Morgunblaðið - Sunnudagur - 07.04.2013, Blaðsíða 6
6 MORGUNBLAÐIÐ SUNNUDAGUR 7.4. 2013
A
lexei Navalní hefur verið einn há-
værasti gagnrýnandi Vladimírs
Pútíns, forseta Rússlands, og hef-
ur lýst yfir því að hann hafi auga-
stað á forsetastólnum. Það eru
hins vegar ýmis ljón á veginum. Lagðar hafa
verið fram þrjár kærur á hendur honum og á
fimmtudag var tilkynnt að 17. apríl myndu hefj-
ast réttarhöld í borginni Kírov vegna fjár-
dráttar.
Málið snýst um samning um viðskipti með
timbur, sem stjórnvöld þar gerðu 2009 þegar
hann var ráðgjafi þeirra. Verði hann sekur
fundinn á hann yfir höfði sér allt að tíu ár í
fangelsi.
„Ég er ekki í nokkrum vafa um að ég verði
fundinn sekur,“ sagði Navalní í vikunni. Hann
fullyrðir að hann sé saklaus og bendir á að sam-
kvæmt rússneskum lögum myndi hann ekki
mega sækjast eftir pólitísku embætti ef svo
færi, jafnvel þótt dómurinn yrði skilorðsbund-
inn.
Navalní vildi ekki segja hvað hann ætti von á
að fá þungan dóm og gaf um leið til kynna að
Pútín myndi sjálfur skera úr um það: „Það er
erfitt að segja … ég hef ekki fjarskynjunarmátt
til að komast inn í heila Pútíns.“
Vill breyta lífinu í Rússlandi
Navalní sagði í viðtali við Dozhd, sjónvarpsstöð
stjórnarandstöðunnar, á fimmtudag að hann
vildi verða forseti: „Ég vil breyta lífinu í þessu
landi. Ég vil breyta hvernig því er stjórnað. Ég
vil koma því til leiðar að þær 140 milljónir
manna, sem búa í þessu landi og njóta þess að
olía og gas koma upp úr jörðinni, þurfi ekki að
lifa í fátækt og svartri eymd heldur geti lifað
eðlilega eins og í evrópsku landi.“
Navalní hefur heitið því að verði hann forseti
muni hann draga andstæðinga sína fyrir rétt,
þar á meðal Pútín og tvo vini hans, auðkýf-
ingana Gennadí Tímsjenkó og Arkadí Roten-
berg. Þeir neita báðir alfarið ásökunum stjórn-
arandstöðunnar um að hafa haft rangt við í
viðskiptum sínum.
Navalní vakti á sér athygli með því að halda
úti skrifum á netinu þar sem hann rannsakaði
spillingu. Hann var áberandi í kosningabarátt-
unni fyrir forsetakosningarnar í fyrra. Eftir að
Pútín náði endurkjöri hefur Navalní ekki verið
jafn áberandi á mótmælafundum, en skrif hans
hafa haft áhrif. Í mars sagði Vítalí Malkin öld-
ungadeildarþingmaður af sér eftir að Navalní
greindi frá því að hann ætti eignir erlendis og
væri með ísraelskan ríkisborgararétt. Í febrúar
sagði formaður siðanefndar neðri deildar þings-
ins, Vladimír Pektín, af sér vegna ásakana Na-
valnís um að hann ætti eignir í Bandaríkjunum
að andvirði rúmlega tveggja milljóna dollara.
Yfirvöld hafa sótt hart að Navalní og ítrekað
leitað á heimili hans og skrifstofu. Auk rétt-
arhaldanna, sem eiga að hefjast í þarnæstu
viku, eru honum gefin svik og fjár-
dráttur að sök ásamt bróður sínum og
að hafa stolið úr hirslum Frjálslynda
flokksins, sem lagður hefur verið nið-
ur.
Navalní segir að yfirvöld vilji
frekar saka sig um fjársvik en þátt-
töku í mótmælum til þess að grafa
undir trúverðugleika sínum við af-
hjúpun spillingar í Rússlandi.
