Húnavaka - 01.05.2001, Qupperneq 191

HUNAVAKA
189
Björgvin Böðvar og Elísabetu Jóhönnu. Svavar og Hallfríður hófu búskap
á Hrútsstöðum í Laxárdal sama árið og þau gengu í hjónaband og þar
voru þau bændur til ársins 1954 en brugðu þá
búi og fluttu í Kópavog. Eftir að Svavar kom
suður vann hann í byggingavinnu en mörg
síðustu árin var hann vaktmaður í Iðnaðar-
bankanum í Lækjargötu en þar vann hann
fram yfir sjötugt.
Svavar var laginn í höndum og vandvirkur.
Honum lét vel að fást við smíðar og bókband
en bækur batt hann inn áratugum saman.
Gestkvæmt var á heimili Svavars og Hallfríðar
en hún lést árið 1992. Margir komu á heimili
þeirra m.a. til að fá bundnar inn bækur. Hjón-
in nutu þess að fá gesti og tóku vel á móti
fólki.
Svavar var ávallt glaður í viðmóti, ræðinn ogjákvæður, frá honum staf-
aði gleði og hljju. Hann hafði gaman af hestum og var snyrtimenni bæði
í orði og verki.
Utför Svavars fór fram frá Kópavogskirkju þann 20. október.
Sr. ÆgirFr. Sigurgeirsson.
Hólmfríður Rögnvaldsdóttir,
Skagaströnd
Fœdd 9. maí 1904 -Dáin 13. október 2000
Hólmfríður Rögnvaldsdóttir fæddist að Tungu í Fljótum, dóttir hjón-
anna, Rögnvalds Rögnvaldssonar bónda og Guðlaugar Kristjánsdóttur
húsfreyju.
Alls áttu þau Rögnvaldur og Guðlaug 11 börn en af þeim komust 9 á
legg. Hólmfríður var þriðja yngst og tvíburi. Tvíburabróðir hennar,
Rögnvaldur, drukknaði rúmlega tvítugur að aldri. Önnur systkini Hólm-
fríðar voru: Sólveig, Kristján, Gunnlaugur, Anna, Kristín, Vilmundur og
Petrea, sem er ein eftirlifandi af systkinahópnum og býr í Ólafsfirði. Upp-
eldisbróðir þeirra er Sigurður Ringsted en hann er búsettur á Akureyri.
Þau Rögnvaldur og Guðlaug fluttust búferlum árið 1910 að Kvíabekk í
Ólafsfirði. Þar var gott jarðnæði og bjuggu þau góðu búi. Heintilið var
alla tíð fremur veitandi en þiggjandi og þar þekkti enginn hvorki sult né
kulda. Kvíabekkur var auk þess aflagt prestssetur (og í raun á fyrri tíð
fyrsta og eina elliheimili landsins, ætlað prestum) svo húsakynni voru þar