Fréttir - Eyjafréttir - 27.12.2002, Blaðsíða 2
2
Fréttir
Föstudagur 27. desember 2002
Pakkar eftir í
Reykjavík
Ekki tókst að flytja alla pakka og
póst til Eyja f'yrir jól. Flogið var á
aðfangadagsmorgun en þá kom
talsvert af pökkum og pósti að sögn
Ríkharðs Guðmundssonar hjá
Flugfélagi íslands. Áætlað var að
lljúga aftur um hádegi en þá var
orðið ófært. Ýmislegt varð lil að
torvelda samgöngur með llugi
þennan dag, til dæmis biluðu tvær
af vélum Islandsflugs á Bíldudal
þennan dag. Um tíma var fyrir-
liugað að vél á leið til Hornafjarðar
millilenti hér með vörur en það
tókst ekki vegna veðurs. Engar
ferðir voru á vegunt flutningsaðila í
Herjólf á aðfangadag og rútan var
farin í Þorlákshöfn áður en tvísýnt
varð með flug. Jólapakkamir kom-
ust hins vegar með flugi semma á
annan dagjóla.
Innbrot í Hugin
Ekki er hægt að segja annað en að
rólegt hafi verið hjá lögreglu um
hátíðirnar en þó var tilkynnt um
innbrot um hádegið á jóladag í
Huginn VE-55 þar sem skipið lá
við Nausthamarsbryggju. Ekki var
hægt að sjá að einhverju hefði verið
stolið en f'arið var inn með því að
brjóta rúðu í hurð. Ekki er vitað
hver var að verki en talið er að farið
hafi verið inn í skipið að kvöldi
aðfangadags eða á jólanótt.
Líkamsárás og
skemmdarverk
Ein líkamsárás var tilkynnt í vik-
unni en ekki var um alvarlega
áverka að ræða. Á aðfangadag
barst tilkynning til lögregla um að
rúða væri brotin í salernisaðstöðu á
Skansinum. Á annan í jólum var
tilkynnt um að björgunarbátur sem
var um borð í Dala-Rafni VE-508
hefði verið blásinn upp og tilraun
gerð til að brjótast inn í skipið.
Eldur í íbúð
Að kvöldi aðfangadags var tilkynnt
um eld í íbúð að Foldahrauni 42 en
við nánari athugun reyndist um
minniháttar eldsvoða að ræða.
Hat'ði kviknað í út frá keiti sem var
í glugga og brunnu gardínur sem
voru fyrir glugganum. Ekki var um
miklar skemmdir að ræða en
einhverjar skemmdir urðu þó vegna
reyks.
Af umferðarmálum er það helst
að frétta að ein kæra liggur fyrir
vegna aksturs gegn einstefnu og
þrjár vegna vanrækslu á að færa
ökutæki til skoðunar.
Farið varlega með
skotelda
Þar sem framundan eru áramót og
tími skotelda vill lögreglan hvetja
fólk til að fara varlega með skotelda
og hvetur foreldra til að benda
bömum sínum á hættumar sent
fylgja rangri meðferð skotelda.
Óvenjuleg jólakveðja frá Miðstöðinni
Marinó og Marý Kolbeinsdóttir, eiginkona hans með eina af
jólakveðjunum góðu.
Marinó Sigursteinsson í Mið-
stöðinni hefur undanfarin ár haft
mjög sérstæðan hátt á við að senda
viðskiptavinum sínum jólakveðjur.
I stað hefðhundinna jólakorta hef'ur
fólk fengið heldur óvenjulegar en
um leið skemmtilcgar scndingar.
Þetta byrjaði fyrir fjómm ámm þegar
Marinó datt í hug að breyta út af
vananum og jólakveðjan það árið var í
formi málningardósar sem fyllt var af
mandarínum og með ágripi af sögu
fyrirtækisins, ásamt mynd af starfs-
fólkinu utan á dósinni.
„Þetta var mjög gaman,“ segir Mar-
inó. „Þegar við komum og bönkuðum
upp á hjá fólki á Þorláksmessu og
sögðumst vera að koma með máln-
inguna sem hefði verið pöntuð. Það
kom verulega flatt upp á marga sem
vonlegt var en leystist svo þegar hið
sanna kom í ljós.“
í fyrra var svo enn farið inn á nýjar
brautir í jólakveðjum. Þá fengu við-
skiptavinir stóra og mikla gólfflís úr
keramiki, skreytta og áritaða með
nöfnum starfsfólks og piparkökubox
fylgdi með. „Ég veit til þess að
flísamar em enn í notkun sums staðar,
t.d. er hún notuð sem undirlegg fyrir
arináhöldin á einu heimili í bænurn,"
segir Marinó.
