Harmonikublaðið - 01.04.2004, Síða 9

HARMONIKUBLAÐIÐ
Minningarorð
Jóhann Óskar Jósefsson
Látinn er Jóhann föðurbróðir minn frá
Ormarslóni í Þistilfirði.
lóhann Óskar Jósefsson bóndi,
harmonikuleikari og tónskáld fæddist
í Ormarslóni í Þistilfirði 20. desember
1911. Hann var sonur hjónanna lósefs
Kristjánssonar og Halldóru Þorgríms-
dóttur ábúenda þar. Ormarslónsheim-
ilið var rómað fyrir gestrisni og glað-
værð, ekki síst þegar húsfreyjan tók til
við að spila á sína einföldu harmon-
iku, seinna tóku þeir bræður við því
hlutverki. Snemma komu í Ijós tónlist-
arhæfiieikar Jóhanns svo að faðir hans
útvegaði honum harmoniku. lóhann
var að mestu leiti sjálfmenntaður fyrir
utan lítilsháttar tilsögn hjá norskum
sjómönnum sem hjálpuðu honum að
fá nótnabækur frá Norðurlöndum. |ó-
hann var fyrstur manna hér á landi.að-
eins 22 ára gamall, til að spila inn á
harmonikuplötu, tvö frumsamin lög
sem heita "Regndropinn” og "Við ís-
hafið". Þorsteinn bróðir hans lærði
einnig harmonikuleik hjá honum og ferð-
uðust þeir um landið og léku bæði fyrir
dansi og héldu tónleika og nefndu sig
"Ormarslónsbræður”. Síðasta tónleika-
ferðin var farin 1945 til Reykjavíkur, og
minnist ég þess er þeir voru að æfa sig
fyrir það ferðalag. Aldrei heyri ég "Píia-
grímakórinn úr Tannhauser" eftir R.
Wagner svo mér komi ekki í hug er þeir
bræður voru að æfa sig. Fleiri meistarar
voru æfðir, sem ekki verða taldir hér.
Alltaf vildi hann veg harmonikunnar sem
mestan og var á efri árum mjög áhuga-
samur er fóru að koma til landsins harm-
onikusnillingar með harmonikur með
melódískum bössum, en samt held ég að
Toralf Tollefsen hafi alltaf verið efstur á
blaði hjá Jóhanni. Margir hafa fengið til-
sögn hjá frænda mínum í harmonikuleik
eða komið með harmonikur í viðgerð til
hans. Frændi var sérstakur persónuleiki,
listamaður af guðs náð, hagleiksmaður,
veiðimaður góður, smiður bæði á tré og
járn, smíðaði t.d. súgþurrkunartæki í
hlöðuna sína. Brennandi áhuga hafði
hann á allri tækniþróun í músik og fleiru.
Tölvurnar komu of seint fyrir hann, þó
vantaði ekki áhugann. Allan sinn langa
aldur átti hann heima í Ormarslóni, þar
var honum ætlað að vera fannst honum. í
átta ár bjó með honum dönsk kona, Ellen
Ludviksen, með son sinn Pétur. Minntist
hann þeirra ætíð með hlýhug. í rúm fjöru-
tíu ár hefur hann verið einn f Orm-
arslóni, ég veit að oft voru vetrar-
kvöldin löng, en þá tók hann hljóðfær-
ið sitt og samdi sín bestu lög. Hann
var af gamla tímanum, lífsstíll hans
var að skulda engum neitt. Mann-
blendinn var hann og sagði okkur sög-
ur frá gamla tímanum og einnig sögur
sem hann hafði lesið. Hann var við-
kvæmur í lund, Ijúfur sem sunnan-
blærinn, en gat rokið upp í hvassviðri
sem sjaldnast stóð lengi. Heilsugóður
var hann fram yfir nírætt, en veiktist á
síðasta ári og fór þá á Dvalarheimilið
Vík á Raufarhöfn. Víst athvarf átti
hann í Vogi hjá nafna sínum og Þór-
unni konu hans, sem hann bar svo
mikið traust til. lóhann má hiklaust
telja einn af brautryðjendum í harm-
onikuleik á íslandi. Hann var heiðurs-
gestur á landsmóti Sambands ís-
lenskra harmonikuunnenda að Lauga-
landi í Eyjafirði árið 1987 þar sem
hann lék lögin sín "Venus" og "Kveðja
til fatlaðra" fyrir landsmótsgesti og árið
2001 hlaut Jóhann heiðursviðurkenningu
í tilefni 20 ára afmælis SÍHU fyrir fórnfúst
starf og eljusemi í þágu harmonikutón-
listar á íslandi. lóhann andaðist að
kvöldi 16. febrúar eftir rúmlega vikudvöl á
Heilbrigðisstofnun Þingeyinga á Húsavík.
Hann hefur komið passlega í afmælis-
veislu systur sinnar en hún hefði orðið 95
ára þennan dag. Nú eru harmonikuóm-
arnir hljóðnaðir í Ormarslóni, og símtöl-
in okkar verða ekki fleiri en minningin
lifir.
Vertu sæll frændi.
Halldóra Hólmgrímsdóttir
Okkar arlega - og sívinsæla
VORBALL
verður í Básnum í Ölfusi, laugardagskvöldið
15. maí nk kl 22 til 02 - Danstónlist við ailra hæfi
Fjölmennum!
HARMONIKUFÉLAG SELFOSS
Húnaver!
Minnum á
fjölskylduhátíðina
í Húnaveri
18. - 20. júní 2004
Félög harmonikuunnenda
í Húnavatnssýslu og Skagafirði