ólafur
hafi umráð yfir. Frjálslyndi flokkurinn hefur lengi kraf-
ist þess að fá umrædd framlög til sín og höfðaði að lokum
mál til að fá kröfuna viðurkennda.
Í dómi héraðsdóms Reykjavíkur er vísað til laganna
og sagt að með orðinu stjórnmálasamtökum sé átt við
flokka eða samtök sem bjóða fram í kosningum til Al-
þingis eða sveitarstjórna. „Einstakir framboðslistar eða
frambjóðendur, sem stjórnmálasamtök hafa boðið fram
við sveitarstjórnarkosningar, eiga ekki tilkall til þessa
fjárframlags.“
Í dómnum er bent á að þegar seinni greiðslan var
greidd, sem um er deilt í þessu máli, hafi Ólafur gegnt
stöðu borgarstjóra. „Samkvæmt þeim gögnum sem
liggja fyrir í málinu mátti honum vera ljóst að stefnandi,
sem var rétthafi fjárframlagsins, [Frjálslyndi flokkur-
inn] æskti þess að framlagið yrði greitt inn á tiltekinn
reikning í eigu stefnanda. Í ljósi þeirrar stöðu sem rétt-
argæslustefndi Ólafur gegndi hjá stefndu telur dómur-
inn hana ekki geta borið því við að hafa verið grandlaus
um að hann skorti heimild rétthafa greiðslunnar til að
ákveða hvert henni yrði ráðstafað.“
„Þessi dómur kemur mér ekki á óvart,“ segir Sigurjón
Þórðarson, formaður Frjálslynda flokksins. Hann gagn-
rýnir borgaryfirvöld harðlega og bendir á að innanríkis-
ráðuneytið hafi hvatt þau til að halda málinu fyrir utan
dómstóla.
Sigurjón segir að milljónirnar sjö fari í að greiða
reikninga en muni eflaust einnig nýtast í komandi kosn-
ingabaráttu. Frjálslyndi flokkurinn hyggur á samstarf
við nokkrar aðrar hreyfingar um framboð.
Ber að greiða styrkina
til Frjálslynda flokksins
 Frjálslyndi flokkurinn fær peninga til að greiða reikninga
Morgunblaðið/Kristinn
F-listinn Ólafur Magnússon var borgarfulltrúi Frjáls-
lynda flokksins í Reykjavík og borgarstjóri um tíma.
Björn Zoëga, forstjóri Landspítalans, segir að það séu
tvær forsendur fyrir því að Landspítalinn muni ekki
setja nýja púða inn í staðinn fyrir PIP-púðana sem
verða fjarlægðir. „Önnur er sú að ef púðarnir eru lekir
getur verið mikil bólga og erting í kringum þetta svo
það er faglegt mat lækna að það eigi ekki að setja púða
inn í sömu aðgerð, það þarf að hvíla brjóstið. Hitt er að
Landspítalinn hefur ekki verið í því að gera fegrunar-
aðgerðir. Þetta er mikið meira en að setja púðana inn,
það þarf að fylgja þessu eftir og laga ef eitthvað kemur
upp á. Við erum ekki í því að gera fegrunaraðgerðir og
þær falla ekki undir opinbera heilbrigðiskerfið. Við vor-
um beðin um það af landlækni og velferðarráðuneytinu
að fjarlægja púðana en við förum ekki út í fleira.“
Þrír læknar munu sjá um að fjarlægja PIP-púðana úr
konunum og segir Björn engan þeirra hafa hagsmuna
að gæta í þessum efnum. „Tveir
vinna eingöngu á Landspítalanum,
þeir voru með stofur áður en buðu
þá ekki upp á brjóstaaðgerðir. Síðan
er læknir sem vinnur í 60% stöðu
hjá okkur en er líka með sjálfstæðan
rekstur en mun ekki taka að sér mál
þessara kvenna á sinni sjálfstæðu
stofu, hvorki mat né aðgerðir.“
Brottnámsaðgerðirnar á að fram-
kvæma á næstu sex mánuðum og þær eiga ekki að
raska biðlistum á spítalanum. Björn segir að aðgerð-
irnar verði unnar um helgar að mestu leyti og kallað út
aukafólk vegna þeirra. Komið hefur fram að áætlaður
kostnaður ríkisins vegna þessara aðgerða er á bilinu 90
til 150 milljónir króna.
„Þetta er mikið meira en að setja púðana inn“
FORSTJÓRI LANDSPÍTALANS
Björn Zoëga
„Ég er þokkalega bjartsýnn á að
þetta takist, þó það sjái ekki fyrir
endann á þessu núna en það byggist á
því að það verði mikil samstaða um að
fara í gjaldeyrisútboðið,“ segir Arnar
Sigurmundsson, formaður Samtaka
lífeyrissjóða, eftir fund í fjármála-
ráðuneytinu í gær.
Eins og fram hefur komið hefur
verið leitað leiða til að fjármagna hlut
lífeyrissjóðanna í vaxtaniður-
greiðslum í fyrra og í ár, árið 2012.
Verði gengið frá samkomulagi hefur
ríkisstjórnin lofað að falla frá skatt-
lagningu á eignir lífeyrissjóðanna,
sem var samþykkt á Alþingi fyrir jól.
Stjórnir um 30 lífeyrissjóða hafa
fundað um hvort sjóðirnir eigi að taka
þátt í gjaldeyrisútboði Seðlabanka Ís-
lands í þessum mánuði og síðar á
árinu, með því að selja erlendar eign-
ir og kaupa aflandskrónur.
Arnar segir fyrsta skrefið að
tryggja þátttöku lífeyrissjóðanna.
Þeir hefðu vonast til að ná þessu fyrr
en stjórnir sjóðanna hefðu verið að
funda undanfarna daga og þetta tæki
tíma. Aðspurður segir hann nokkra
sjóði eiga eftir að svara en ekki
marga. Eðlilega þyrftu sjóðsstjórn-
irnar að fjalla um hvort þær væru til-
búnar til að ganga í slíkt útboð.
Þegar spurt er hvort nýbirt skýrsla
um lífeyrissjóðina hafi þar áhrif seg-
ir Arnar að það sem fyrst og fremst
geti haft áhrif í svona máli sé það að
erlendar eignir sjóðanna eru taldar
vera núna um 24%. Menn vilji hafa
áhættudreifinguna mjög mikla og
vilji þar af leiðandi kannski ekki
raska mikið þeirri stöðu.
Arnar reiknaði með að fundum
yrði haldið áfram á morgun, föstu-
dag og þá yrði niðurstöðu að vænta.
„Við teljum að á föstudaginn,
sjáum við fyrir endann á því hvort
okkur er að takast þetta,“ segir Arn-
ar. sigrunrosa@mbl.is
Beðið svara um
gjaldeyrisútboð
 Lífeyrissjóðir funda um þátttöku
Morgunblaðið/Valdís Thor
Hús Samþykkt var sérstök vaxta-
niðurgreiðsla 2011 og 2012.