Tímarit Máls og menningar - 01.07.1962, Blaðsíða 24
TÍMARIT MÁLS OG MENNINGAR
ing fyrir hann, en jafnframt gat þar
að líta myndir af geysi-víðáttumikl-
um og blómlegum kornökrum og stór-
stígum efnahagslegum framförum
sem ekki urðu til að varpa rýrð á
Rússland. Hvert liggur leið þín, Ind-
land?“ spyr Ole Björn Kraft með spá-
mannlegum þyngslum fyrir brjósti.
Og hann heldur áfram: „Baráttan
um Indland verður háð um sál Ind-
lands, hvort sem vesturveldin vilja nú
viðurkenna þá staðreynd, hún hefur
úrslitaþýðingu. Efnahagsleg aðstoð
dugir ekki. Guðlaus kommúnismi
mun bera sigurorð af guðlausum
kapítalisma. Hann stendur Indverj-
um að mörgu leyti nær hjarta ... En
heimsókn Siðvæðingarinnar hefur að
mínu áliti orðið til þess að Indverjar
sjá nú Vesturveldin í öðru — og
heppilegra ljósi.“
Þannig er ljóst hver er hin eigin-
lega stefna siðvæðingarmanna. Hún
á lítið sem ekkert skylt við þá dýrðar-
gloríu og engilsásjónu sem MRA-
mönnum er svo tamt að skreyta sig
með. Því síður þjónar hún þeim göf-
uga tilgangi sem sumir áhangendur
Buchmans höfðu í fyrstu hrifizt af.
Moral Re-Armament-hreyfingin er
beint áframhald af svonefndri Ox-
ford-hreyfingu. Norðmaðurinn
Sverre Norborg ritar eftirfarandi lýs-
ingu á hreyfingunni í bók sinni „En
eiendommelig Verdensvekkelse“ sem
kom út í Osló árið 1934:
„Hún (þ. e. Oxford-hreyfingin)
rekur enga auglýsingastarfsemi og er
ekki skipulögð, hún byggist ekki á
ofsa né stórorðum alþjóðaráðstefn-
um og er ekki rekin eftir neinni áætl-
un (program). Hún er ekkert annað
en tilraun til að flytja kristindóm
Nýja testamentisins inn í líf einstakl-
inga svo öll breytni manna mótist af
honum.“
Þeir sem sótt hafa þaulskipulagðar
ráðstefnur siðvæðingarmanna í Caux
og Mackinac-eyju, kýlt vömbina á
dýrindiskrásum og kræsingum og
orðið fyrir barðinu á linnulausum á-
róðri gestgjafanna, hafa lítið orðið
varir við þennan kristindóm Nýja
testamentisins. Skrumauglýsingar,
básúnublástur og áróðursherferðir
erindreka um víða veröld er auðvitað
ekki liður í neinskonar „prógrammi".
Það má segja að aðeins eitt atriðið í
lýsingu Norborgs fái staðizt: hreyf-
ingin er ekki „skipulögð" í vanaleg-
um skilningi. Félagaskrá er ekki til,
sjálfir segjast höfuðpaurarnir ekki
hafa hugmynd um hversu margir séu
í félagsskapnum, stjórn er ekki kjörin
né tilnefnd, bókhald fyrirfinnst vita-
skuld ekki, nema ef vera kynni á
himnum. Buchman og nánustu vinir
hans voru einráðir og stjómuðu öllu
með sérstökum tilskipunum sem
fengnar voru beint frá „Guði“. Þeim
nægði að setjast niður hljóða morg-
unstund með blað og blýant og áður
en varði var boðskapurinn kominn á
pappír. Enginn fylgismannanna
214