Dagblaðið Vísir - DV - 15.04.2011, Blaðsíða 36

36 | Viðtal 15.–17. apríl 2011 Helgarblað
R
agnhildur Magnúsdóttir Thordarson
er fædd í Reykjavík en bjó í Stykkis-
hólmi til 8 ára aldurs. Þá flutti hún til
Kaliforníu og er mestmegnis alin upp
í San Francisco og Los Angeles. Hún er stjórn-
málafræðingur að mennt en sinnti dagskrár-
gerð í mörg ár á Bylgjunni, Kiss FM og sjón-
varpsstöðinni sálugu Sirkus.  
Ragnhildur er framtakssöm og lifandi kona
og því vatt áhuginn á dagskrárgerð upp á sig.
Verkefnin urðu sífellt stærri og ekki leið á löngu
áður en áhugi á kvikmyndagerð gerði vart við
sig. Byrjendaverk hennar í kvikmyndagerð
var  heimildarmyndin From Oakland to Ice-
land. „Ég gerði myndina reynslulaus eftir eigin
höfði og fjármagnaði hana með því að selja bíl-
inn,“ segir Ragnhildur frá. Myndin fékk góðar
viðtökur og var meðal annars sýnd á vef MTV í
Skandinavíu, á RÚV og á Movieola-sjónvarps-
stöðinni í Kanada.
Ragnhildi líður vel úti í Bandaríkjunum þar
sem hún eyddi stórum hluta æsku- og ung-
lingsáranna. Hún fluttist aftur þangað síðast-
liðið sumar ásamt Mikael Torfasyni rithöfundi
til þess að fara í framhaldsnám.
„Ég bý í West Hollywood sem er frábær
borg. Er á kafi í framhaldsnámi og er einnig að
vinna í „internship“, verkefni tengt náminu, í
bíómynd sem verður skotin í maí og júní. Við
erum í „pre-production“, eða að undirbúa tök-
ur. Aðalleikonan er mjög flott og hefur komið
til Íslands en ég held að það sé ekki búið að
senda út fréttatilkynningu um ráðningu henn-
ar þannig að ég þarf víst að bíða með að nefna
hana með nafni. Þetta er verulega skemmti-
legur hópur og fjölbreyttur sem ég vinn með
– ég kynntist danskri stelpu þarna á fyrsta degi
sem er gullmoli og leikstjórinn er mjög flipp-
aður og skemmtilegur Ameríkani af bestu gerð.
Svo hef ég einnig stýrt umræðum og staðið í
kynningum á svokölluðum „speaker-series“
í Warner Bros Studios og hef hitt fjölbreyttan
hóp af sjóuðu fólki. Eftirminnilegast var viðtal
við John Savage úr Deer Hunter sem var mjög
áhugasamur og forvitinn um Ísland.“
Vandað nám
„Ég er á kafi í New York Film Academy hjá Uni-
versal Studios í framhaldsnámi í „producing“.
Þetta er mjög fjölbreytt nám. Við tökum allt
frá lögfræði eða „entartainment law“ og busi-
ness-kúrsa upp í að pródúsera stuttmyndir og
það er mjög mikið skrifað. Við skrifum eigin
myndir og gerum myndir eftir aðra og þurf-
um að hanna svokallaðar sjónvarpsbiblíur þar
sem við teiknum upp þætti og erum í handrita-
kúrsum. Ég hef einnig leikstýrt þremur verk-
efnum. Við réðum vinnandi leikara í verkefnin.
