Frjáls verslun - 01.03.2010, Blaðsíða 80
80 F R J Á L S V E R S L U N • 3 . T B L . 2 0 1 0
JENNÝ RUTH HRAFNSDÓTTIR
framkvæmdastjóri Barnasmiðjunnar ehf.
B
arnasmiðjan ehf. hefur verið leið andi á
íslenskum úti leik tækja markaði í 24 ár.
Fyrirtækið fram leiðir úti leiktæki undir
vörumerkinu KrummaGull, auk þess að
bjóða leikföng og kennslugögn til leik og
grunnskóla. Þriðja grunnstoð fyrirtækisins
er smá söluverslun með leikföng og leiktæki
fyrir heimahús. „Ég tók nýverið til starfa
sem framkvæmdastjóri Barnasmiðjunnar
en þar sem foreldrar mínir stofnuðu fyrir
tækið hef ég alltaf þekkt hvern krók og kima
í því. Ég tek við góðu búi hefðbundinna
við skiptahátta þar sem farið var fetið í upp
bygg ingu fyrir tækisins. Þessi stefna mun
áfram verða við höfð undir minni stjórn en
aðferðirnar að markmiðunum breyttar.
Það er mikið að gera þessa dagana og
ber þar helst að nefna inngöngu okkar á
norska útileiktækjamarkaðinn. Við erum
að skoða samstarf við norskt fyrirtæki í
vöruþróun og teljum að það styrki stöðu
okkar tals vert á markaðnum. Auk þess erum
við að endurbæta markaðsefnið fyrir þetta
verk efni. Næst ber að nefna tvær nýjar
vörulínur, KrummaKot vörulínuna með
útileiktækjum fyrir heimili og sumarhús
sem verður kynnt um miðjan maí. Hin
línan er öllu stærra þróunarverkefni og
von umst við til að ná að kynna fyrstu vörur
þeirrar vörulínu á vormánuðum 2011. Við
höfum fengið dyggan stuðning fagfólks og
viðskiptavina við þróun vörulínunnar sem
er skemmtilegt nýsköpunarverkefni.“
Jenný Ruth útskrifaðist með BSgráðu
frá HÍ í vélaog iðnaðarverkfræði. Þaðan
lá leiðin til Þýskalands þar sem hún
stundaði framhaldsnám í verkfræði og
lauk DiplIng gráðu í vélaverkfræði eða
öllu heldur smávélaverkfræði (e. Micro
ElectroMechanical System Engineering).
„Eftir nám hóf ég störf hjá Actavis þar
sem ég stoppaði stutt því Össur hf.
heillaði meira. Ég starfaði í fimm ár á
vöruþróunarsviði Össurar við hönnun,
verkefnastjórnun og vörustjórnun. Það
var lærdómsríkur og skemmtilegur tími.
Síðasta árið stýrði ég hönnunarhópi sem
sá um hönnun gervigreindarökkla. Össur
er eitt fárra íslenskra fyrirtækja sem rekur
rótgróna alþjóðasöludeild og í starfi mínu
sem vörustjóri fékk ég góðan lærdóm frá
söludeildunum enda mikilvægt í vöruþróun
að vinna náið með viðskiptavinum og hlusta
á þarfir þeirra. Núna reynir á að nýta þetta
veganesti og yfirfæra það í viðfangsefnin
framundan.
Þrátt fyrir að gaman sé í vinnunni mega
áhugamálin ekki sitja á hakanum og ég
reyni að skella mér út í hlaupaskónum
nokkrum sinnum í viku. Það er bæði
hreins andi og slakandi að fara út í smá
rigningarsudda. Ég spila líka á píanó og fer
á tónleika. Við höfum ekki komist mikið
á skíði í vetur en það er fjölskyldusport
númer eitt, meira að segja sú stutta hefur
komið með í fjallið síðan hún var þriggja
vikna. Hlíðarfjall stenst ágætlega saman
burð við austurrísku Alpana og við höfum
látið það duga í vetur.“
Nafn: Jenný Ruth Hrafnsdóttir.
Fæðingarstaður: Reykjavík,
7.október 1978.
Foreldrar: Hrafn Ingimundarson
og Elín Ágústsdóttir.
Maki: Árni Viðar Sigurðsson.
Börn: Viktor, 7 ára og Brynja, 1 árs
Menntun: BS í véla-og iðnaðar-
verkfræði frá Háskóla Íslands
og Dipl.-Ing. í vélaverkfræði frá
Universität Karlsruhe.
Jenný Ruth
Hrafnsdóttir. „Þrátt
fyrir að gaman sé
í vinnunni mega
áhugamálin ekki
sitja á hakanum
og ég reyni að
skella mér út í
hlaupaskónum
nokkr um sinn um
í viku.“
TEXTI:
HILMAR
KARLSSON
MYND:
GEIR
ÓLAFSSON
Fólk