Bæjarins besta - 22.12.2010, Blaðsíða 17

MIÐVIKUDAGUR 22. DESEMBER 2010 17
Tekjur Bolungarvíkur úr
Jöfnunarsjóði lækka um 26%
Gert er ráð fyrir að A-hluti bæj-
arsjóðs Bolungarvíkur skili 5,4
milljóna króna hagnaði sam-
kvæmt frumvarpi að fjárhags-
áætlun sem lagt var fram til fyrri
umræðu fyrir helgi. Reiknað er
með að sami hagnaður 5,4 millj-
óna kr. verði af rekstri A- og B
hluta samstæðunnar en með
óreglulegum tekjum í B-hluta er
reiknað með að hagnaður sam-
stæðunnar verði 78,4 milljónir
kr. „Í þessari útgáfu áætlunar-
innar er ekki reiknað með tekjum
og gjöldum vegna yfirfærslu á
málefnum fatlaðra til sveitarfé-
laga um áramót, en mikil vinna
hefur verið innt af hendi af starfs-
mönnum, velferðarráði og fleir-
um vegna yfirfærslunnar. Upp-
lýsingar um væntanlega þjón-
ustuþörf liggja nú fyrir og verður
hægt að setja fram áætlun fyrir
bæði tekjur og kostnað vegna
málaflokksins fyrir síðari um-
ræðu um fjárhagsáætlun. Í raun
er því verið að gera ráð fyrir því
hér að tekjur vegna málaflokks-
ins séu jafnar útgjöldum,“ segir
Elías Jónatansson, bæjarstjóri Bol-
ungarvíkur í stefnuræðu sinni.
Áætlunin gerir ráð fyrir að
skatttekjur, þar með taldar tekjur
úr Jöfnunarsjóði, verði 407
milljónir kr í samanburði við 455
milljónir árið á undan. Þær drag-
ast því saman um 11%. Munar
þar mest um áætlaða lækkun
tekna úr Jöfnunarsjóði, en áætluð
lækkun frá fjárhagsáætlun fyrra
árs er 32 milljónir kr. eða 25%.
Þjónustutekjur verða sam-
kvæmt áætluninni 205 milljónir
kr. og hækka um 5,5 milljónir
kr. frá áætlun 2010. Veltufé frá
rekstri A-hluta er 39,4 milljónir
kr. en 58 milljónir kr. frá rekstri
samstæðunnar. Gert er ráð fyrir
að fjárfest sé fyrir 88 milljónir
kr. á árinu og munar þar mest um
fjárfestingu í snjóflóðavörnum
50 milljónir. Reiknað er með að
skuldir og skuldbindingar sam-
stæðunnar verði 1.001,9 milljónir
kr. í árslok 2011, en þær voru
1.116 milljónir í árslok 2009.
Fjárhagsáætlun gerir ráð fyrir
að útsvarsprósenta ársins 2011
verði 13,28% sem er lögbundið
hámark. Á árinu 2010 var útsvar-
ið 13,94%, vegna 5% álags á
útsvar. Gert er ráð fyrir að út-
svarstekjur ársins verði 289 m.kr.
samanborið við 297 m.kr. í
áætlun 2010.
Reiknað er með að tekjur úr
Jöfnunarsjóði sveitarfélaga verði
89 milljónir kr. á árinu 2011, en
áætlun ársins 2010 gerði ráð fyrir
121 milljóna kr. lækkun á milli
ára en er því 32 milljónir kr. eða
um 26%.
Fasteignaskattur á íbúðarhús-
næði (A) er 0,5% af fasteignamati
húss og lóðar. Fasteignaskattur á
opinbert húsnæði í eigu ríkisins
(B) og aðrar fasteignir (C) er
1,32% af fasteignamati húss og
lóðar. Vatnsgjald er 0,40% og
holræsagjald 0,30% af fasteigna-
mati húss og lóðar, en lóðarleiga
1% af fasteignamati lóðar fyrir
íbúðarhús en 2% af fasteignamati
lóðar fyrir aðrar lóðir. Sorp-
hreinsigjald er 16.170 kr/íbúð og
sorpeyðingargjald er 18.480 kr/
íbúð og hækka þau gjöld því um
5% á milli ára. Veittur er 5%
staðgreiðsluafsláttur ef öll fast-
eignagjöldin eru greidd fyrir 20.
febrúar 2011. Sorphreinsi- og
sorpeyðingarmálin eru nú til
skoðunar og verður væntanlega
farið í talsvert meiri flokkun á
sorpi en nú tíðkast í sveitarfélag-
inu, en með því má lækka kostnað
við urðun eða brennslu.
Engin hækkun er á gjaldskrá
leikskóla, tónlistarskóla, heils-
dagsskóla, mötuneyti og heima-
þjónustu. „Öðrum gjaldskrár-
hækkunum er mjög stillt í hóf,
en dæmi um hækkanir eru af-
leiddar hækkanir af orkusölu
14,6% hjá Bolungarvíkurhöfn,
vegna hækkana frá Orkubúi
Vestfjarða, aðrir liðir gjaldskrár
Bolungarvíkurhafnar eru óbreytt-
ir. Nýmæli í gjaldskrá hafnar-
innar er að tekið er upp farþega-
gjald fyrir 12 ára og eldri sem
ferðast með farþegabátum,“ segir
í stefnuræðunni. Vatnsveita, gatna-
gerðargjöld og framkvæmdaleyfi
hækka samkvæmt vísitölu bygg-
ingarkostnaðar eða um 1%.
Gjaldskrá íþróttamiðstöðvar-
innar tekur verulegum breyting-
um, sérstaklega hvað varðar árs-
kort í sund. Árskort í sund fyrir
fullorðna lækka úr 31.250 kr. í
13.900 kr. Þá er tekin upp sú
nýbreytni að bjóða upp á árskort
í sund fyrir börn á aldrinum 7 til
18 ára sem kostar einungis 2.500
kr. Jafnframt hefur verið ákveðið
að veita nemendum Grunnskóla
Bolungarvíkur árskort í sund sem
gjaldfært verður sem frístunda-
styrkur. Þannig munu börn á
grunnskólaaldri áfram fá frítt í
sund, en árskort í sund fyrir ungl-
inga á aldrinum 16 til 18 ára
lækkar úr 31 þúsundi í 2.500
krónur.
– thelma@bb.is Bolungarvík.