Frjáls verslun - 01.05.2005, Blaðsíða 86
86 F R J Á L S V E R S L U N • 5 . T B L . 2 0 0 5
V
iðvarandi fréttaefni um konur í
viðskiptalífinu eru málaferli vegna
kynferðislegrar mismunar, sem
afhjúpa á heldur hrikalegan hátt
hvað hér ríkir oft frumstæður og
í raun bældur hugsunarháttur meðal karla
- ég meina það, hvaða kynferðislega vel hald-
inn karlmaður þarf á því að halda að káfa
og klæmast! Ýmsar rannsóknir sýna hins
vegar að kannski tilheyri framtíðin kven-
stjórnendum því það hentar konum vel að
vinna í fyrirtækjum sem hugsa vel um starfs-
mennina - en á meðan þarf kannski að styðj-
ast við jákvæða mismunun til að koma fleiri
körlum í vinnu við barnapössun og konum í
bankastjórastólana.
Fyrir þingkosningarnar hér um daginn
var ég fengin til að tala á fundi með nokkrum
þingkonum um konur og stjórnmál: mitt efni
var staða kvenna á Norðurlöndum. Víðfeðmt
efni, en ég kaus að fræða viðstadda á hvað
ég hefði uppgötvað um Norðurlöndin eftir
að ég flutti hingað. Fram að því hafði ég afar
takmarkaðan áhuga á sérmálum kvenna, hef
sjálf aldrei fundið fyrir mismunun og fannst
lífið almennt ekkert mál, alla vega ekkert
kvennamál: á Norðurlöndum sá ég kvenfólk
eiga góðan framgang í stjórnmálum, tekju-
munurinn var ekki skekjandi og jú, þær voru
fremur fáséðar í viðskiptalífinu en einnig þar
stefndi í rétta átt.
Þegar ég flutti til London leið ekki á löngu
að ég tók eftir að konur virtust ekki til í þeim
geirum sem ég fylgdist með: stjórnmálum
og viðskiptalífinu. Í þeim fréttaþáttum sjón-
varps og útvarps sem ég hlustaði á voru
kvenkyns álitsgjafar sjaldséðir. Eftir nokkrar
vangaveltur komst ég að því að ástæðan
væri sú að í Danmörku og Svíþjóð, sem ég
þekkti best til í, hefur góð barnagæsla fyrir
viðráðanlegt gjald verið í boði undanfarna
fjóra áratugi eða svo. Það gildir aðeins öðru
máli um Ísland, en þar hygg ég að fjölskyldu-
samheldni og grimmilegur dugnaður margra
kvenna hafi gert þeim kleift að vinna bæði
utan heimilis - og innan.
Þingkonurnar og fleiri í hópi áheyrenda
tóku undir þetta með barnagæsluna - hér
getur kostað hátt í 80 þúsund íslenskar kr.
á mánuði og jafnvel meira að hafa barn í
pössun og allt eftirlit er brotakennt. Það
dugir ekki að bara vel launaðar konur eigi
kost á gæslu - því þá er ekki hægt að rækta
hæfileika þeirra sem þurfa að byrja lágt í
KYN OG KYNFERÐI
VIÐSKIPTALÍFSINS
TEXTI: SIGRÚN DAVÍÐSDÓTTIR
MYNDIR: PÁLL STEFÁNSSON
J A F N R É T T I Í B R E T L A N D I
Konur eru ekki áberandi í bresku viðskiptalífi frekar en í
þjóðlífinu almennt - og því áhugavert að velta fyrir sér af
hverju norrænar konur séu almennt langt komnar í að ná
tekjum og völdum á við karla.