Læknablaðið : fylgirit - 01.04.2008, Blaðsíða 3

*4fr6f¥-
l/i£
Velkomin á 10. sameiginlegt vísindaþing
Skurðlæknafélags íslands og Svæfinga- og
gjörgæslulæknafélags Islands!
Kæru félagar, kollegar, læknanemar, stuðningsaðilar og aðrir gestir
Það er okkur sérstök ánægja að bjóða ykkur velkomin á 10. sameiginlegt vísindaþing
Skurðlæknafélags íslands og Svæfinga- og gjörgæslulæknafélags Islands.
Þingið er haldið á Hilton Reykjavík Nordica Hótel og stendur í tvo daga, 11.-12. apríl.
Reyndar hefst óformleg dagskrá þegar að kvöldi 10. aprfl, haldinn verður fyrirlestur um nýj-
ungar í öndunarvélarmeðferð.
Að vanda hefur mikil vinna verið lögð í undirbúning þingsins. Auk stjórna félaganna
hefur ráðstefnufyrirtækið Congress Reykjavík nú í annað sinn haft með höndum skipulag þess.
Samstarfið við Congress Reykjavík hefur verið sérlega ánægjulegt og tókst þinghaldið í fyrra með
miklum ágætum. Er það von okkar að jafn vel takist til í ár og að stjórnir félaganna séu á réttri
leið með uppbyggingu þess.
Líkt og í fyrra eru þátttakendur beðnir að skrá sig á www.congress.is Skráningargjaldi er stillt
í hóf (2000 kr) og eru læknanemar, ung- og deildarlæknar auk hjúkrunarfræðinga undanþegnir
gjaldinu.
Margir koma að skipulagningu dagskráratriða á þinginu og hefur það verið markmið beggja
félaga að hafa dagskrána fjölbreytta til að tryggja að sem flestir finni eitthvað við sitt hæfi.
Styrktaraðilar munu eins og áður skapa glæsilega umgjörð um þingið og verður boðið upp á
sýningu á ýmsum nýjungum innan skurð-, gjörgæslu- og svæfingalækninga.
Við opnun þingsins mun landlæknir ávarpa þinggesti að venju og síðan verður fjöldi mál-
þinga og fyrirlestra, m.a. um upphafsmeðferð fjölslasaðra, enduruppbyggingaraðgerðir á höfði
og hálsi, sýkingar eftir bæklunaraðgerðir, afleiðingar hækkaðs þrýstings í kviðarholi, meðferð
með hjarta- og lungnavél, hvemig tryggja eigi erfiðaðan öndunarveg og loks þróun aðgerða við
offitu og svæfingar offitusjúklinga. í langflestum tilvikum munu erlendir fyrirlesarar leiða mál-
þingin og hefur alls 10 fyrirlesurum verið boðið til landsins af þessu tilefni.
Mikilvægasti þáttur þingsins og þungamiðja er kynning á vísindaerindum sem eru 58 tals-
ins. Besta erindi ungs vísindamanns mun keppa til veglegra verðlauna á laugardeginum en
sérstök vísindanefnd félaganna hafði með höndum það erfiða verkefni að velja sex bestu erindi
unglæknis eða læknanema sem send voru inn á þingið. Einnig verða veitt verðlaun fyrir besta
erindið sem ekki var valið í hóp áðumefndra sex erinda og loks verða verðlaun fyrir besta vegg-
spjaldið. í ár verður sú nýbreytni að höfundar veggspjalda stíga á pall og kynna rannsókn sína
með tveggja mínútna erindi en veggspjöldin verða einnig hengd upp á þinginu.
Þinginu lýkur á laugardagskvöld með hátíðarkvöldverði á DómóBar. Þar verður meðal ann-
ars boðið upp á fordrykk, þríréttaðan hátíðarmatseðil og lifandi tónlist. Að loknum kvöldverði
verður dansleikur (upp úr kl. 22) og hafa félögin boðið unglæknum og læknanemum á 4-6. ári
að taka þátt. Þetta var gert í fyrra og þótti takast með ágætum, en hugmyndin að tengja saman
(utan skurðstofu og gjörgæslu) eldri, yngri og verðandi kollega.
Fyrir hönd Svæfinga- og gjörgæslulæknafélags íslands og Skurðlæknafélags íslands viljum
við sérstaklega þakka öllum þeim fjölmörgu fyrirtækjum sem styrkt hafa þingið í ár. An stuðn-
ings þessara fyrirtækja hefði aldrei verið hægt að skipuleggja þing að þessari stærðargráðu þar
sem vísindi og fræðsla eru höfð í fyrirrúmi. Gunnhildur Jóhannsdóttir skrifstofustjóri fær þakkir
fyrir frábær störf við skipulagningu vísindahluta þingsins, einnig Læknafélagið og starfsfólk
Læknablaðsins fyrir ómetanlega aðstoð.
Læknablaðið
THE ICELANDIC MEDICALIOURNAL
www.laeknabladid.is
Aðsetur
Hlíðasmára 8, 201 Kópavogi
Útgefandi
Læknafélag fslands
Læknafélag Reykjavíkur
Símar
564 4104 - 564 4106 (fax)
Ritstjórn
Jóhannes Björnsson,
ábm. og ritstjóri
Bryndís Benediktsdóttir
Engilbert Sigurðsson
Gunnar Guðmundsson
Margrét Árnadóttir
Tómas Guðbjartsson
Póra Steingrímsdóttir
Ritstjórnarfulltrúi
Védís Skarphéðinsdóttir
vedis@lis.is
Auglýsingastjóri og ritari
Brynja Bjarkadóttir
brynja@iis.is
Blaðamaður og Ijósmyndari
Hávar Sigurjónsson
havar@iis.is
Umbrot
Sævar Guðbjörnsson
saevar@iis.is
Upplag
400
Áskrift
6.840,- m. vsk.
Lausasala
700,- m. vsk.
© Læknablaðið
Læknablaðið áskilur sér rétt
til að birta og geyma efni
blaðsins á rafrænu formi,
svo sem á netinu.
Blað þetta má eigi afrita
með neinum hætti, hvorki
að hluta né i heild án leyfis.
Prentun, bókband
og pökkun
Gutenberg ehf.
Suðurlandsbraut 24
108 Reykjavík
Stjórn Skurðlæknafélags
Islands
Tómas Guðbjartsson, formaður
Helgi H. Sigurðsson, varaformaður
Þorvaldur Jónsson, ritari
Fritz Bemdsen, gjaldkeri
Hulda Brá Magnadóttir, meðstjómandi
Ritari þingsins Gunnhildur Jóhannsdóttir
Stjórn Svæfinga- og
gjörgæslulæknafélags íslands
Sigurbergur Kárason, formaður
Felix Valsson, varaformaður
Hildur Tómasdóttir, ritari
Kári Hreinsson, gjaldkeri
Guðmundur Klemenzson, meðstjómandi
Forsíðurmynd:
Valtýr Bjamason svæfingalæknir hugar
að sjúklingi á Landspítala.
Myndina tók Andrés Kolbeinsson
Ijósmyndari árið 1958.
Ljósmyndasafn Reykjavíkur.
ISSN: 0254-1394
LÆKNAblaðið 2008/94 3