Franskir dagar - 01.07.2012, Blaðsíða 32
FrANSKIR DAGAR - LeS JOURS FRANf AIS
Hvalveiðibdturinn Island kemur með hval að landi á Fögrueyri.
Strax eftir stofnun þýska hvalveiðifélagsins í
árslok 1902 var samið við Akers mekanisk Værk-
sted í Kristiania (Osló) um smíði tveggja nýtísku
hvalveiðibáta. Fyrri bátnum, Island, var hleypt af
stokkunum í maímánuði 1903 en hinum síðari,
Germania, mánuði síðar. Bátarnir voru systur-
skip, 106 tonn að stærð.
í lok júnímánuðar komu hvalveiðibátarnir til
Fáskrúðsfjarðar og héldu til veiða dagana 1. og 2.
júh'. Á báðum bátunum voru norskar áhafnir og
skytturnar, sem einnig sinntu skipstjórn, höfðu
nokkra reynslu af hvalveiðum.
AFKOMAN UNDIR
VÆNTINGUM
Veiðum á fýrstu vertíð stöðvarinnar lauk hinn 31.
ágúst og höfðu þá bátarnir tveir fært 47 hvali að
landi og nam lýsisframleiðslan 1428 fótum. Ekki
voru forsvarsmenn hvalveiðifélagsins ánægðir
með árangurinn því veiði bátanna var langt undir
meðaltalsveiði á vertíðinni auk þess sem allskonar
vandamál komu upp við vinnslu á hvalnum. Stór
hluti vandamálanna tengdist þeim tækjabúnaði
sem Dr. Paul hafði hannað og látið smíða. Tap
reyndist á starfseminni þrátt fyrir að þýska ríkið
legði félaginu til myndarlegan rekstrarstyrk.
Á vertíðinni 1904 komu hvalveiðibátarnir með
samtals 85 hvali að landi, en þrátt fyrir að veiðin
væri góð héldu vandræðin við vinnsluna áfram
og að auki lækkaði markaðsverð á hvallýsi mjög
þetta árið. Eins og árið áður var tap á starfseminni
þrátt fyrir ríkisstyrk.
Á miðri vertíðinni tók stjórn hvalveiðifélagsins þá
ákvörðun að senda einn stjórnarmann til Islands
til að kanna hvers vegna starfsemin á Fögrueyri
gekk ekki betur en raun bar vitni. Til farar-
innar valdist Heinrich Grohmann kaupmaður
frá Altona. Kynnti Grohmann sér starfsemina
og í viðtölum við norska starfsmenn upplýst-
ist að þeir kenndu fyrst og fremst tækjabúnaði
stöðvarinnar um þau vandræði sem einkenndu
reksturinn. Niðurstaða athugunar Grohmann
Hvalur skorinn dflensiplaninu d Fögrueyri d vertiðinni 1905.
• 32