Fréttir - Eyjafréttir - 27.12.2002, Blaðsíða 4

4
Fréttir
EYJAMAÐUR VIKUNNAR
Það kom aldrei neitt
annað til greina en að
verða pípari
Undanfarin ár hafa þau Marinó og
Marý í Miðstöðinni sent mjög
óvenjulegar jólakveðjur til viðskipta-
vina fyrirtækisins, öðruvísi en fólk á
almennt að venjast. í ár var jóla-
kveðjan í formi þriggja lítra máln-
ingardósar, sem var fyllt með mand-
arínum og með stuttu æviágripi Óla í
Bæ, Ólafs Ástgeirssonar bátasmiðs,
utan á dósinni. Marinó er Eyjamaður
vikunnar af þessu tilefni.
Fullt nafn? Sigurvin Marinó Sigur-
steinsson.
Fæðingardagur og ár? 7. desem-
ber 1952.
Fæðingarstaður? Vestmannaeyjar
Fjölskylda? KvænturMarý
Kolbeinsdóttur, börnín eru fimm.
Hvað ætlaðir þú að verða þegar
þú yrðir stór? Ég held það hafi
aldrei komið neitt annað til greina en
að verða pípari og líklega hefði ég
engu fengið að ráða um það þó að
ég hefði ætlað eitthvað annað.
Hvernig bíl vildir þú helst eiga?
Ég á Toyota Landcruiser og er
prýðilega ánægður með hann.
Uppáhaldsmatur? Nautakjöt.
Versti matur? Eg
borða allt og finnst
nær allur matur góður.
Uppáhaldsvefsíða?
Ég kann ekki einu
sinni að kveikja á tölvu
hvað þá að fara að
skoða eitthvað svoleiðis.
Hvaða tónlist kemur þér í gott
skap? Bítlarnir.
Aðaláhugamál? Að horfa á
fótbolta í sjónvarpinu þegar
Manchester United vinnur.
Fallegasti staður sem þú hefur
komiðá? Elliðaey.
Uppáhaldsíþróttamaður eða
íþróttafélag? Manchester United
og David Beckham.
Stundar þú einhverja íþrótt? Nei.
Ertu hjátrúarfullur? Nei.
Uppáhalds sjónvarpsefni? Þættir
um náttúru íslands.
Besta bíómynd sem þú hefur
séð? Ég horfi aldrei á bíómyndir,
hef aldrei komist upp á lag með það.
Hvað finnst þér gera fólk
aðlaðandi? Að innri maður
viðkomandi sé traustur. Ég dreg
Sigurvin Marinó Sigursteinsson
er Eyjamaður vikunnar
fólk ekki í dilka eftir skemmtileg-
heitum eða þess háttar.
Hvað finnst þér gera fólk
fráhrindandi? Er ég ekki bara
búinn að svara þessari spurningu
hérna á undan?
Hvernig datt ykkur í hug að senda
svona jólakveðju? Ég man það
nú ekki en þetta byrjaði fyrir fjórum
árum, þá sendum við dós með
ágripi af sögu fyrirtækisins og afa
heitins. í fyrra sendum við svo
áritaða gólfflís og núna fannst okkur
við hæfi að rifja upp sögur af Óla í
Bæ sem var merkilegur karl. Svo er
þegar byrjað að hanna næstu
jólakveðju.
Eitthvað að lokum? Gleðileg jól og
megi farsæld fylgja Vestmanna-
eyjum á komandi ári, við þurfum á
því að halda.
Nemendur Steinunnar Einarsdóttur myndlistarkonu héldu stórskemmtilega sýningu á verkum sínum í Listakoti l'yrir
skömmu. Greinilegt var á verkunum að þarna eru margir efnilegir listamenn á ferðinni og hefur Steinunn náð að koma
kennslunni vel til skila. Hér má sjá nemendurna níu ásamt Steinunni.
Afhending á bættri aðstöðu Leikfélagsins
Fyrir síðustu sýningu leikverksins
Auga fyrir auga afhenti Ingi
Sigurðsson, bæjarstjóri, formanni
Leikfélags Vestmannaeyja skjal til
staðfestingar á aðstöðu sem
Leikfélagið hefur nú í Félags-
heimilinu. Búið er að taka neðstu
hæð hússins í gegn og hefur bæði
búningageymslan og hreinlega öll
aðstaða gjörbreyst til batnaðar að
sögn Gunnar Þórs Guðbjömssonar,
formanns LV. Er þetta liður í
endurreisn Leikfélagsins. Ekki gekk
þó sýningin á Auga fyrir auga nógu
vel en þó er engan bilbug á þeim að
finna og er fyrirhugað að ráðast í
uppsetningu á Gauragangi eftir
áramót. A myndinni má sjá Gunnar
Þór taka við skjalinu frá Inga.
____________Föstudagur 27. desember 2002
Nýfæddir ?ct
Vestmannaeyingar
Þann 5. október sl. eignuðust Lea Tómasdóttir og Halldór Jón
Andersen son sem skírður hefur verið Adam Öm. Hann var 56 sm.
og 4186 grömm við fæðingu. Fjölskyldan býr í Vestmannaeyjum.
Á döfinni 4*
Desember
28. Nornabrennan 2002.1 Höllinni, hljómsveilin Dans ó rósum.
31. Gamlórsdagur: Hljómsveitin Dons ó rósum í Höllinni.
31. £yjagull ó Fjölsýn. Arið gert upp með góðum gestum.
31. Fyjaskaupið frumsýnt. Útsending hefst kl. 21.30.
31. Stórsveitin Tríkot ó Lundanum.
Jottúar
6. Þrettóndagleði ó malarvellinum við Löngulóg.
Pú getur fylgst nónar með hvað er á döfinni á www.eyjafrettir.is
Þessir þrír ungu drengir héldu nýlega tombólu til styrktar Hraunbúðum. Alls
söfnuðu þeir 2.528 krónum. Drengimir heita: Breki Marinósson, Karl
Marinósson og Tryggvi Þór Gylfason.
Eyjasýn úskar Eyjamönnum gleðilegs
nýs árs og um leið minnum uið á
útsendingar okkar um áramótin.
Eyjagullið verður sýnt kl. 14.00 og
Eyjaskaupið kl. 21.30 á gamlársdag