Frjáls verslun - 01.05.2005, Blaðsíða 84

84 F R J Á L S V E R S L U N • 5 . T B L . 2 0 0 5
M
argrét Kristmannsdóttir, fram-
kvæmdastjóri Pfaff-Borgar-
ljósa, hefur mikla reynslu af
félagsstörfum í þágu fólks í
verslun og viðskiptum. Hún er formaður
FKA, Félags kvenna í atvinnurekstri, og
varaformaður FÍS, Félags íslenskra stórkaup-
manna. Margrét er ánægð með nýliðun og
kraft í FKA en horfir enn bjartsýnni fram á
veginn vegna nýlegra lagabreytinga á lögum
FKA sem gefur fleiri konum kost á inngöngu
í félagið en áður var.
Björt framtíð
„Áður þurftu konur að eiga og reka fyrirtæki
til að geta gerst félagar, en nú er nóg að þær
reki fyrirtæki til að geta tekið þátt í starfinu.
Það hefur verið þrýst mikið á að gera þessa
lagabreytingu og með henni opnaðist leið
fyrir fjölda kvenna í áhrifastöðum að ganga
í félagið.
Innan FKA er að finna gífurlega þekkingu
og reynslu í rekstri fyrirtækja og konur í
atvinnurekstri eiga hér aðgang að sameigin-
legum vettvangi til að byggja upp fyrirtæki
sín og sækja sér stuðning.
Það hefur verið gífurleg ásókn í félagið
undanfarið, ekki líður svo vika að ein eða
fleiri konur skrái sig ekki sem félaga. Þessar
konur eru fullar af krafti og spenningi og
við horfum fram á bjarta framtíð í vaxandi
félagi með allar þessar dugmiklu konur inn-
anborðs.
Karlar hafa alltaf verið betur tengdir í
fyrirtækjum sínum. Konur í áhrifastöðum
hafa fundið fyrir talsverðri einangrun í starfi
og þess vegna er þeim mjög mikilvægt að
komast í hóp annarra kvenna í svipaðri
stöðu til að byggja upp viðskiptanet sitt.
Konur sem ganga í FKA vakna allt
í einu upp við það að þær þekkja tugi
kvenna sem reka fyrirtæki og þær geta
leitað hver til annarrar og fengið ráð,
aðstoð eða ábendingar.
Þessi tenging skiptir miklu máli í rekstri
fyrirtækja. Konurnar í FKA miðla viðskipta-
upplýsingum og þekkingu sín á milli og
styrkja þannig bæði sig sjálfar og aðrar
konur í atvinnurekstri.
Upplýsingastreymi og samstarf
Við leggjum mikla áherslu á að sameina
konurnar innan félagsins og efla samstarf og
samstöðu meðal þeirra.
Við erum með fjölpóstskerfi sem 400
konur fá og eiga aðgang að og gegnum
BLÓMSTRANDI
FÉLAG
Margrét Kristmannsdóttir, nýr formaður FKA,
sér fram á kröftugt félagsstarf með mikilli fjölgun félaga.
F É L A G K V E N N A Í A T V I N N U R E K S T R I
Margrét Kristmannsdóttir.
TEXTI: JÓHANNA HARÐARDÓTTIR
MYNDIR: GEIR ÓLAFSSON o.fl.