Ein leikkonan kom aftur í næsta verkefni og við
munum vinna saman aftur. Við höfum feng-
ið greiðan aðgang að vinnandi fólki í brans-
anum. Það er ekki langt síðan handritshöf-
undur Walking Dead sat með bekknum heilan
sunnudag  og kenndi okkur um uppbyggingu
og strúktúr í slíkum verkum. Konan sem rekur
„producing“-deildina rak fyrirtæki fyrir Micha-
el Mann í mörg ár og einn kennarinn minn hef-
ur framleitt um 30 Disney-myndir. Þetta er of-
boðslega skemmtilegt og einnig krefjandi nám
og er ég stundum í burtu í 16–17 tíma á dag.“
Slitu trúlofun
„Ég flutti út með fyrrverandi sambýlismann-
inum mínum, Mikael. Við vorum saman í tvö
ár og nokkra mánuði og vorum tiltölulega
nýtrúlofuð þegar við skildum fyrir um þremur
mánuðum. Stundum þegar fólk planar fram-
tíð saman þá skýrast hlutirnir og við gátum
ekki fundið flöt á framtíðinni. Þetta var auðvi-
tað mjög erfitt enda var vægast sagt mikil ást í
gangi þarna, sérstaklega í fyrstu, en í dag er allt
alveg eins og það á að vera og allir sáttir. Við
eigum í samskiptum annað slagið og erum í
praktískum skuldbindingum saman enn og
þurfum að klára viss mál. Hann er dýnamískur
og flottur maður og hann mun alltaf eiga stað í
hjarta mínu.“ 
Hefur flutt meira en 40 sinnum
Ragnhildur vonast þó til að geta sinnt verk-
efnum tengdum kvikmyndagerð hér heima og
segist ekki vera ákveðin í því hvort hún sé al-
farið flutt út. 
„Við framleiðandinn Viðar Garðarsson
höfum verið að krukka í verkefni sem ég fékk
handritsstyrk fyrir frá KMÍ 2008 og það er aldrei
að vita hvort það komist í framleiðslu.“ Nafn
verksins er Fíkill. Myndin fjallar að sögn Ragn-
hildar á óhefðbundinn hátt um nokkra ein-
staklinga sem áttu við fíkniefnavanda að stríða
en náðu að snúa lífi sínu við.   
„Ég er reyndar bara hér sem námsmaður
núna og lít bara á mig sem slíkan. En ég hef
lært í lífinu að maður getur ekki ákveðið suma
hluti fyrir fram. Ég hef flutt meira en 40 sinnum
og maður veit aldrei hvernig eða hvar hlutirn-
ir enda. En það er ekkert leyndarmál að ég er
algjör Ameríkani enda ólst ég upp í Kaliforníu
og var í grunn- og háskóla hér. Ég gjörsam-
lega elska Ísland og sakna þess ofboðslega en
mér leið alltaf pínu eins og útlendingi heima,
enda var ég kölluð kanamellan í Kópavogin-
um þegar ég kom til Íslands hér áður. Ég hlæ
að þessu í dag en öllu gríni fylgir alvara, ég var
svona kannski svolítill einfari. Ég skil kúltúrinn
hér úti vel og vinn vel með Könum í þessum
verkefnum.  Ég tala og skrifa mun betri ensku
en íslensku líka sem auðveldar allt svona bæði
í námi og í verkefnum almennt. Ég finn mig vel
í þessu fjölmenningarsamfélagi sem Amer-
íka er en Guð, Ísland er og verður alltaf heima.
Landið er fallegt og magnað og Íslendingar
skemmtilegir og kraftmiklir. Fjölskyldan býr
hér í Kaliforníu og ég á foreldra hér og tvo ynd-
islega bræður sem eru nú frekar miklir Kanar.
Það er gott að vera nær þeim í bili.“
Kristjana@dv.is
Ragnhildur Magnúsdóttir
býr í Hollywood og undirbýr
tökur á kvikmynd í fullri lengd.
Hún er á kafi í framhaldsnámi
í kvikmyndaframleiðslu og
í náminu hefur hún greiðan
aðgang að fólki í bransanum í
Hollywood. Hún flutti út með
fyrrverandi sambýlismanni
sínum, Mikael Torfasyni.
Ást þeirra var heit en sam-
bandið gekk ekki upp. Þau
voru nýtrúlofuð þegar þau slitu
sambandinu en þrátt fyrir allt
er Ragnhildur sátt og segir allt
vera eins og það eigi að vera.
„Mun alltaf eiga
stað í hjarta mínu“
„Mér leið alltaf
pínu eins og út-
lendingi heima, enda var
ég kölluð kanamellan í
Kópavoginum þegar ég
kom til Íslands hér áður.