Én í ár var aftur send dós, þriggja
lítra málningardós með mandarínum
og að þessu sinni með stuttu æviágripi
Ola í Bæ, Ólafs Ástgeirssonar báta-
smiðs frá Litlabæ, ásamt tveimur
myndum af honum. „Mér fannst Óli í
Bæ alltaf merkilegur karl sem ætti það
skilið að minningu hans væri haldið á
Iofti,“ segir Marinó. „T.d. bara það að
hann smíðaði hátt í 400 báta á ævinni,
allt úrvals sjóskip, og það í hjáverkum
því að hann var sjómaður að aðal-
starli. Við höfum alla tíð verið miklir
kunningjar, ég og yngsti sonur Óla,
Kristinn R. fréttamaður í Madrid, og
ég ákvað að helga þessa jólakveðju
minningu Óla í Bæ. Sigurgeir í
Gvendarhúsi tók saman textann fyrir
okkur úr heimildum sem ég var búinn
að sanka að mér. Þetta hef'ur mælst
vel fyrir og við erum staðráðin í að
halda þessu áfram. Það er þegar
komin hugmynd að næstu jóla-
kveðju," sagði Marinó að lokum.
Til gamans birtum við hér hluta af
textanum sem var utan á dósinni í ár:
-Ebenezarklakkar eru fiskimið í
norðvesturbrún Blindskeijahraunsins,
vestur af Eyjum og hafa margir velt
fýrir sér hvemig það nafn er til komið.
Éyjólfur Gíslason, frá Bessastöðum,
hefur sagt frá því að árið 1932 hafi
hann verið á lúðuveiðum á Halkion
VE 205 með Stefáni í Gerði.
Skipverjar auk þeirta voru Runólfur í
Bræðratungu og Óli í Bæ. Sá var
háttur á þessum lúðuveiðum að reynt
var að koma lúðunni unt borð í togara
sem sigldu með hana til Englands þar
sem hún var seld. Á þessum klökk-
um, sem ekki höfðu þá hlotið nafn sitt,
fengu þeir mjög góðan afla, átta
stórlúður og komu aflanum um borð í
togarann Álsey frá Grimsby en þar var
þá Guðmundur Ebenezarson skip-
stjóri. Þegar búið var að koma lúð-
unni um borð, kom Guðmundur út að
lunningu með viskíflösku sem hann
rétti niður í bátinn með þeim orðum að
hún væri betur komin hjá þeim en sér.
Þegar tappinn hafði verið tekinn úr
flöskunni og aðeins var farið að
liðkast um málbeinið, sagði Óli í Bæ:
„Ja, góðir eru Ebenezarklakkarnir."
Eftir þetta voru þessir hraunbrúnar-
klakkar aldrei nefndir annað og festist
nafnið við þá.
FV hefur flutt
25.000 milli
Bakka og Eyja
Á sunnuduginn, 22. desember sl.
Ilutli Flugfélag Vestmannaeyja 25
þúsundasta farþegann á þessu ári
á Bakka.
Það var Hulda Ragnarsdóttir
sem varð farþegi númer 25.000 hjá
FV sem er mesti fjöldi sem félagið
hefur flutt á einu ári.
„Það hafa aldrei farið eins
niargir mcð félaginu og í ár. I allt
höfum við flutt um 26.500 farþega
og þar af 25.000 á Bakka,“ sagði
Valgeir Arnórsson hjá Flugfélagi
Vestmannaeyja. „Það hefur verið
stöðug aukning allt þetta ár og
verða farþegar 5500 lleiri en í
fyrra. Er það nijög ánægjuleg
þrúun fyrir okkur.“
ARNÓR PÁLL Valdiniarsson hjá Flugfélagi Vestmannaeyja afliendir Huldu Ragnarsdóttur blómvönd
en með þeim á myndinni er Magnús Sigurjónsson, flugmaður hjá FV.
Vinningshafar
í Jólaleik
Islandsbanka
Dregið var í jólaleik Georgs og félaga, en
Georg er krakkaklúbbur Islandsbanka,
fyrir jólin. Vinningshafar í
Vestmannaeyjum eru Bjartey
Helgadóttir, Birta Líf Jóhannsdóttir,
Bára Viðarsdóttir, Hákon Jónsson, Þóra
Fríða Ólafsdóttir og Richard Sæþór
Sigurðsson. Öll fengu þau myndbandið
Söngvaborg 2, sem inniheldur
barnasöngva undir stjórn Siggu
Beinteins og íleiri. Með þeim á myndinni
er Rúnar Þór Karlsson, yfirgjaldkeri.
FRETTIR
* Útgefandi: Eyjasýn ehf. 480278-0549 - Vestmannaeyjum. Ritstjóri: Ómar Garðarsson. Blaðamenn: Sigursveinn Þórðarson,
Guðbjörg Sigurgeirsdóttir. Iþróttir: Júlíus Ingason. Ábyrgðarmenn: Ómar Garðarsson & Gísli Valtýsson.
Prentvinna: Eyjasýn/ Eyjaprent. Vestmannaeyjum. Aðsetur ritstjórnar: Strandvegi 47. Símar:481 1300 & 481 3310.
Myndriti: 481-1293. Netfang/rafpóstur: frettir@eyjafrettir.is. Veffang: http//www. eyjaf retti r. is
FRÉTTIR koma út alla fimmtudaga. Blaðið er selt í áskrift og einnig í lausasölu á Kletti, Tvistinum, Toppnum, Kránni, Vöruval, Herjólfi, Flughafnarversluninni, Krónunni,
ísjakanum, Bónusvídeó, verslun 11-11, Skýlinu í Friðarhöfn og í Jolla í Hafnarfirði og afgreiðslu Hejrólfs í Þortákshöfn. FRÉTTIR eru prentaðar í 2000 eintökurri. FRÉTTIR
eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.