Stjórnarand-
stæðingur dreg-
inn fyrir dóm
ALEXEI NAVALNÍ HEFUR VERIÐ RÚSSNESKUM STJÓRNVÖLDUM
ÓÞÆGUR LJÁR Í ÞÚFU. HANN SEGIR VLADIMÍR PÚTÍN OG HIRÐ
HANS EIGA HEIMA Í FANGELSI OG VILL BJÓÐA SIG FRAM TIL FORSETA.
NÚ Á AÐ DRAGA HANN FYRIR DÓM Í ÞREMUR MÁLUM.
Alexei Navalní hefur gagnrýnt
rússnesk stjórnvöld harkalega.
Nú á að draga hann fyrir dóm.
AFP
* „Sá dagur mun koma að við sigrumog við munum setja þá í fangelsi.“ Alexei NavalníAlþjóðamálKARL BLÖNDAL
kbl@mbl.is
Alexei Navalní kveðst ætla að bjóða sig
fram til forseta og vill leysa Vladimír
Pútín af hólmi. Hann á hins vegar langt í
land. Samkvæmt könnun sem
birt var á fimmtudag vita
aðeins 37% Rússa hver
hann er. Aðeins 14% segjast
líkleg til þess að greiða hon-
um atkvæði sitt í
kosningum.
Navalní viðurkennir að hann eigi á
brattann að sækja, en bætir við að fengi
hann eðlilegan aðgang að opinberum
sjónvarpsrásum, sem af fylgispekt fjalli
rækilega um Pútín og rússneska valda-
stétt, myndi dæmið snúast við.
Hann segir að almenningsálitið myndi
snúast ef sjónvarp stjórnarandstöðunnar,
Dozhd, sem einkum er aðgengilegt á net-
inu, gæti sjónvarpað um allt Rússland.
ERFITT AÐ LÁTA RÖDDINA HEYRAST
Vladimír
Pútín
HEIMURINN
JAPAN
TÓKÝÓ Japanar hafa veitt
óvenju fáa hvali í suðurhöfum
á þessari vertíð og sagði
Yoshimasa Hayashi, sjávarút-
vegsráðherra Japans, að „ófyr-
irgefanlegum spellvirkjum“
umhverfisverndarsinna væri
um að kenna. Aðeins veidd-
ust 103 hrefnur, helmingi færri
en í fyrra. Engin langreyður
veiddist. Sagði Hayaski að
aflinn væri sá minnsti frá því
að Japanar hófu vísindaveiðar
1987. Samtökin Sea Shepherd
hafa ítrekað truflað veiðarnar.
NORÐUR-KÓREA
PYONGYANG Stríðsyfirlýsingar
og hótanir Norður-Kóreumanna
um að beita kjarnorkuvopnum
hafa valdið titringi. Þeir hafa flutt
að austurströnd landsins eldflaug
sem hægt væri að skjóta á Suður-
Kóreu eða Japan. Bandaríkjamenn
hafa brugðist við með yfirlýsingu um að þeir muni
auka viðbúnað og koma upp eldflaugavörnum á eynni
Guam í Kyrrahafi. Ekki er talið að Norður-Kóreumenn
geti skotið eldflaugum á meginland Bandaríkjanna, en
þeir gætu náð til herstöðva þeirra í Asíu og Kyrrahafi.
SUÐUR-AFRÍKA
JÓHANNESARBORG Nelson Mandela var sagður við góða heilsu eftir
að hafa dvalið viku á sjúkrahúsi vegna lungnabólgu. Graca Machel, eiginkona
forsetans fyrrverandi, sagði að hann væri á batavegi. Mandela sat í fangelsi í
27 ár. Hann varð fyrsti blökkumaðurinn til að setjast í stól forseta í Suður-
Afríku. Hann er 94 ára.
BANDARÍKIN
WASHINGTON Tugir fjölmiðla
víða um heim birtu upplýsingar úr
umfangsmiklum gögnum, sem bár-
ust Alþjóðasamtökum rannsókn-
arblaðamanna, ICIJ, í Washington
um aflandsreikninga fyrirtækja og einstaklinga
á Bresku jómfrúaeyjum og Caymaneyjum.
Uppljóstranirnar höfðu áhrif í Frakklandi þar
sem í ljós kom að Jean-Jacques Augier, náinn
stuðningsmaður Francois Hollandes forseta,
ætti félög í skattaskjóli og það teygði sig allt til
Aserbaísjans og Mongólíu.