Frjáls verslun - 01.10.2005, Qupperneq 48

48 F R J Á L S V E R S L U N • 1 0 . T B L . 2 0 0 5
Þ
að verður æ algengara að fyrir-
tækjahópar komi saman til að
efla liðsheildina. Efasemdarmenn
spyrja hvort þetta þjóni nokkrum
tilgangi en aðrir hafa lært af reynslunni að
það felst í því heilmikill ávinningur að æfa
sig í að ná árangri með leikjum og þrautum,
að ekki sé talað um kosti þess að vera glaður
í vinnunni.
Aðferðafræðin Lært af reynslunni
(Experiential learning), sem IMG Ráðgjöf
beitir, gagnast fyrirtækjum til að ná árangri
og verðmætaaukningu og starfsfólkið fær
tækifæri til að æfa sig í öruggu umhverfi.
Ég kynntist aðferðafræði bandaríska fyr-
irtækisins Project Adventure (PA) árið 1999
og fór á fyrsta námskeiðið hjá þeim árið
eftir. Ég hef notað þessa aðferð upp frá
því við eflingu liðsheilda hjá fyrirtækjum, í
kennslu í grunnskóla, við kajakkennslu og
leiðsögn í göngu og kajakferðum. Aðferðin
hefur reynst vel og sýnt að með því að læra
af reynslunni og hafa gaman af verður margt
skiljanlegra og auðveldara.
Upplifunarfræðsla, hvað er það?
Project Adventure er leiðandi í aðferðafræði
upplifunarfræðslu, öðru nafni lært af reynsl-
unni (experiential learning) sem hentar ein-
staklega vel við þjálfun stjórnenda og starfs-
manna. Aðferðir fyrirtækisins eru vel til þess
fallnar að bæta samskipti og auka árangur
bæði einstaklinga og hópa. Lögð er áhersla
á samvinnu, samskipti, lausn verkefna og að
skapa andrúmsloft trausts og gleði.
Það sem einkum einkennir þessa aðferða-
fræði Project Adventure er að hún byggir
á leikjum, þrautum og útivist til að skapa
reynslu sem nýtist við að leysa verkefni
dagsins, byggja upp reynslubanka sem hægt
er að sækja í, til að finna lausnir á þeim
þrautum sem upp koma í vinnunni. Hug-
myndin er, að í hópum séu einstaklingar
með mikilsverða þekkingu og ólíka reynslu,
sem þarf að virkja og muni nýtast hópunum
til góðra verka.
Virðing, umhyggja fyrir náunganum og
gleði við vinnuna eru þættir sem gera góðan
hóp að frábærum.
Þegar unnið er með eitthvað nýtt og farið
fram á þátttöku í verkefni þarf að útskýra
leikreglurnar vel. Það þarf að sannfæra hóp-
inn um að ekki sé verið að fara fram á meira
en þátttakendur eru með góðu móti tilbúnir
að leggja á sig.
Sameiginleg gildi
PA hefur lagt hornsteina í sinni starfsemi,
hugtök sem nýtast vel í inngangi verkefna.
Fyrst má nefna sameiginleg gildi fyrir hóp-
inn (Full value contract).
Þegar hópurinn velur sér sameiginleg
gildi er sammælst um að hver og einn hafi
eitthvað gagnlegt fram að færa. Þetta er
venjulega látið í ljós með hvatningu, mark-
miðasetningu, umræðum í hóp og andrúms-
lofti þar sem hvatt er til þess að fyrirgefa og
að taka á árekstrum. Hvatt er til þess að allir
þátttakendur virði sjálfa sig, hvern annan,
og námið.
L E I K I R Á N Á M S K E I Ð U M Í S T J Ó R N U N
Oftar en ekki eru notaðir
leikir á námskeiðum um
stjórnun og finnst þátttak-
endum stundum sem um
„fíflagang“ sé að ræða. En
hvers vegna leikir? Hvað
geta leikir gert til að leysa úr
raunverulegum málum í vinn-
unni? Á ekki vinnan að vera
alvarleg? Er nokkuð rúm fyrir
svona „fíflagang“ þar?
AF HVERJU
LEIKIR?
TEXTI: SIGURJÓN ÞÓRÐARSON
MYNDIR: GEIR ÓLAFSSON o.fl.