Morgunblaðið - 17.02.2015, Blaðsíða 38
38 MENNING
MORGUNBLAÐIÐ ÞRIÐJUDAGUR 17. FEBRÚAR 2015
Einar Falur Ingólfsson
efi@mbl.is
Finnski fiðluvirtúósinn Pekka Kuus-
isto og Davíð Þór Jónsson píanóleik-
ari lofa ævintýralegum spuna á tón-
leikum sínum í Kaldalóni í Hörpu
klukkan 20 í kvöld. Þeir hyggjast
gefa því sem þeir kalla „villta fyr-
irbærið“ óheft frelsi og sigla leitandi
að því sem innsæið kallar á.
Kuusisto er einn þekktasti ungi
fiðluleikari samtímans. Hann hlaut
Norrænu tónlistarverðlaunin 2013
og varð fyrsti Finninn til að sigra í
hinni alþjóðlegu Sibeliusar-
fiðlukeppni. Davíð Þór er meðal fjöl-
hæfustu tónlistarmanna landsins,
jafnvígur á píanóleik, tónsmíðar,
spuna og hljómsveitarstjórn. Upp á
síðkastið hefur hann verið áberandi
með hljómsveitinni ADHD og í sam-
starfi við myndlistarmanninn Ragn-
ar Kjartansson.
Kuusisto er á leið til landsins að
spila fiðlukonsert Stravinskíjs á
fimmtudaginn kemur með Sinfón-
íuhljómsveit Íslands. Þeir Davíð Þór
hyggjast nota tækifærið til að mæt-
ast í annað sinn í spuna.
„Fyrir hálfgerða tilviljun lékum
við saman í júní í fyrra, á tónlist-
arhátíð Víkings Heiðars, Reykjavík
Midsummer Music, “ segri Kuusisto
þegar hann svarar í símann þar sem
hann er staddur við tónleikahald í
Hollandi. „Við áttum að halda ör-
stutta tónleika saman í beinni í út-
varpinu, þar sem Davíð Þór léki í um
fimm mínútur og ég kæmi svo inn og
við myndum spinna saman í aðrar
fimm mínútur eða svo. Ég held að
spuninn hafi endað eftir 35 mínútur
og þolinmæði útvarpsfólksins var
löngu þrotin,“ segir hann og hlær.
„Okkur langaði að finna tíma til að
leika aftur saman síðar, að finna
fleiri sameiginlegar nótur við fyrsta
tækifæri. Þegar ljóst var að ég
kæmi aftur til Íslands, að leika með
Sinfóníuhljómsveit Íslands, þá tók-
um við aftur upp þráðinn.“
– Þið ætlið að spinna en hvernig
byrjið þið? Á því að velta fyrir ykkur
hvernig þið hefjið leikinn?
„Síðast ræddum við ekki neitt um
það. Bara að við ætluðum að hafa
skemmtilegt. Okkur langaði að sjá
hvað gerðist og tókst að hafa stjórn
á umfangsmeiri heimi tónlist-
arflæðis en við hreinlega bjuggumst
við. Í þetta skipti ætlum við að hitt-
ast fyrir tónleikana og ræða málin,
mögulega leika eitthvað, en ég get
ekki útskýrt ferlið á fyllri hátt.“
Hef spunnið allt mitt líf
– Bakgrunnur ykkar er ólíkur,
Davíð Þór hefur mikið verið í djass-
heimum, þar sem menn spinna
meira og minna, en þinn í klassískri
tónlist þar sem minna er spunnið.
„Í grunninn er það rétt en ég hef
alist upp með og þroskast sem lista-
maður með því að spinna mikið. Ég
hef gert það allt mitt líf. Faðir minn
er tónlistarmaður og hann eignar
það meira og minna djasstónlist.
Hefði hann ekki kynnst djassi ungur
að árum hefði hann ekki gerst tón-
listarmaður heldur orðið sjómaður
eins og til stóð, áður en hann var
fenginn til að læra svolítið á orgel og
fékk síðan námstyrk til að læra í
New York. Fyrir tilviljun rakst
hann þar inn á djassklúbb – við er-
um að tala um miðjan sjötta áratug-
inn þegar djasslífið í New York var í
blóma, og þegar við bróðir minn vor-
um litlir spunnum við mikið í djass-
anda með föður okkar. Það forðaði
okkur frá því að verða fangar nótna
á blaði.
Þegar ég spann með Davíð Þór
fannst mér hann alls ekki vera
bundinn við tónmál djassins, hann
er auðheyranlega einstaklega frjáls
og fjölhæfur, hann heyrir allt.
Lífið er skemmtilegra fyrir mig
sem tónlistarmann þegar ég er op-
inn fyrir áhrifum alls staðar að.“
– Eru engin takmörk í tónlist?
„Eina takmörkunin sem ég get
bent á núna er tímaskortur. Það er
ekki nægur tími til að gera allt sem
mig langar til að gera. Þess vegna
reyni ég að vera sífellt vandlátari
þegar ég vel mér verkefni. Og ég vil
gera tilraunir með fólki sem mér
finnst áhugavert og koma þá von-
andi fram með eitthvað sem nær
flugi og að lifa.“
– Þú ert mikið á vegum úti og leik-
ur þá líka á hefðbundnari tónleikum.
„Svo sannarlega, og ég hef gert
meira og meira af því á síðustu ár-
um. Ég hef til að mynda leikið mikið
með kammerhljómsveitum án
stjórnanda, eins og ég gerði með
Mahler Chamber Orchestra í
Reykjavík í fyrra. Heimurinn er líka
að verða móttækilegri fyrir fjöl-
breytilegri tónlist og þá til að mynda
spunaþáttum í tónleikum kamm-
ersveita. Nú eru góðir tímar fyrir
skapandi tónlist,“ segir Kuusisto.
„Góðir tímar fyrir skapandi tónlist“
Pekka Kuusisto
og Davíð Þór
spinna í Hörpu
Ljósmynd/Kaapo Kamu Morgunblaðið/Einar Falur
Spunameistarar Fiðluleikarinn Pekka Kuusisto og Davíð Þór Jónsson, sem er hér við leik í strætó á Listahátíð í Reykjavík, spinna í Hörpu í kvöld.
Björn Thoroddsen stóð í liðinni viku
í þriðja skipti fyrir gítarhátíðinni
Guitarama í Winnipeg í Kanada.
Húsfyllir var og uppselt í Park
Theatre á þessa tveggja tíma
skemmtun þar sem Björn hafði boð-
ið öðrum slyngum gítarleikurum að
stíga á svið með sér og heilla áheyr-
endur.
Á gestalistanum voru nokkrir
kunnir heimamenn, spilararnir og
söngvararnir Jason Nowicki, Big
Dave MacLean, Romi Mayes og Tim
Butler.
Að sögn Hjálmars W. Hann-
essonar, konsúls í Winnipeg, voru
tónleikarnir frábær skemmtun.
Stóðu margir gestanna allan tímann
og tóku lifandi þátt í því sem fram
fór á sviðinu.
Björn steig fyrstur á svið og
kynnti síðan gesti sína til leiks,
hvern af öðrum. Í lokinn samein-
uðust gestir og listamenn í flutningi
á lagi Bítlanna, „Hey Jude“.
Þegar er byrjað að skipuleggja
fjórðu Guitarama-hátíðina í Winni-
peg að ári.
Björn lét ekki þar staðar numið í
heimsókn sinni til Kanada að þessu
sinni því á sunnudag steig hann á
svið ásamt Winnipeg Jazz Orc-
hestra, undir stjórn Richard Gillis
trompetleikara sem hefur leikið með
Birni um árabil. Dag einn í liðinni
viku lék Björn einnig á tónleikum
með kvartett Gillis sem skipaður er
tónlistarmönnum frá Winnipeg.
Guitarama Björns
fyrir fullu húsi
Gítarhljómar Björn Thoroddsen, fyrir miðju, ásamt gestum sínum á sviði
Park Theatre í Winnipeg í liðinni viku. Þetta var þriðja Guitarama-hátíðin.
Aðeins nokkrum
vikum eftir að
hafa lýst yfir
andstyggð sinni
á kvikmyndaleik-
urum sem slá um
sig í hljóm-
sveitum, hefur
verið tilkynnt að
leikarinn Johnny
Depp sé kominn í
stjörnuhljómsveit undir heitinu
Hollywood Vampires, ásamt Alice
Cooper og Joe Perry, gítarleikara
Aerosmith.
Depp hefur leikið með ýmsum
tónlistarmönnum gegnum tíðina en
Hollywood Vampires mun troða
upp á Rock in Rio-hátíðinni í sept-
ember, sama kvöld og hljómsveit-
irnar System of a Down og Queens
of the Stone Age.
Depp í hljómsveit
Johnny Depp
Ekkert bensín, takk.
Þann 20. febrúar kemst einn heppinn áskrifandi Morgunblaðsins í samband við Volkswagen e-Golf.